區域性模式重組 - 沙田區 <已連結附件>

連30分一班既373A都擺唔到入灣碼,其他線都唔駛諗擺入灣碼

原帖由 mak5052 於 2014-1-12 15:57 發表

982擺棉花路，ok？不過如此去唔到sogo。或者泊大球場5B站又可以嗎？（678對面）

你要明白呢條係西隧版182 ...
最主要係服務番原線182既港島區乘客
擺銅鑼灣只係因為無總站
銅鑼灣客交番比170喇

關於80M食飯問題 唔太熟車務 如果食飯改泊山尾街得唔得?

81當然不可減車，你有沒有乘過，非繁有時來回連白色車也滿坐，繁時往沙田一到美桃樓學生可站滿全車

如果咁重組，富安係輸家唔出奇，因為富安會損失唔少快車，好似89C同89D，89D過咗沙田醫院就上高速，89C仲要去小瀝源兜一兜。81C同87D情況又係，84M同85M更明顯，如果唔係有位坐，84M唔會係首選。更甚者，三組線都差唔多係1:3 (即係1間入富安ge車ge班次等於3間馬鞍山出黎ge車)。如果全cut，富安(包括我)都有好大聲音，加上富安作為MOS最早開發區，享受咗所有車必經ge好處，一時三刻，會好難接受！ 除非轉乘有優惠，唔洗坐貴車就可以

原帖由 matchnacu 於 2014-1-14 14:04 發表
如果咁重組，富安係輸家唔出奇，因為富安會損失唔少快車，好似89C同89D，89D過咗沙田醫院就上高速，89C仲要去小瀝源兜一兜。81C同87D情況又係，84M同85M更明顯，如果唔係有位坐，84M唔會係首選。更甚者，三組線都差唔多係1:3 (即係1間 ...

只要286M拉左入黎富安總站加埋上去樂富，84M已經收得工。
係銀城街果段要用85K同82X的BBI黎解決。

不過咁，價錢上就做唔到84M咁平。
286M拉長實要加價(貴過85M都唔奇)。
況且，從此以後成個馬鞍山就會冇車去銀城街。

我諗就算唔現在搞，沙中線通車前實搞。
睇下來緊幾年的RDP。

另外，
班次1:3果度，用89C/D來講，人地C車做邊、D車做邊先得架！
D車既服務範圍大咁多，頌安之後人地揹哂d客喎！非繁班次都可以近5分鐘一班。
C車恆安開要兜幾個大圈，加上班次又疏，獨市位又少。連77區果班去觀塘，排開呢條線既，見286M黎都照上，去到大老山/ 鑽石山先轉車(我見過，我住恆安，青年會個站都有人咁做)。

至於81C和87D個問題，我諗單單一個旺角市中心，你地富安果邊都已經唔想放手啦！
前幾版我都講，87D係旺角果三個大站已經落左大半車客。
81C嚴格黎講係唔到旺角，最多只可以話掂邊。

89D 非繁要入黃泥頭，應該唔會比 89C 快好多吧？

原帖由 matchnacu 於 2014-1-14 14:04 發表
如果咁重組，富安係輸家唔出奇，因為富安會損失唔少快車，好似89C同89D，89D過咗沙田醫院就上高速，89C仲要去小瀝源兜一兜。

除非轉乘有優惠，唔洗坐貴車就可以

有你呢句，即時抽走40X~

原帖由 石頭 於 2014-1-15 01:20 發表

有你呢句，即時抽走40X~

40X ~ 的確係有得傾~

但正如上面有人所講~ 89D同87D 都係受富安/錦泰居民既線~ 抽走的話富安人一定唔會接受.

89D 非繁經黃泥頭其實同89C 車程差唔多, 但淨計繁忙時間夠快夠密已經足以令大部份富安錦泰人選搭89D 而唔係89C. 89C 對富安錦泰人黎講只係雞肋.

同樣~ 87D 又可以深入旺角, 班次又密~ 呢個已經係81C 做唔到既地方.

原帖由 mak5052 於 2014-1-11 00:17 發表

這個可以，但港島擺邊？
另外，我上文建議的988是否適宜加下繁回程？初建議沙田段跟286X

如果 982 全日, 計我話最好就出西隧到港澳碼頭之後, 跟 182 原線返沙田, 一邊落客一邊執回程客. (即係變循環線)
唔駛煩搵地方擺車, 又唔駛來回程都入中環, 慳返一半中環 quota.

我知實有人話大循環線班次不穩, 咁就上繁之後用返港澳碼頭 182 條坑做定時點, 等夠鐘先開車囉.

原帖由 THomas20010808 於 2014-1-13 18:40 發表
81當然不可減車，你有沒有乘過，非繁有時來回連白色車也滿坐，繁時往沙田一到美桃樓學生可站滿全車

山上仲有一堆學生同埋假日行山人士,
有時放學時間爾登華庭可以上十幾廿個客,

原帖由 AVW28 於 2014-1-14 14:45 發表
只要286M拉左入黎富安總站加埋上去樂富，84M已經收得工。
係銀城街果段要用85K同82X的BBI黎解決。
班次1:3果度，用89C/D來講，人地C車做邊、D車做邊先得架！

咁做富安個議員實嘈,搭84M係兩間醫院落車既佔有一定人數,
而且好多都係公公婆婆,最麻煩就係哩度,
89C同D點都要分開佢,觀塘至九龍灣沿站都有一個問題,
就係D人見有D車就上,攪到89D班班頂住反馬鞍山,
89C半車半車咁走,其實89D全日唔經亞公角同黃泥頭,
89C加密,黃泥頭既客咪搭82X轉車囉
81C應該遲早拉上青沙,做大左青沙個轉乘就搞掂,
到時去隧道口轉287X就可以到旺角