新巴五條節日特別路線加價

撐特別路線收貴o個D，有冇唸過，呢樣野點解只係巴士會有？

大時大節，電車、纜車、天星小輪.....以致巴士最大敵人or對手：港鐵，
一樣有通宵或延長服務，但人地有冇收貴？唔通剩係巴士公司要搵人開OT畀OT錢？其他交通機構係全無人駕駛？

所以有時真係唔怪得政府保鐵，剩係大時大節通宵服務收費如常呢一樣，已經係巴士望塵莫及既一大優點。
當然，你可以搬一大堆理由出黎講話巴士同鐵路有幾多性質唔同，幾多冇得比較(但講到話咩巴士點到點、街邊就搭得、唔使o係鐵路站上上落落、通常有位坐時，就成日大吹特吹話巴士好過鐵路，唔見有人話幾多性質唔同，幾多冇得比較)，但作為一般乘客，會唔會同你考慮咁多？在面對同樣節日通宵服務，一個照常收費，一個收貴，乘客會點揀？最終蝕底既係邊個？

大家睇下九巴N80,N82就知，夠膽死收貴80M,82M成倍有多，結果馬鐵一開即收工(馬鐵2004年尾開，佢地就2005年元旦後收工)，N80,N82都叫做覆蓋到唔少馬鐵唔到既孤島，都如此下場，其它同鐵路重疊率更高既節日通宵巴士路線，又會點呢？

[ 本帖最後由 mckhgc 於 2013-12-24 13:55 編輯 ]

原帖由 mckhgc 於 2013-12-24 13:45 發表
撐特別路線收貴o個D，有冇唸過，呢樣野點解只係巴士會有？

大時大節，電車、纜車、天星小輪.....以致巴士最大敵人or對手：港鐵，
一樣有通宵或延長服務，但人地有冇收貴？唔通剩係巴士公司要搵人開OT畀OT錢？其他交通機構係全無人駕駛 ...

其實除左過海線
新城特別線都只係收返通宵線個價錢
並冇坐地起價
如果特別線收返日頭價,你叫常規通宵線點做
EG 72S,38S VS N72
如果收返4.7/6.9,咁邊個會搭N72?

況且呢啲特別線都係鐵路去唔到嘅地方 除967R
根本冇直接競爭對手,如果唔搭佢就係搭的士
當然第日南港島線通車,N96,N592可以收檔

第三,本身巴士公司係已有特別線嘅收費
而電車、纜車、天星小輪係冇
如何介定幾時收貴,設立特別收費嘅額外費用都係應唔應該實施特別收費嘅考慮

[ 本帖最後由 brianlhm 於 2013-12-25 02:37 編輯 ]

其實西港島線及南港島線通後N5X，N6X，N96及N592都cut得
赤柱有N73就得，其他搭MTR

原帖由 PE3529 於 2013-12-21 01:11 發表
公司要額外搵人開夜D
OT 錢唔使畀?一年得過幾次$2.1 都唔肯畀GA
不如留係屋企LA

人0地XMAS, 新年就走去做節,
你就要走去返工;
人0地咁大犧牲,
咁就緊係要俾多D人GA LA!

我聽過有人XMAS開工係收4倍人工啦!

[ 本帖最後由 loveandpeace 於 2013-12-31 12:29 編輯 ]

原帖由 mckhgc 於 2013-12-24 13:45 發表
撐特別路線收貴o個D，有冇唸過，呢樣野點解只係巴士會有？

大時大節，電車、纜車、天星小輪.....以致巴士最大敵人or對手：港鐵，
一樣有通宵或延長服務，但人地有冇收貴？唔通剩係巴士公司要搵人開OT畀OT錢？其他交通機構係全無人駕駛 ...

大時大節通宵服務，你覺得港鐵唔想收你貴ｄ？其實只係港鐵的收費系統，做唔到呢樣野咋！如果佢加到，你慌佢會唔加呀，
加到都唔加就真係「傻的嗎」啦！（通宵時間人工高ｄ是常識吧）

跟本特別巴士ｎ線收貴ｄ係好合理的事，而且大家明碼實價，巴士又唔會迫你上車，你唔滿意個價你大可以選擇唔搭，
大時大節出得街玩，食下野都唔只十幾元，咁計較果十幾元，咁不如係屋企早ｄ訓好過！

原帖由 914 於 2013-12-31 13:00 發表


大時大節通宵服務，你覺得港鐵唔想收你貴ｄ？其實只係港鐵的收費系統，做唔到呢樣野咋！如果佢加到，你慌佢會唔加呀，
加到都唔加就真係「傻的嗎」啦！（通宵時間人工高ｄ是常識吧）

嗱話又唔係咁講架，地鐵彈性上班時間優惠係九九年先取消，嗰時已經有八達通，系統要做又點會做唔到呢？

[ 本帖最後由 48x 於 2013-12-31 13:21 編輯 ]

次次講呢樣野，都梗有人搬咁咩巴士節日通宵線收貴，改個價錢牌同八仔機就得，港鐵通宵要收貴，
收費系統做唔到加價幾粒鐘，之後第二朝又收返常規價錢，做到的話你慌港鐵唔會收貴云云

我唔知呢種人係盲目維護巴士公司，定係唔知歷史既小學雞，
記唔記得、或知唔知，以前地鐵係有繁忙時間附加費、清晨特惠價？
將線通車初期有次嚴重故障，跟著為向乘客致歉，有日朝早10點正前，將線各站出入免費？

呢D何嘗唔係改收費系統幾粒鐘，跟著又收返常規價錢？
可以見得如果港鐵有心節日通宵服務時段加價，係絕對做到，只係唔做

o係呢方面上，港鐵係比巴士有優勢，巴士公司商業道德比港鐵差，係不爭事實，
拎港鐵收費系統黎盲目維護巴士公司、對港鐵老屈扣帽子(明明係做到但唔做，就話只係做唔到，如果做到實做)，
就更加係無知又無恥。

[ 本帖最後由 mckhgc 於 2013-12-31 15:42 編輯 ]

原帖由 mckhgc 於 2013-12-31 14:55 發表
次次講呢樣野，都梗有人搬咁咩巴士節日通宵線收貴，改個價錢牌同八仔機就得，港鐵通宵要收貴，
收費系統做唔到加價幾粒鐘，之後第二朝又收返常規價錢，做到的話你慌港鐵唔會收貴云云

我唔知呢種人係盲目維護巴士公司，定係唔知歷 ...

人地鐘意賣大包巴士唔賣就要鬧人?

咁新年食野加幾蚊
餐廳加一服務費個啲就唔好幫襯啦

拎餐應廳黎比，真係
餐廳有冇專營權？有冇政府保護？


就算拎餐廳黎講，兩間餐廳，節日時B餐廳加價，R餐廳唔加價，你會點揀？
某甲讚R餐廳唔加價，比B餐廳好，某乙就仆出黎話R餐廳唔加價係佢加唔到詐，加到你慌佢唔加.......(但事實上R餐廳絕對可以加價)


到底係邊個問題？係咪有人盲目維護某東西？