(轉貼)3輛10號城巴同時駛過

睇完以上回應，嗱，咪就係呢D心態，令到香港巴士服務無大進步，不斷送客俾港鐵。

連續三架10號大家覺好正常，城巴跟足時間表開車所以無咩好投訴。正正就係因為城巴照時間表開6-7分一班車，三架一齊行，即係話走晒呢三架車之後好可能要等三四個字先有車。如果你係西環客，等10號成日一係三個字，一係三架一齊，仲要如果巴士公司覺得咁係天經地義，咁你估西港島線通車之後有幾多人會因此轉搭港鐵？

而家連電車公司都用新系統監察車務，控制中心會俾指示叫電車司機行快行慢，令班次可以維持。再加上電車班次完全公開，可以上網睇晒所有車站下幾班車到站時間，整呢D嘢咪可以平穩班次同令市民等車有預算囉。

再睇番巴士，你睇即使係最積極嘅城巴，整個報站系統拎兩個獎就已經自吹自擂，明明巴士公司背後有系監察班次，但為怕市民知道自己脫班收車於是一於玩「封鎖消息」唔將資料公開俾市民，由得你班乘客喺個站到等到天荒地老。

所以，你睇交通阻塞幾架巴士迫埋一齊係天經地義，但同一條路上另一間外資公司就不斷嘗試新概念去減低路面狀況對乘客嘅影響。態度，已經說明一切。

[ 本帖最後由 PB602 於 2014-1-25 13:35 編輯 ]

咁都好投訴
咁搞嘅話一陣九巴發言人俾人問B1隨時問到2046
不過講真，佢跟足編訂班次唔拖卡，尾站客隨時車都唔使上

平日上午10時在荃灣放學回家搭58M,該線在荃灣往屯門已拖卡。

原帖由 DM3822 於 2014-1-25 12:02 發表
發言人死撐非脫班市民黎先生本周日約下午2時半，路經銅鑼灣禮頓道及摩理臣山道時，發現三輛由堅尼地城開往北角碼頭的城巴10號同時駛過，即用手機拍下。根據城巴資料，10號巴士在該時段的班次應為每6至8分鐘一班。黎先生認為，若乘客錯過了該三班車，不知又要等多久，批評巴士公司浪費資源兼不環保。

黎先生又知不知道在週日在上環永安那邊等10號
無兩、三個字都未必有車到

新光戲院成日都會出現3部10或者23拖住返總站
黎先生得閒可以去影下相



===
不過確實，個人認為堅城四寶有很大改善空間
如不少西區人覺得5X東行方向仍然不夠快

[ 本帖最後由 avianwind 於 2014-1-25 14:38 編輯 ]

原帖由 PB602 於 2014-1-25 13:33 發表
睇完以上回應，嗱，咪就係呢D心態，令到香港巴士服務無大進步，不斷送客俾港鐵。

連續三架10號大家覺好正常，城巴跟足時間表開車所以無咩好投訴。正正就係因為城巴照時間表開6-7分一班車，三架一齊行，即係話走晒呢三架車之後好可 ...

請問呢三班車連住一齊行，巴士公司可以即時向司機作甚麼調動？
如果叫後面兩架車行慢小小，又會有乘客投訴司機碌車。

其實齋睇張相，好多可能性

例如交通情況影響，搞到3架車一齊行

另一個可能情況係，頭兩架唔知咩原因遲左返總站，返到總站就即走，結果又拖埋一齊

而根據運吉對脫班既定義，只要一日內班次開夠數就唔當脫班
就算城巴交個開車時間表出黎都一定無可能話佢脫班，佢開夠班次就得，時間表基本上係廢紙

就算電車, 輕鐵, 都會有同一目的地既路線同時一齊行, 之後要相隔一段時間先有下班車到, 係咪應該投訴埋佢地呢

原帖由 Crotone 於 2014-1-25 12:15 發表
點解無人PLOT 港鐵506拖兩三卡GEI

下次見到507, 615, 615P拖埋一齊係良景返屯門碼頭, 記得拍低俾動新聞

雖然都算拖卡

不過呢d都上新聞就有問題lor

黎生你翻火星啦
地球唔啱你呀

有d拖卡冇得講……今日搭64k都拖，鬼叫前面架車要上得多客，咁下面班車變相就少左客上車，咪會快左，去到某d位咪拖卡囉，有機會就直情會爬埋前車。(尤其是個位數字班次但沿路乘客量多的車)

有位高埔等車人士，搭後面o個架(其實已經俾少人o個架爬左頭)，都唔明點解佢會認為前面既一定多d位少d人？

10號呢d車程又長，沿路又繁市，拖3架我認為真係濕碎。

N年前我搭52M返屯門，由屯門公路上青山公路開始，兜一兜大欖涌，去番同一個迴旋處位(即警察宿舍站前一個迴旋處)，見到6架52M，5架去井財街，1架去葵芳。嘩………61M未改停轉車站前，相信都有不少機會見到3、4架61M(不論方向)