LWB電視好細聲

而家龍運無論E線定A線既車都裝哂Roadshow, 仲要播來播去都係嗰幾集香港走出去
日日搭E線返工, 來回車程加埋兩個鐘有多, 日日睇三, 四次一樣既節目, 真係唔俾佢嘈死煩死, 都俾佢悶死

同意樓上提出龍運要有寧靜既車廂環境真係好重要, 日日朝早見到差唔多全車人都訓
至從裝咗Roadshow之後, 真係搞到好多人都要塞住隻耳先訓

原帖由 bnr34 於 2014-2-3 14:11 發表
話說回來, 自從一月頭投訴過roadshow大聲之後, 除咗一個短訊話跟進中, 就一個答覆都比過我.

我同你一樣，覆咗一個短訊咁大把
隔左2星期後坐番同一部車，明顯有調校過

原帖由 PKD32 於 2014-2-3 23:05 發表
我的確唔需要係大嶼山返工, 不過部電視阻住我睇風景，同埋有報站=無報站，但佢撞完，你認為載通會肯同你咁快拆返電視咩？

係”裝”完唔係”撞”完

睇你都唔會明白呢一覺對機場返工既人係幾咁重要既事
裝完點解唔可以拆？雖然我無能力控制
唔拆唔係問題，至少應該優化一下，例如上層亦設靜音區，反正只裝一部電視，車尾都唔會睇到
不要分左右區，左右區=假靜音

題外話，想知道果d耳塞係邊度有售？
我搭頭車682返工，試過黎部電視聲勁大聲的車，訓都訓唔到。

冇記錯報站係得下層可以同 RS 一齊出聲, 係近年新城先至搞到上層都一次過聽晒兩把聲
不過犧牲報站廣播都不但只, 裝部電視寧願播 RS 都唔用來影住個行李架
兩樣野加埋, 我真係睇唔到間公司有幾為乘客著想

假如 RS 肯播多啲唔同類型既節目, 都冇咁討人厭
最弊一著機就係"香港走出去", 但走來走去都係越南印尼俄羅斯,兩三個歌手既 MV, 最多搭多幾個扮訪問既廣告
個幾鐘頭車程已經 LOOP 兩三次, 但要日日重覆添

而且視訊唔同音訊, 前者選擇唔睇就可以唔睇, 鍾意睇風景大可以坐窗口位或者上層頭排, 落返去企車長隔離跑公路既效果更佳
但後者就冇得話唔聽就唔聽, 冇個耳塞真係上車聽到落車; 假如遇著"一年兩三遇"既城隧大塞車, 坐係車廂被虐待兩個鐘, 就真係多謝晒

耳塞係五金舖或者個人用品店(網上話屈XX)有售
想效果更徹底的話, 可以買耳罩, 包實個耳仔

真係只可以戴耳罩咁消極?
如果運輸署, 甚至運房局和交通投訴組持續收到眾多乘客投訴邊D車的撈騷太大聲,
佢地點都會俾壓力巴士公司掛?