香港電台第二台部份節目調動

曾智華1月8日退休後, 香港電台第二台節目新安排已有定案.

回歸港台一年多的何嘉麗, 將會接替曾智華主持《晨光第一線》,
原本星期一至五下午3時-5時的《Call me Gaga》急急剎停,
過去一星期節目都是hea做的, 預錄好的外訪環節匆匆播出.

早前宣佈最後一集, 由劉偉恆.梁禮勤主持星期六下午2時-4時的
節目《守下留情》, 「突然」調至星期一至五下午3時-5時播出.

星期六下午2時-4時則會倣效《Call me Gaga》內的唱歌環節,
由趙增熹.林蕙主持, 節目名稱為《這裡找共鳴》, 讓聽眾打電話
上電台唱歌(兩粒鐘咁多, 駛唔駛呀?!)

由曾智華主持多年的星期六上午11時-中午12時的清談節目時段,
將會由劉羽葳.黃國英.羅家聰主持的《六十分鐘新視野》接替,
以財經和投資為主題.

以上各調動由2014年1月18日(星期六)起生效

聽左第一集嘅《這裡找共鳴》，頭一小時會請嘉賓上節目分享下，3點至3點半，就比聽眾打電話唱下歌咁，由趙增熹比下評語，最後半小時，就由主持人呼籲大家投票咁啦
至於《晨光第一線》，昨日嘉嘉第一日上場，即刻開個facebook page 先，內容無咩特別，好似下星期一有個環節叫《9點3點唱》，玩法同以前《Call me ga ga 嘅3點點點唱》一樣。

[ 本帖最後由 Brandon 於 2014-1-21 05:46 編輯 ]

尋日聽咗3pm-5pm《守下留情》擴充營業後的首集，同周末版一樣有嘉賓專訪、"由A side第一首開始"唱片重溫+fb投選最愛歌曲的環節，原有"留住手上的一封信"環節變成"主持信箱"，內容同以前類近。

新環節"估你唔到亨恆勤"就係競猜故事結局的遊戲，先講故仔，再由主持人演繹疑幻疑真的結局，然後由聽眾票選真正答案，不過...選中無變獎。

新時段除咗有司勳參與製作之餘，仲有矚目嘅亨恆勤!!
十年前《越位越出位》主持組合再度合作，雖然何亨未算係主持，但佢嘅聲音經常在節目中出現。