西港島綫車站命名

原帖由 PB602 於 2014-2-12 00:23 發表
拗咗19版都未有定案，似乎叫石塘咀定港大都有人唔喜歡，唔叫地方名不如叫人名，例如個站可以叫做「振英」，以紀念一代偉人。當年「振英」都喺附近讀中學，所以唔係無根據。 ...

咁不如叫中山啦，孫中山都響港大前身讀過
話時話我識既住般咸道既人都話自己住西半山，從來冇聽過佢地話自己住石塘咀，最多都係聽佢地話落石塘咀買野，我自己理解既石塘咀都係電車路到皇后大道西一帶

其實睇返個站location,得個入口同三份一個站係港大範圍。大部份都係山道地底
五個出入口，得一個半係服務港大，其餘三個都係到大道西
我就唔明點解講到個站係為港大而設，服務居住薄扶林0既街坊

我認同用港大係方便旅客，同比較易記
但唔代表石塘咀無人知，無人講，你問西區街坊，實知石塘咀係邊頭
屈地街出口同山道出口中間有一政府建築物叫做石塘咀市政大廈
5C總站叫做石塘咀

其他理由唔叫做石塘咀我覺得make sense，但你話0個度唔係石塘咀，無人識/叫石塘咀，我就一定要為此平反

當好多外區人連上環同西環都未分得清……好難解釋西區包埋西營盤、石塘咀、西半山、堅尼地城

仲有區外人好多都將西營盤都叫西環，但實際上區內人講西環主要講堅尼地城個邊
我無認真睇上面的回文，我住西區覺得叫港大/石塘咀都無所謂

但係唔知邊個話驚第時的人坐錯車，其實就多餘啦，點叫都有人有機會唔識架啦……
唔通第時個站真係叫港大，之後有個客要去港大醫學院，諗住坐地鐵到港大站就去到啦，就話點解地鐵站叫港大但搞到佢去唔到醫學院？

[ 本帖最後由 FAST 於 2014-2-12 03:23 編輯 ]

原帖由 FAST 於 2014-2-12 03:08 發表
當好多外區人連上環同西環都未分得清……好難解釋西區包埋西營盤、石塘咀、西半山、堅尼地城

仲有區外人好多都將西營盤都叫西環，但實際上區內人講西環主要講堅尼地城個邊
我無認真睇上面的回文，我住西區覺得叫港大/石 ...

當有人以為去車公廟係車公廟站落車會近d、去長沙灣廣場要係長沙灣站落，要港鐵係車站出指示，叫人去其他車站落車會近d/適合d，有人以為去港大醫學院係"港大/香港大學站"落係唔出奇。而家港大官方地址又係薄扶林，港大醫學院官方地址又係薄扶林，有人以為係同一個區唔出奇，咁啱又有個站叫「港大/香港大學」，以為係呢個站落車會去埋醫學院。

前車可鑑，點解仲要用一個易引起誤會的同稱，何不改一個能概括描述車站服務範圍和地理位置的站名 - "石塘咀"?

我都可以話個站叫港大, 人們比較自然想起港大大本營校舍多於其他分部位置啦; 咁你叫石塘咀, 區外人搞唔清楚石塘咀在西區邊一處, 以為一個聽落咁海邊嘅地名, 點知車站在山腳, 本來可以坐叮叮/巴士去較快到, 結果被車站名 fake 咗用咗港鐵落站後要由山腳行餐死 (行隧道都係要行, 就算有自動走道都要花時間o架) 甚至可能要轉車去海邊等等, 跟住你又可以再話叫港大站會令人以為可以去港大校外進修中心, 或者以為大學站可以去中大深圳分校, 話時話點解你又唔話「大學站」會令人以為會去到全港所有大學 ? ... 大家要堆砌一堆不便理由, 要幾多可以堆幾多, 要幾牽強可以有幾牽強, 講呢啲有咩意義啊。仲有你認為命名 ok 嘅太古站, 會俾人以為可以去到太古廣場, 甚至廣州太古匯o架。港大本部又叫薄扶林, 港大醫學院又叫薄扶林, 區份面積太大係咪好唔方便呢, 拆細啲區名你話咪幾好。

[ 本帖最後由 syp 於 2014-2-12 10:44 編輯 ]

如果咁講究歷史因素, 不如
樂富叫返老虎岩
黃大仙叫返竹園
鑽石山叫返大磡村
彩虹叫返牛池灣
美孚叫返荔灣
荔枝角叫返長沙灣

因時制宜改名, 係唔係會好D?

[抽水] 我想起當年的一個笑話

九龍塘應該改名城大/浸大站
兆康->嶺大站
紅磡->理大站
大學->中大站

炮台山->樹大站
大埔墟->教院站
彩虹->科大站  
[/抽水]

原帖由 syp 於 2014-2-12 10:29 發表
我都可以話個站叫港大, 人們比較自然想起港大大本營校舍多於其他分部位置啦; 咁你叫石塘咀, 區外人搞唔清楚石塘咀在西區邊一處, 以為一個聽落咁海邊嘅地名, 點知車站在山腳, 本來可以坐叮叮/巴士去較快到, 結果被車 ...

你個站叫香港大學/港大，人地自然諗起去到港大所有建築物，重點係你港大本部同醫學院地址又係寫薄扶林，點知原來本部同醫學院兩邊分開咁遠。反而叫石塘咀，人地知道一個區咁大，唔係係車站一落車就好快好到目的地。乘客可以自己衡量，用邊種交通工具更快去到目的地。

中大深圳分校講明係深圳，港大d校外進修中心，都用地區名/地名去分也也教學中心，同埋地址都有分區/地區名稱，例如統一教學中心係地址金鐘道，市民知道係金鐘附近。而其他大學地址亦有分區/地區名，如理工大學會話自己係紅磡。

廣州太古匯地址寫廣州市天河區，太古廣場地址寫金鐘道，寫得好清晰。至於太古站，名字源於太古城，再可追溯自前身太古船塢和太古糖廠，康山上面以前都係一d比太古集團外藉高級職員宿舍，後來先鏟平做康山花園/南豐新邨等屋苑。根本太古城/康山一帶同「太古」關係密切，所以地鐵先用太古去命名車站。你可以話個帶屬於鰂魚涌，但太古集團d設施係個度咁耐(由糖廠/船塢開始計都過一百年)，加上後來地鐵已計劃將一個車站叫鰂魚涌，呢個位於「太古」地區的車站，順理成章叫太古。如果乖客想去南豐新邨/康山一帶屋苑，太古站有足夠指示。同埋你個d屋苑寫地址都可以寫太古康山花園/太古南豐新邨。

其實港大本部個位，地址用薄扶林道或石塘咀比較合適係，係港大叫自己本部地址做薄扶林，根本唔存在分區拆唔拆細的問題。

仲有你係#163 post個幅圖，佢將西環兩個字擺係個度，其實係指西環包括西營盤、石塘咀、堅尼地城三區，放係三區名字中間合情合理，亦配合自「四環九約」時代遺留落黎的西環範圍。但係唔係更海一帶先叫石塘咀，而近山一帶唔算?其實唔係，幅圖中環/上環/西營盤/堅尼地城個名都係放係海上面，只係方便人去睇，你會唔會因為呢幅圖，話觀龍樓係堅尼地城近山位置，所以唔可當係堅尼地城?堅尼地城站要改名觀龍樓站?

原帖由 stevegold 於 2014-2-12 11:51 發表


你個站叫香港大學/港大，人地自然諗起去到港大所有建築物，重點係你港大本部同醫學院地址又係寫薄扶林，點知原來本部同醫學院兩邊分開咁遠。反而叫石塘咀，人地知道一個區咁大，唔係係車站一落車就好快好到目的地。乘客可以 ...

原來大學站cover曬所有中大建築物，火炭站cover曬所有火炭工業區大廈...
教主英明

原帖由 ckw7a5 於 2014-2-12 11:08 發表
如果咁講究歷史因素, 不如
樂富叫返老虎岩
黃大仙叫返竹園
鑽石山叫返大磡村
彩虹叫返牛池灣
美孚叫返荔灣
荔枝角叫返長沙灣

因時制宜改名, 係唔係會好D?

[抽水] 我想起當年的一個笑話

九龍塘應該改名城大/浸大站 ...

問題係，你講呢d車站，已經改左超過三十年，市民習慣咗，改番只係擾民。但而家石塘咀呢個名仍然存在，而且個車站仍然未啟用，同埋沒有因時制宜而命名為「港大/香港大學」的必要。

原帖由 thomash 於 2014-2-12 11:54 發表

原來大學站cover曬所有中大建築物，火炭站cover曬所有火炭工業區大廈...
教主英明

火炭工業區d大廈大地址大部份都會寫埋火炭xxx街xx大廈，市民唔容易攪錯，同埋如果幢大廈係明明唔係火炭，但業主將地址寫火炭，咁係業主的問題，正如港大話自己本部係薄扶林一樣。
至於大學站既情況，記竹有次去中大本部，有人搵唔到醫學院某部門係唔係到，我話醫學院d部門主要係威爾斯個邊。可見街外人係唔知中大本部同醫學院分得咁開，以為大家叫中文大學，就係同一地方，甚至醫學院某d部門，可見有人以為中大所有建築物都係大學站旁個本部校園度。