(個人意見)203C「售後服務」讚多過彈

幸好我自己五天工作，幸好13年開始好多改動都改於星期六開始。繼上周99號線，本人昨日又可以追蹤203C線。
(上星期99之相關帖子︰http://www.hkitalk.net/HKiTalk2/thread-819966-1-1.html)
相關影片︰http://youtu.be/xGZYip_EUyg

片段製作中，先以文字論說我對此次的意見︰(不在於路線定位上)
1. 宣傳都做得幾好，通告都放得足，唯一要挑剔都係通告字體細。
於大坑東總站、雀橋街、協和小學都派有職員，預備派發巴士仔單張及解釋，唯主動性不高。
雀橋街站更貼有N咁多既巴士仔單張(並非for乘客撕，而似692尚德廣場站，只係俾你睇到)
新港中心站有巴士仔溫馨提示，可以搭12號在總站轉203C往大坑東


2. 又一村總站未有職員安排(我都明白，乘客真係少D既)，但與99烏溪沙站問題一樣，連車長入站後亦不知應停哪裡，短短十分鐘間(早上9時前)，就見兩班往大坑東班次都入錯站，司機亦要在車廂內探頭找站。往尖東/大坑東方向既車站亦不清晰。(難道覺得乘客見到個站有203C又有203S就係尖東方向？)
幸好，經本討論區某帖，見到九巴已做事，在往大坑東的分站加上提示。

3. 有達之路沿途乘客上車，見編號及總站有改，嚇得一大一小不敢上車，想行出太子道搭車(最終，佢地搭左一架去石硤尾街市的小巴)，203C減左價，但佢地咁做分分鐘貴過203。
有三位乘客就要到太子站一帶，上車後問司機經唔經太子站？可能司機都清楚改動，冇左203既「太子鐵路站」分站，但其實你都可以有兩個答案︰
一. 在伊利沙伯中學下車，步行前往
二. 協和小學轉1/1A/3C/95，搭一個站。
佢就好清晰答唔經，三位乘客就這樣流失了……(他們好像步行往九龍塘站方向)

4. 在我拍攝的時段，203C是15分鐘定點班次。
但在又一村總站企不足十分鐘，見兩班大坑東班次，才見一班尖東。(可能這也是正常)
但之後在染布房街出發，久久未見有車，之後就在衛理道沿途見到4班往大坑東，中間只有1班往尖東。
是尖沙咀令班次不穩，行車時間不平均？

5. (呢個絕對唔係九巴既全錯)
1145既203C(尖東麼地道開出)班次，在1150仍在總站範圍內(讓線)等出麼地道，D私家車、貨車完全唔讓路，出個總站都要搞咁耐……

[ 本帖最後由 lsc04d11 於 2014-1-19 17:09 編輯 ]

有邊一樣係「售後服務」？   
仲以為搭完 203C 有 coupon / 紙巾送添

[ 本帖最後由 Gary_B 於 2014-1-19 17:50 編輯 ]

宣傳其實算係「售前功夫」
唔係售後

至於203c就無意見
點做都係頹線一條
最可恥係運輸同九巴太無賴
彈弓口叫203C

3.你問司機經唔經咁事實係唔經咁答唔經有咩問題?
司機主要職責係揸車唔係顧客服務,唔似CS一定教到你去到為止

樓主好似真係彈多過讚。根據203C相熟車長透露，昨天首個運作日於下午時因受尖沙咀一帶交通影響，導致車輛未能預期開出。
另外您話九巴的職員主動性不夠高，請問您又有沒有主動提出疑問去等職員幫助您呢？
定還是拿完宣傳單張就係度做其他野，或者人地想同您講多少少，您就離開了？如果人家招呼左您，第二個又唔識，又話九巴唔夠主動，派咁少人落黎。

一個如果清楚新路線運作的巴士迷，又有心拍片，何解不用您把口幫車長，向乘客轉達呢？倒轉頭來，您去一個外國陌生新環境，係架巴士度您問司機路佢唔錯您，您可能會唔妥佢，但見到其他華人識聽您的語言，佢又唔幫您，您感覺如何？

帶番落去，您點解唔幫車長手解話呢？定係其實您唔係係架車度？

我個人感覺今次合併算是1件好事，因為2C太過兜所以才脫班，而203就太多塞車黑點所以才脫班，今次取道用2C的站多，可算是德政。
另外宣傳也可以盤是足夠，記得未取消2條線前有很多單張掛係度比乘客攞，會唔會有啲激進人士剪掉呢？

203C行車時間點做都長
今日搭尖東到又一城已經50分鐘
都好難吸到客