西港島綫車站命名

原帖由 syp 於 2014-2-11 10:00 發表


http://www.scmp.com/article/165605/new-mtr-station-may-be-renamed

講到奧運站, 你唔係真係信地鐵紀念奧運講法啊, 地鐵一早儲心積慮要改走大角咀之名, 曾考慮過叫櫻桃站, 仲要講明係應地產發展商要求, 以前啲 ...

但最後站名都係叫"奧運站"，都係地鐵同香港奧委會達成協議而出來的產物，地產商亦順應將旗下物業改名。

即使大角咀站改名與地產商有關，但唔代表而家新車站要重蹈覆徹，一個車站命名要順應地產商要求，真係無理兼荒謬。

原帖由 stevegold 於 2014/2/11 10:23 發表


石塘咀起碼係居民按其歷史背景，為地方命名。而家港鐵卻忽視地方現有名稱、居民稱呼習慣，將車站命名為港大/香港大學，是大石壓死蟹。可能港鐵只為討好港大學生或者為左某D站友所講，無理又荒謬的「樓價」因素。 ...

呢方面你少擔心, 假如情況如你所說, 「石塘咀」之名被「港大」取代, 一百年後, 大家問及「港大」地名起源, 去維基百科看, 就會說「此處原稱石塘咀, 因有高等學府地標港大, 及港鐵港大站, 所以人們都習慣叫這裡做港大」於是乎, 叫港大一樣有歷史背景, 一樣有居民稱呼習慣, 切合晒閣下準則。之不過如果叫港大不能形成居民稱呼習慣,  不能形成歷史背景, 即係話車站改名對地名石塘咀毫無影響力和破壞力, 亦即係你擔心係多餘。歷史背景和居民稱呼習慣當然唔會在一個新命名出現, 但任何名字都有佢新嘅日子, 石塘咀都唔例外。

原帖由 3ASV196 於 2014-2-11 10:29 發表


第一, 我都無話過叫"石塘咀站"唔係合情合理, 我無反對過, 係你自己不斷只強烈反對叫"港大", 而我認為"港大"本身都無問題.....
mtr 亦係已屬意"港大"

第二, 你d 理據, 包括位置, 準則, 歷史, 習慣, 我及其他站友都 ...

咁我反對叫"港大"有何問題，我提出我的理據。我都係就住你話叫"港大"本身冇問題，同埋你提出的理據去反駁

關於我其他位置、準則、歷史、習慣的理據，我唔認大家有回應到我，大家只係不斷兜圈，講d似是疑非，荒謬的理由，咩「要顧及樓價」、「車站名可以同服務範圍唔同」，真係千奇百趣。

原帖由 syp 於 2014-2-11 10:45 發表


呢方面你少擔心, 假如情況如你所說, 「石塘咀」之名被「港大」取代, 一百年後, 大家問及「港大」地名起源, 去維基百科看, 就會說「此處原稱石塘咀, 因有高等學府地標港大, 及港鐵港大站, 所以人們都習慣叫這裡做港 ...

而係「港大」呢個名係港鐵大石壓死蟹改，正如奧運站一樣。但既然而家有「石塘咀」呢個地名，何必要另改其他名稱?

原帖由 stevegold 於 2014-2-11 10:45 發表



咁我反對叫"港大"有何問題，我提出我的理據。我都係就住你話叫"港大"本身冇問題，同埋你提出的理據去反駁

關於我其他位置、準則、歷史、習慣的理據，我唔認大家有回應到我，大家只係不斷兜圈，講d似是疑非，荒謬的理由，咩「要 ...

點樣討論都好, 你唔同意唔緊要, 你覺得我答你唔到, 都ok, 但我自己強調討論一定要合乎事實

1. 將明明無地名命名準則, 夾硬講成有港鐵準則, 你講過:

應該叫石塘咀站。

第一，符合港鐵貫以地名命名車站的準則。

這都講得出, 有咩荒謬的理由比這更荒謬.....

2. 明明港鐵考慮過"樓價"改名, 又唔承認呢個事實

這不是我地的理由, 因為這是事實

3.明明車站名好多都唔係反映晒服務範圍, 你就斷章取義我回應, 話我講"車站名可以同服務範圍唔同"
我成句係:

無話個車站唔服務其他周圍, 但唔通太子就只服務太子道居民咩.....名同服務範圍是不同吧....

我回應緊你, 就算叫港大, 都唔等於唔服務石塘咀....

4. 將明明港大都係在車站附近, 就講成與車站位置不符

試問這又是合理討論嗎?

[ 本帖最後由 3ASV196 於 2014-2-11 11:13 編輯 ]

原帖由 stevegold 於 2014-2-11 10:45 發表



咁我反對叫"港大"有何問題，我提出我的理據。我都係就住你話叫"港大"本身冇問題，同埋你提出的理據去反駁

關於我其他位置、準則、歷史、習慣的理據，我唔認大家有回應到我，大家只係不斷兜圈，講d似是疑非，荒謬的理由，咩「要 ...

OK, Stevegold教主說的一切都是正確無誤的真理
其他教徒如有異議都是異端荒謬
Case closed!

原帖由 stevegold 於 2014/2/11 10:31 發表
但最後站名都係叫"奧運站"，都係地鐵同香港奧委會達成協議而出來的產物，地產商亦順應將旗下物業改名。

即使大角咀站改名與地產商有關，但唔代表而家新車站要重蹈覆徹，一個車站命名要順應地產商要求，真係無理兼荒謬。 ...

我個人就一啲都唔認為係「覆轍」, 新地區配新名稱, 有創意之餘又能區別新區和舊區, 而現實上個區變大咗, 人口多咗亦有需要不同地名區分, 新區居民又可以有一個新區名去令自我感覺良好, 同時原區大角咀的名字又沒有被取代和消失, 都不知幾好, 簡直係超級多贏局面。

原帖由 3ASV196 於 2014-2-11 10:54 發表


點樣討論都好, 你唔同意唔緊要, 你覺得我答你唔到, 都ok, 但我自己強調討論一定要合乎事實

1. 將明明無命名準則, 夾硬講成有港鐵準則, 你講過:


2. 明明港鐵考慮過"樓價"改名, 又唔承認呢個事實

這不是我地的理 ...

1. 將近七成以上港鐵重鐵車站均以地名/社區命名，可見港鐵都有一種約定俗成的準則。同埋一個鐵路車站，除左特別情況外，不優先以所在地區名/社區名為車站命名考慮，實在講不通。

2. 就算港鐵考慮過或真係因樓價因素而影響車站命名，都不代表咁樣係正確，事實不代表正確。一個鐵路車站可以因樓價因素而影響，難怪香港地產霸權日益嚴重。

3. 車站名的確唔能夠完全反映服務範圍，但應概括地表述服務範圍，"石塘咀"一名，完全反映車站服務石塘咀區(當中包括港大)。

4. 車站亦在石塘咀區內，亦設出入口，為何不能叫"石塘咀站"。相反叫"港大/香港大學"，未能概括表述車站服務範圍，亦未能反映車站位置

原帖由 syp 於 2014-2-11 11:17 發表


我個人就一啲都唔認為係「覆轍」, 新地區配新名稱, 有創意之餘又能區別新區和舊區, 而現實上個區變大咗, 人口多咗亦有需要不同地名區分, 新區居民又可以有一個新區名去令自我感覺良好, 同時原區大角咀的名字又沒有 ...

新區其實都係大角咀的延伸，奧運站舊址亦係大角咀碼頭，同大角咀呢個名一脈相承，我認為冇必要改新名。只不過當時大角咀站因為李麗珊拎金牌而改做奧運站，之後d人先慢慢叫附近做「奧運」。其實而家「大角咀咀」呢個名已經慢慢被遺忘，範圍亦越縮越少。

原帖由 stevegold 於 2014/2/11 10:45 發表

咁我反對叫"港大"有何問題，我提出我的理據。我都係就住你話叫"港大"本身冇問題，同埋你提出的理據去反駁

關於我其他位置、準則、歷史、習慣的理據，我唔認大家有回應到我，大家只係不斷兜圈，講d似是疑非，荒謬的理由，咩「要 ...

因為你口中的位置、準則、歷史、習慣, 通通都只係車站命名因素的一部份, 而唔係唯一標準, 你唔接受呢個現實, 並唔係我哋嘅問題。