[轉載]施將軍／九巴大計

鬼咩，落車ge人，有d鐘意一路落一路篤電話，唔慢就假咯!!
佢唔郁左車再大喝:有落有落已是萬幸!!

原帖由 FD_8592 於 24-1-2014 08:31 發表
其實 將軍已經將定點班次連班次係個位數既都做定點(如 27)
除左做定點班次之外 將軍仲大刀闊斧咁將城記果套跳飛機制度套落九記(連新師傅都轉埋城仔格式....)
對外可能係好事 但對內搞到更加多人不滿 更加多人跳槽  ...

咁當年新巴司機都唔慣跳飛機，依家咪又慣咗
大改變一時之間係要適應一下，但慣咗之應該就會冇咗一回事架啦

原帖由 FS1819 於 2014-1-24 11:54 發表
咁當年新巴司機都唔慣跳飛機，依家咪又慣咗
大改變一時之間係要適應一下，但慣咗之應該就會冇咗一回事架啦

咪係

[抽水mode]以前都無智能電話啦, 而家咪個個習慣哂做低頭族囉...
轉電腦都識重新適應啦, 唔好咁雙重標準

跳飛機唔係最大問題, 但城記飯鐘, 休息, 自行坐車等等全部計工時, 九巴飯鐘有無錢?

原來做開大兩味, 如果叫佢市區擺低架車, 等幾個鐘再開都無比原來多的額外補水, 咁不滿好正常WOR

如果相同工時, 相同運作模式, 但做對家人工多一兩千, 咁點解唔做對家?

即係咁講, 之前好似話110新巴頭車私家, 係跟車過九龍開第一轉, 如果呢個安排計錢, 咁本來做開港島拎車班司機自然無意見, 長遠再諗縮數CUT左呢個安排就後話啦
但無啦啦同做開港島拎車的司機講, 話要自己坐車過九龍, 唔嘈就奇啦

溫水煮蛙先容易改革, 一野計到盡, 唔反就奇啦

[ 本帖最後由 053h4 於 2014-1-24 12:27 編輯 ]

原帖由 ksmbh 於 2014-1-23 20:07 發表

當年點都不及而家越來越多私家車堵塞得勁
而且當年大戰情況都唔系耐

政府有無真係想過找方法淢少私家車增長>

原帖由 ME9661 於 2014-1-24 19:45 發表

政府有無真係想過找方法淢少私家車增長>

班官都係用私家車既既得利益者,點旨意佢地會做啲野黎限制自己?

原帖由 張偉沖 於 2014-1-23 10:57 發表

鐵路優先有咩問題? 唔通好似新城未合併前咁,
日日出車海攪到港島大塞車先安樂?

唔好再攞呢個例子嚟舉啦
取消quota唔代表會狂出車
司機係邊到嚟?會賺到多啲錢?

而家新城已經係同一集團,會唔會狂出車搶返自己客?

原帖由 3AV53 於 24/1/2014 20:02 發表

班官都係用私家車既既得利益者,點旨意佢地會做啲野黎限制自己?

講到咁其實不如去搞革命，
推翻你認為係不公嘅制度仲好。

但係官坐私家車有保安因素，
（當然如果社會條件容許佢坐公共交通工具
　就應該促請佢哋咁做），
唔可以因為我哋覺得佢哋該死
就要搞到佢哋真係可以隨時被人暗殺。

[ 本帖最後由 238X 於 2014-1-26 18:59 編輯 ]

原帖由 DIH 於 2014-1-23 21:42 發表

我都有類似諗法，真係要做的話，會係一個頗大的工程。

我見識少，舉一個例子：
http://goo.gl/maps/H4ehD
此圖所示有Daiso的建築物係九州博多火車站旁的巴士總站，
地下係市區巴士上客區、二樓係長途巴士上客區，樓上幾層係商 ...

我一向認為有個地方好適合做大型巴士總站, 就係旺角洗衣街食環署&水務署地皮。
第一件事就係搬左旺角東站果幾條巴士路線入去。

因為 44, 58x, 59x, 67x 一出一入旺角總站都會行經同一段洗衣街南行,
一轉車行兩次, 加上巴士轉灣佔空間多, 條洗衣街咁就塞死左, 仲連累埋旺角道塞車。

我的旺角東 PTI 構想：
地面：取代洗衣街左轉亞皆老街的新車路&巴士中途站 (停現時行經洗衣街南行各線)
一樓：專利巴士總站(取代旺角東總站&搬小部份大角咀線入去), 直駁旺角道行人天橋
二樓：跨境巴士總站(搬晒中旅社外的跨境巴入去)
三樓：空中花園, 接駁旺角東站平台 (綠小站電梯位)。旺角東的士, 綠小站變埋花園, 巴士總站變的士, 綠小站。
四樓以上：購物商場
地庫一：紅色小巴站(搬晒先達附近的紅小入去)
地庫二-四：時租停車場(因為新世紀廣場停車場已飽和, 車龍經常排出太子道西)

原帖由 238X 於 2014-1-26 18:57 發表

但係官坐私家車有保安因素，
（當然如果社會條件容許佢坐公共交通工具
　就應該促請佢哋咁做），
唔可以因為我哋覺得佢哋該死
就要搞到佢哋真係可以隨時被人暗殺。 ...

同樣道理, 唔通班有錢人會冒住俾人綁架的風險同你坐公共車？

再加甚麼操施控制私家車數量, 有司機接送果班上等人照樣坐私家車/ 公司車入中環。
公司車成本更加只係轉嫁俾小市民。

受害的只會係為興趣間中做下 Sunday driver, 平日都係搭公共車入市區返工果班中中產/ 中下產。
結果即係白狗偷食, 黑狗當災。

[ 本帖最後由 JC3987 於 2014-1-26 22:37 編輯 ]