261(往屯門方向) 今日黃昏開少三班車

我係汁著個答案架  你地講到咁有POINT  但係點解唔可以好肯定咁答呢個答案?POINTS係好多  但係就無人明確肯定九巴已經盡左力
連立場都唔明確 自己都唔SURE九巴係咪盡左力   憑乜野說服我?

關於塞車脫班問題   你係咪覺得 九巴已經盡晒力   無任何解決方法？

如果你認為九巴無盡力..我只需說一個PT
(註：我不是頂九定反九，議事論事姐)
全香港一日咁多條路塞車...
請問九巴係咪真心可以盡力解決晒所有塞車所帶來的問題呢？
你話講261唔應該講68A，
我就用屯門公路做例子：
正如版友所述：68A唔係因為塞車所以一拖三嗎？
屯門公路塞車唔應該只係影響68A吧...
咁多條屯門公路線，我又想問吓你：點救呢？
荔廠青衣廠點都比一個上水廠多車吧...
又唔見佢哋去救68A？
青衣站夠多車拉吧，同廠區唔同廠區也有，
又唔見站長去救68A？
就算58M這些大線甩班，你又見唔見到葵芳站站長拉部車去行住先呢？
咪又係畀佢照甩.....
根本問題就係九巴所有線都係十個煲九個蓋
你拉人咃部車走，咁人哋本身條線點算？
盡力還盡力，都要睇有冇咁嘅資源去配合

拉車？講就容易，做起上嚟，可以好難架...
幾時先應該拉車呢？
如果真係喺廠拉咗部車出嚟，然後成堆原線嘅車又返到嚟，咁拉車行唔行呢？
唔行嘅話又返廠，咁成本又點計數呢？司機又點計數呢？
廠內嘅後備司機係咪識條斷纜線呢？
咁後備司機係咪要識晒所有屬廠線呢？
咁拉一架車出嚟唔夠載咁點呢？係咪又要拉第二架呢？
拉第二架嘅話遇到以上問題又可以點處理呢？
要拉幾多架先叫做盡咗力去解決個問題呢？
九巴每一日有幾多條線因為塞車而要去解決呢？
每一日又有幾多位後備司機喺廠呢？
萬一個司機調咗廠，係咪又要由0操起呢？
九巴有冇一批司機係可以識晒所有屬廠嘅路線點行呢？
如似58X、59X這類路線，得一間U廠派晒車嘅話
咁塞車時荔廠應唔應該派車呢？
唔應該嘅話屯門公路又塞死咗，咁U廠點派車出去解決個問題呢？

盡力？咩人咩心態嘅姐...
只可以話，你可以話九巴未盡力嘅同時，我絕對認為九巴啲站長絕對唔會見死不救..
注意：見死不救同無能為力係兩回事來的
唔好混為一談啊

[ 本帖最後由 GD1570 於 2014-1-13 12:09 編輯 ]

原帖由 GD1570 於 2014-1-13 08:50 發表
我係汁著個答案架  你地講到咁有POINT  但係點解唔可以好肯定咁答呢個答案?POINTS係好多  但係就無人明確肯定九巴已經盡左力
連立場都唔明確 自己都唔SURE九巴係咪盡左力   憑乜野說服我?

關於塞車脫班問題   你係 ...

簡單少少，想九巴再盡力D，
得.....搣左個ISO佢﹗唔好跟制度﹗
未渣過既線呢唔洗操架啦，
就咁跟番兩轉就上場啦﹗
車呢，唔好再行字軌或掛牌，
亦唔好SET死一間廠管啦，
好似對面廠咁，今日架車響九龍，
聽日響新界咪得囉﹗
拉車就方便好多啦，
又怕脫班囉，跳飛機囉，無問題架﹗
如果做到咁都唔滿意就真係無野做講啦﹗

因為九巴係一間講制度既公司囉，
唔係話自己想點就要人地去配合你﹗
前排某大討論區既汽車版又出左個問題，
有架5X卡左響個角位，前面有架私家車違泊，
佢既問題係除左呆等差佬黎，仲有無其他方法﹗
咁....同樓主既盡唔盡力有乜分別？
事後該樓主當然係俾人圍插收場啦﹗

原帖由 DM3822 於 2014-1-13 16:10 發表

簡單少少，想九巴再盡力D，
得.....搣左個ISO佢﹗唔好跟制度﹗
未渣過既線呢唔洗操架啦，
就咁跟番兩轉就上場啦﹗
車呢，唔好再行字軌或掛牌，
亦唔好SET死一間廠管啦，
好似對面廠咁，今日架車響九龍，
聽日響新界咪得囉﹗
拉車就方便好多 ...

真心覺得九巴真係畀個ISO搞到自己無能為力...

原帖由 GD1570 於 2014-1-14 07:20 發表


真心覺得九巴真係畀個ISO搞到自己無能為力...

我都係咁認為.....
個ISO係累到佢好多野都做唔到，
唔同對面海真係點舞都得﹗
呢個就真係不能而唔係不為啦﹗

原帖由 DM3822 於 2014-1-14 15:10 發表

我都係咁認為.....
個ISO係累到佢好多野都做唔到，
唔同對面海真係點舞都得﹗
呢個就真係不能而唔係不為啦﹗

不如學鬍鬚佬咁咪鬼理過ISO啦...
成本肯定慳唔少啊...
綁手綁腳點慳到錢呢？

P.S.：真心想某人快啲答返我堆拉車後遺症的問題啊

原帖由 GD1570 於 2014-1-14 15:49 發表


不如學鬍鬚佬咁咪鬼理過ISO啦...
成本肯定慳唔少啊...
綁手綁腳點慳到錢呢？

P.S.：真心想某人快啲答返我堆拉車後遺症的問題啊

你個拉車後遺症響ISO底下，
食得花生囉﹗

ISO呢D....PR野黎既姐，
好睇唔好食﹗

原帖由 DM3822 於 2014-1-14 16:22 發表

你個拉車後遺症響ISO底下，
食得花生囉﹗

ISO呢D....PR野黎既姐，
好睇唔好食﹗

OT:已買定一包花生等睇戲了...

所以永遠有乘客投訴脫班
巴士公司(任何一間都係)十次有九次都係拎交通擠塞做理由...
咁就已經可以完完全全灑走個投訴
無他架...有冇ISO都好，起碼唔係我唔提供車同服務畀你呀
而係啲車塞住晒行唔到咋..

原帖由 GD1570 於 2014-1-14 16:49 發表


OT:已買定一包花生等睇戲了...

所以永遠有乘客投訴脫班
巴士公司(任何一間都係)十次有九次都係拎交通擠塞做理由...
咁就已經可以完完全全灑走個投訴
無他架...有冇ISO都好，起碼唔係我唔提供車同服 ...

即係咁...人永遠只睇最表面既一面，一D都唔出奇﹗

好似隔離討論區，之前有人係咁嘈總站有佢想搭果架車，
車站有車長吹水，就問站長架車幾時開，站長答佢架車未番佢都唔知，
就係咁樓主就認為站長好似殺佢全家咁，又話咩唔應該咁答呀，
又講埋站有車有車長點解唔開車唔調車呀﹗
但制度上往往會令人知幾多？

你可以響個站度呻兩句「咁耐都未有車架﹗」，
但係當響了解完點解安排唔到俾你既時候，
你都仲係睇得咁表面，直頭用果D「我俾得錢你就要安排車俾我」，
呢D唔係橫蠻，仲可以叫乜野呢？咁人地同你講句「趕時間既就答的士啦」，
又絕對唔過份﹗

我自己既習慣我真係會了解哂所有野先嘈，
例如等車等得耐？睇下有無塞車囉﹗
或者睇下有無其他方法走囉﹗
嘈...有用咩？

只要唔係司機的問題，又或者日日如是的話
遲少少先有車又無乜所謂嘅
可能自己住開屯門，習慣晒早出門、塞車這些事情吧...

不過又咁講，有時有啲脫班又真係關司機事嘅時候..
你都真係唔知有乜路數可以解決....