[轉載]施將軍／九巴大計

1 & 8. 如果12.8米一體車出到牌, 加位就有希望,斷估唔會走去取消水塘企位掛.

2. 轉鐵優惠, 地鐵會受玩先算, 到時可能屈九記全數自負優惠額,
咁不如跟大埔K巴咁, 地鐵買巴士, 九巴牌頭做生意, 割讓駁鐵線好過.

3. 定點好, 弊在依家係13分一下減到20分, 而唔係13變15..

4 & 11. 兜路同快線牌頭.
舉例, 1A繁時徹底拆成13D+13x, 落尖咀唔使經旺角,
或者81c, 86c拆線, 大圍段獨立成線,
一樣係成組95%人以上人受惠於直接同提速,
但係有人話九記認為1A好賺唔郁得, 變相制約13x發展,
大圍人同樣因此捱貴車.
再加上28B又係開U型線, 又係瘋狂兜路,
咁講減少兜路有咩用.
一係又玩95減班, 屈到95%人都10蚊98c出旺角?

5. 睇forum例如哩度都間中有好建議, fb反而見九粉比較多.
連九記瘋狂加價都講成係應份同要支持o既朋友,
我唔知佢地係食米唔知米貴定係乜o野.
同蘇錦樑叫人讓自由行優先搭鐵本地人死等下班車有乜分別.

6. 只望轉車站計劃唔係將大量人用o既直接線剪斷,
故意迫人轉車, 只為政策獻媚, 增加擾民程度.
唔好好似民主黨咁, 為求生存, 垃圾計劃都食, 出賣市民利益..

7. 就算學新加坡裝落車機, 如果唔係學足佢計程收錢,
而係好似依家咁, 佢鍾意施捨個分段你先有,
咁我只會信加裝機只會係加多個加價理由.

9. 唯一讚好, 就係堅持唔大舉入國貨,
爆炸我就唔驚, 通街都係宇通中通青年金龍旅遊巴, 又唔見爆?
不過避震差搞壞乘坐舒適度真係sorry..

10. 同線車距管制都係好.
不過要教到班車手唔會前碌後飛都唔易.

同鐵玩轉乘都係ˇ睇有冇互惠互利
好似新界西北咁多新村
如果鐵巴唔想開新線
但又比區會嘈嘈嘈
同九記玩轉乘確係出路!
車距呢家野
好奇怪九記一向都冇理
施生老家英國巴士公司郊區既往往都要跟幾個定時點開車等夠鐘
倫敦既亦有CONTROLLER叫咪
問下車長咩事開咁快/慢
台北既都據說有TRAINING
同司機講點樣有默契保持相若速度

[ 本帖最後由 ksmbh 於 2014-1-18 10:40 編輯 ]

原帖由 S3BL100 於 2014-1-18 01:01 發表


上面仲話佢地有人監察網上討論區，我相信九巴有人會睇埋italk呢度咁多人既意見…

希望班大粒睇到我地對高載車張凳有咁大意見，日後既訂單可以改善啦

雖然咁多年來都有人mon呢度，當年每日一跪因為公司唔鍾意而削板都係咁


希望今後路線建議版可以更加旺 lol

直梯改曲梯先話高載啦
新車真係太頂腳

另外，專利巴同拖架唔同，話晒要行核心商業區，要試過先知係咪啱用

而九巴想改特快，好事也，但好心你改特快，都唔好拎大把客的區內線玩全日cut車減班啦，或者無啦啦拎條大把客的36去交數

[ 本帖最後由 053h4 於 2014-1-18 12:59 編輯 ]

不如叫施將軍轉工, 做運輸署署長.....我相信他不會保鐵, 要互助交通工具........

而家運輸署署長好多唔識安排, 識乜嘢係保鐵又 偏幫私家車, 趕走巴士,小巴........唉！不知所謂......

原帖由 JCSCANIA 於 2014-1-18 13:36 發表
不如叫施將軍轉工, 做運輸署署長.....我相信他不會保鐵, 要互助交通工具........

而家運輸署署長好多唔識安排, 識乜嘢係保鐵又 偏幫私家車, 趕走巴士,小巴........唉！不知所謂...... ...

如果施將軍下既九巴真係有大改善，咁點都好過叫佢走去運吉呢個唔能夠直接改善服務質素既地方。
呢份野理念wonderful，只怕實行awful...

原帖由 ccatvb 於 2014-1-18 01:25 發表
當年香港係早過英國本土放寬巴士長度到12米

可惜而家係被共產黨攻陷嘅香港
而非英治嘅香港

希望施將軍講嘅真係會實行啦

原帖由 JCSCANIA 於 2014-1-18 13:36 發表
不如叫施將軍轉工, 做運輸署署長.....我相信他不會保鐵, 要互助交通工具........

而家運輸署署長好多唔識安排, 識乜嘢係保鐵又 偏幫私家車, 趕走巴士,小巴........唉！不知所謂...... ...

金錢萬能、窮人含恨含小丑含......既社會，邊個做呢個位都偏幫私家車架啦，運輸署署長唔渣私家車？

有關保鐵同趕走巴士，請見下文

原帖由 ksmbh 於 2014-1-18 10:38 發表
同鐵玩轉乘都係ˇ睇有冇互惠互利
好似新界西北咁多新村
如果鐵巴唔想開新線
但又比區會嘈嘈嘈
同九記玩轉乘確係出路!
...

政府最差係保鐵又保得唔徹底，一方面保鐵，一方面又規劃大量遠離鐵路站既豪宅地段公營房屋，
又唔畀巴士公司開足夠對外路線，只係開一兩條駁鐵路站既接駁線就算，
同鐵路又冇轉乘優惠(或者得啖笑既平幾毫，可能仲要係短期推廣)，
受害既，就係又畀九巴賺又畀港鐵賺既居民荷包。

係要保鐵既，就一係鐵路站附近起多D公營房屋，唔係起埋D住得都幾乎係有車階級既(偽)豪宅，
就算係遠離鐵路站既公營房屋，都要有類似大埔同新界西北式既免費接駁巴士，呢D先係真正保鐵。

所以巴迷們，唔好成日鬧政府保鐵、打壓巴士，其實政府咁既規劃，係造就緊大量接駁鐵路站巴士路線，
呢類線，即使一村一線，都係十零分鐘就位位 $3-4，又冇隧道費、幾乎唔會塞車，都咪話唔和味。

講返，呢次老九話咩同鐵玩轉乘，我極不希望但也極相信又係只限新界西北。