施政報告2014: 東大嶼山或成新商業區

原帖由 nwfb1601 於 2014-1-15 21:57 發表

而家唔係咁講喇......幾年前已經有律師樓係愉景灣開 office，而且
仲有好多係市區 office 返工0既同事話好想返愉景灣添......

http://www.harveylawcorporation. ... information/offices

同一道理，例如青山公路的掃管笏路路口都有一間村屋開地產代理，康城裡面都有間老人院。

提起所謂的「東大嶼都心」或者「中部人工島」, 就令我想起91年「都會計劃」,
當年建議由竹篙灣填到出交椅洲, 用黎起港口設施．最印象深刻係會將港澳碼頭
搬出去交椅洲個度, 同時亦有十號幹線香港至大嶼山連接線的初型。

之後到機場核心計劃登場, 睇當時應該同都會計劃做過唔少整合規劃, 就好似
不時係本站出現的呢張概念圖。



似乎當時的另一個規劃係來自呢一張發展潛勢圖:



可見所謂「東大嶼都心」都係沿自90年代, 只係當時研究大膽地提出將梅窩納入發展, 亦未知大蠔河的生態價值。
一直到2000年政府都想解決東涌道的問題, 建議由大蠔起連接路去梅窩, 但最終環評給環保署否決, 這條連接路
的源頭都似乎係90年代的規劃。

規劃上面除左竹篙灣改左做主題公園用途之外, 2000年的規劃仍然包括由扒頭鼓填海到交椅洲的計劃, 只係幾年
後有關大嶼山發展的規劃上無再提及。但道路規劃上已經有變, 例如要加多一條大嶼山連接青衣的道路, 另十號
幹線港島的連接點 - 青洲填海計劃已擱置。四號幹線看來亦因為南港島線西段而不會興建, 所以這個「東大嶼
都心」, 交通規劃上會有頗大問題。

交椅洲一帶最淺水，人工島都好大可能係這個位置；
四號幹線連接位，唔知可唔可以用「凌駕性公眾需要」，
在堅尼地城對開海面少量填海做海底隧道出口，即類似中環灣仔繞道的銅鑼灣出口。

原帖由 DIH 於 2014-1-17 11:34 發表
交椅洲一帶最淺水，人工島都好大可能係這個位置；
四號幹線連接位，唔知可唔可以用「凌駕性公眾需要」，
在堅尼地城對開海面少量填海做海底隧道出口，即類似中環灣仔繞道的銅鑼灣出口。 ...

如果唔介意用貨物裝卸區其實都夠位起隧道出入口同另一邊支路, 例如將城西道東行移近海旁,
中間留位做出入口, 西祥街北就可以變成一個鑽石型交匯處。填海可能要係堅城巴總出面填少少都唔定,
之後就好似中環灣仔繞道咁移走返。隧道出入口上面又可以整宜家好興的園景平台, 等堅尼地城
公園可以伸延到海邊。

原帖由 eternalflame 於 2014-1-17 09:41 發表
提起所謂的「東大嶼都心」或者「中部人工島」, 就令我想起91年「都會計劃」,
當年建議由竹篙灣填到出交椅洲, 用黎起港口設施．最印象深刻係會將港澳碼頭
搬出去交椅洲個度, 同時亦有十號幹線香港至大嶼山連接線的初型 ...

其實用嗰個模型的設計來規劃嶼東副都心，但剔除大蠔，及在迪士尼以南至愉景灣間適度填海，可行嗎？（梅窩是否也應剔出？）交通網絡，可由十號幹線藍地至西環段上馬、港島線延至坪洲、迪士尼線入副都心辦理

[ 本帖最後由 mak5052 於 2014-1-17 12:41 編輯 ]

昨晚花左少少時間去搵呢個副都心的資料, 下面係2000年之後有關交椅洲填海的資料。

05年底的法定圖則清楚畫出填海的界線:


竹篙灣填海計劃的環評報告亦有相關的海岸線, 意味住主題公園發展同後續填海係無衝突:


不過當時仲係計劃起貨櫃碼頭, 集裝箱都唔會放到十幾層樓高, 但改成起樓的話, 迪士尼反對都唔奇。
呢張圖亦將竹篙灣同扒頭鼓的道路網畫得仔細, 例如當時十號幹線仍有扒頭鼓收費廣場 (及後修改到
只接駁去青嶼幹線花坪個山頭), 同埋扒頭鼓交匯處。扒頭鼓的交匯處係環評報告話前稱係Lantau
Port North Interchange, 話唔定去到交椅洲之前有個南面交匯處。當時未有計劃起青衣至大嶼山
連接路。

99年的新界西南發展策略檢討有詳細的十號幹線走線:


最後係一張網上其他地方做出來的構想圖, 多少就係跟前面貼的潛勢圖構想出黎, 但就少左填銀礦灣個一部份:

原帖由 mak5052 於 2014-1-17 12:34 發表
其實用嗰個模型的設計來規劃嶼東副都心，但剔除大蠔，及在迪士尼以南至愉景灣間適度填海，可行嗎？（梅窩是否也應剔出？）交通網絡，可由十號幹線藍地至西環段上馬、港島線延至坪洲、迪士尼線入副都心辦理 ...

迪士尼以南係由宜家海岸線填出去定係點? 如果係的話迪士尼同愉景灣應該嘈得好犀利。
迪士尼大股東就係政府, 無理由搬舊石頭去擲自己隻腳。
同樣地應該唔可能去填左梅窩。

交通方面, 十號幹線一定係呢個副都心的主要骨幹。鐵路方面就比較麻煩, 迪士尼線
作為主題公園交通接駁, 唔可能將佢提升為一條通勤鐵路。港島線延長去副都心唔係唔得,
反而我擔心港島線運載能力。副都心規劃可能催生RDS-2入面的西部外走廊, 但中西區
似乎無咩位置再安置到新鐵路線同車站。

原帖由 eternalflame 於 2014-1-17 13:31 發表


迪士尼以南係由宜家海岸線填出去定係點? 如果係的話迪士尼同愉景灣應該嘈得好犀利。
迪士尼大股東就係政府, 無理由搬舊石頭去擲自己隻腳。
同樣地應該唔可能去填左梅窩。

交通方面, 十號幹線一定係呢個副都心的主 ...

迪士尼以南，欲以由迪士尼酒店起往西，沿今海岸線向外填500m至愉景北止，愈近愉景灣，外填愈少至50m

原帖由 mak5052 於 2014-1-17 13:44 發表
迪士尼以南，欲以由迪士尼酒店起往西，沿今海岸線向外填500m至愉景北止，愈近愉景灣，外填愈少至50m

主題公園南面應該有高度限制, 如果出面填海起高樓, 又點樣令主題公園變成夢幻王國呢?
所以你見2000年時規劃, 外面填海起貨櫃碼頭都至少有2公里遠
同埋個一個位置可能仲有機場的高度限制。

不過提起機場高度限制, 唔記得呢個東大嶼都心正正就係航道下面,
即係起樓個時會有高度限制, 所以填海填得大都未必放得落太多人。

原帖由 SSBT 於 2014-1-16 00:29 發表
陰澳之前唔係話配合迪迪尼,
會規劃做康樂用地咩?

而家哩個政府成日都朝令夕改既?

梁班子始終都係要爭取民意,
而家未做返上任政府冇做到 o既房屋問題,
當然要拉返 d 地黎起樓發展 ~