九巴235線 8/2 起往安蔭方向改經國瑞路及調整班次

原帖由 shakugan2005 於 8/2/2014 03:05 發表

依家郁完36又搞到大窩口冇車去梨木樹 ...

城隧車只係貴啫，你唔可以當佢哋唔存在...

(況且對鄙人呢啲要轉車的人而言，
搭 48X 因為有轉乘優惠，其實仲平)

原帖由 rickywk 於 8/2/2014 10:00 發表
星期六朝早已經拖住返安蔭，運豬行政失誤，九記白花油，隨時仲要加車落235，乘客白花時間，邊一個贏?

我勸你不如去 Facebook、或者印單張
號召荃葵人大遊行、甚至佔領國瑞路 (!?)，
好過齋問一啲無人答到你嘅問題喇。

運豬: 跑多0.1公里，卻坐多四分鐘o者，又唔係我日日坐，ok呀！

對九巴第235號巴士路線改道的意見

謝謝你2月4日給運輸及房屋局的電郵，就九巴第235號巴士路線改道提出意見。就提出的意見，本署獲授權回覆如下。

為善用資源及加強荃灣市中心與國瑞路的連繫，運輸署輕微調整九巴第235號線的行車路線，以連接國瑞路和東北葵涌。此舉也有助減輕國瑞路一帶居民的交通時間。本署預計由青山公路東行改行國瑞路東行對行車時間的影響輕微，車程只會增加4分鐘，早上繁忙時段的班次亦只會由原本7/8分鐘一班，輕微下調至8/9分鐘一班。另一方面，雖然本署認爲國瑞路的交通並不繁忙，而九巴第235號線改道對國瑞路交通只會有輕微影響，本署也已將你所述，有關車輛停泊在國瑞路路邊阻塞交通的情況轉介警方，要求警方採取適當的執法行動。

九巴第235號線的改道已經於2月8日（星期六）起實施。本署及巴士公司會密切留意該道方案實施後九巴第235號線的運作，以及國瑞路的交通情況，並在有需要時作出相應的改善措施。謝謝你對區內運輸事務的關注。

1. 寫上東方、蘋果投訴 (兩份都要寫)
2. 盡快查出究竟這次改道的幕後黑手是誰

總之將件事搞得幾大就幾大

利申：個人不反對 36 改道，只反對 235 改道

而家我仲追緊235乘客量數據、國瑞路流量數據，同埋呢兩樣數據o既取樣日期...
仲有，追緊點解唔set 235->32M轉乘，運吉唔係好鍾意轉乘咩

其實路線改動都有佢既定程序
運吉如果有做齊都未必咬得佢入

原帖由 kay 於 2014-2-13 07:41 發表
其實路線改動都有佢既定程序
運吉如果有做齊都未必咬得佢入

佢跟足又點？做錯就係錯架ｌａ
從一開始32B根本都亂咁來
石圍角象山話有36同43X代替梗係制架
但係梨木樹個邊，兩個傻豬豬通過左真係……
而且仲有好多方案可以實行
運吉本來職責未係要協調呢ｄ野ｌｏ
唔需要好似宜家咁骨牌效應咁白痴
32B都未陰到最盡用晒短單金來行
而且就算cut車，都叫可以cut到一部
甚至一車走天涯
好過宜家7部去晒36遊車河上山再落山
又要一大堆配套

原帖由 238X 於 2014-2-12 19:38 發表
1. 寫上東方、蘋果投訴 (兩份都要寫)
2. 盡快查出究竟這次改道的幕後黑手是誰

總之將件事搞得幾大就幾大

利申：個人不反對 36 改道，只反對 235 改道 ...

搞咁大, 有咩好處先? 銀包多左錢駛麼?

話時話, 說好的小巴罷駛呢?

咁你即係暗示喺網上發表撐政府有錢收

搞大啲，等改善政策（即235取消經國瑞路安排），等車搭車時間少咗，巴士公司更善用資源，間接我都有經濟利益
更何況生活質素不只經濟層面

原帖由 ma212223 於 2014-2-13 10:38 發表
咁你即係暗示喺網上發表撐政府有錢收

搞大啲，等改善政策（即235取消經國瑞路安排），等車搭車時間少咗，巴士公司更善用資源，間接我都有經濟利益
更何況生活質素不只經濟層面 ...

搞大D, 拖政府後腳, 重組路線進度變慢, 巴士公司蝕更多錢, 資源不能善用,
有咩經濟利益可言?

連小巴話罷駛都無左件事, 你咪知囉.

你無經濟能力, 憑咩要求生活質素?