困惑?!留下問號???九巴43x突然改道

今日在下午兩時三十五分在耀安總站搭43x出荃灣,等到很久未有車,
等了五分鐘,九巴43x到了站.......
唔駛五分鐘,司機快快下了車,另一個老老司機快些上了43x,
小弟就上了車,這它老老的司機等了乘客上完車,
這老老的司機突然走過來我面前,
小弟突然慌張起來,以為未拍卡給錢......
這它老老的司機大聲說:<請問有沒有人經頌安、錦泰??????這班車不經頌安、錦泰!>小弟說去荃灣,後來這它老老的司機走去問另一位乘客,同樣問相同的問題,
他問了幾個客後,他坎走回司機位,小弟很困惑,問:<為什麼43x會改道呢?>
他開了車,43x竟然改道,不經頌安、錦泰,由耀安總站,改為走恆康街,馬鞍山路,入西沙路,轉入富安巴士總站...
究竟發生什麼事呢?或許頌安、錦泰有交通意外嗎因而改道??????
小弟聽說司機唔可以亂今改道.......
留下了小弟很多問號???????????????

[ 本帖最後由 daiteioh 於 2006-4-1 17:51 編輯 ]

部車應該係過鐘車...
站長踢車落富安花園起載...

理論上雖然唔合法
但實際上係可以容許站長有權力咁做..
例早上960會有站長踢車，建生上客後直出虹橋
(即只利震寰路及青田路就上屯公)

這種情況我諗中長途線應該係好常見，
我亦曾試過在上水搭278X開車後第一個
站是城隧轉車站，站長這樣安排相當明
智，總好過墨守成規麻木齋踢車走

原帖由 32 於 2006-4-1 18:14 發表
這種情況我諗中長途線應該係好常見，
我亦曾試過在上水搭278X開車後第一個
站是城隧轉車站，站長這樣安排相當明
智，總好過墨守成規麻木齋踢車走

得一個站，載到幾多人？

原帖由 3ad150 於 1/4/2006 19:29 發表



得一個站，載到幾多人？

這一程可能載唔到人
但好處係可以確保對站開的班次唔會遲得太耐..

原帖由 GD1570 於 2006-4-1 20:14 發表


這一程可能載唔到人
但好處係可以確保對站開的班次唔會遲得太耐..

無錯丫！
佢呢班車只係順便載埋o的客之嘛！

小弟細個時試過43B，當時總站仲係荃碼，行楊屋道不行沙咀道入青衣，
又試過73A，當時總站仲係威記，不入火炭巴總就上吐公。

原帖由 daiteioh 於 2006-4-1 17:33 發表
今日在下午兩時三十五分在耀安總站搭43x出荃灣,等到很久未有車,
等了五分鐘,九巴43x到了站.......
唔駛五分鐘,司機快快下了車,另一個老老司機快些上了43x,
小弟就上了車,這它老老的司機等了乘客上完車,
這老老 ...

照計頌安錦泰無人落車
skip站無問題

原帖由 mtrpong 於 2006-4-1 22:19 發表

照計頌安錦泰無人落車
skip站無問題

呢個當然係大前提，不過再高少少層次就要考慮到
正於被飛既站等車既乘客會等耐左車。

原帖由 238X 於 2006-4-1 23:24 發表


呢個當然係大前提，不過再高少少層次就要考慮到
正於被飛既站等車既乘客會等耐左車。

反過黎諗, 點解唔私牌去中途站載?
我諗最大原因係你比總站d 客見到有車返黎.....
而d 客又等左好耐, 兼後面再冇車返黎.
(d 客唔係等左好耐既話, 唔會點投訴.
如果有兩架過鐘車一齊返黎既話, 仲可以一架私牌, 一架載客咁追返d 時間.)

如果見唔到有車黎 (總站或者中途站),
d 客等耐左, 最多打電話去投訴, 公關部只需用一般手法回應即可.
如果比d 客記低時間車牌, 投訴已經等左好多, 見到有車返黎但唔載人,
公關部點回應反而係其次, 當值既站長好可能會被公司照肺, 話處理失當云云,
而被踢去中途站既司機都可能會循例被主任問話
(未必有事, 不過呢d 事都係可免則免).

同埋你會發覺呢d 踢車都有一個共通點:
總站上完客, 係可以行一條較快捷既路往指定既中途站,
而且呢條路唔會有等車既乘客 (通常係高速公路).
換而言之, 司機在到達指定中途站之前, 係唔會比其他中途站d 客見到自己架車.
譬如278x 上水載, 然後去城隧,
個司機唔會咁蠢行返原本278x 在上水粉嶺既路線, 但就全部站唔上落客.
佢會繞開晒所有分站, 直達城隧口.

否則, 中途客見到就會投訴"架車明明有客, 點解唔停呢個站".
因此司機好多時唔會比中途客見到自己架車.
(名正言順私牌就冇問題, 因為架車上面冇人......
譬如觀塘空車私牌去德福載, 就算定富街d 人見到都唔會咁把鬼火.
ot, 通常會踢去第一個"大站" 載而唔會係第二個"大站",
此例就係德福站而唔係九龍灣地鐵站, 費事比大站既一大堆乘客投訴.)

如果按以上說話推論, 架車可以話係"見光死".
只要去到一個位, 等車既乘客見到, 基本上就要由個度起載.
因此站長決定中途站時, 譬如43x 咁, 會決定由富安起載而唔係亞公角,
以免富安d 人見到會投訴架車有客但唔停富安.

因此我覺得, 比總站d 客上車有少少似係"掩住佢地把口",
等佢地唔好投訴有車但又唔載客.
車長亦會醒目繞道, 以免中途站乘客投訴"載客飛站".
(當然站長都知道車長可以繞得到先會有咁既決定)
至於中途客, 佢地根本都唔知有架車在總站開,
又見唔到有車載住客咁"飛站",
咁最多只係投訴班次不準, 站長同司機都唔駛揹鍋子.
由始至終, 這只係避免被乘客投訴既一個方法而已.

ot 少少, 276 三菱仔冇私家車牌, 因此佢地返廠都會選行冇276 站既街道,
費事比等車乘客見到投訴.

[ 本帖最後由 av220 於 2006-4-2 02:29 編輯 ]

用錯ACCOUNT TIM..SORRY

[ 本帖最後由 admin28 於 2006-4-2 07:52 編輯 ]