西港島綫車站命名

講真我真係好佩服你, 廣州太古匯、中大深圳分校等例子我擺明係「玩嘢」吹水啦, 你都咁認真長篇大論回覆, 抵讚 !! 我又真係估唔到你真係開恆 turbo 力撐太古站命名, 你又唔話佢亂搞一個太古區出來, 企圖令人唔知佢其實係鰂魚涌一部份, 鰂魚涌個名被太古之名侵蝕, 鰂魚涌範圍越縮越少云云? 看來你都好雙重標準下, 真係乜都你講晒喇。太古歷史超過一百年, 咁港大歷史都有一百年啦, 你又憑咩認為港大比起太古唔夠級數先。點解啲屋苑可以寫「太古南豐」和「太古康山」, 你自己話嗰度係鰂魚涌, 點解會變咗太古區? 呵, 在大角咀地區叫奧運就唔得, 在鰂魚涌地區叫太古又得, 又雙重標準? 照計應該係寫「鰂魚涌太古城」先「正確」噃。百幾年嘅太古可以叫「太古康山」, 一百年嘅港大又可唔可以叫「港大石塘咀」?? 至於石塘咀範圍, 個地圖「西環」同其他地名 (堅城、石塘咀、西營盤) 係用一樣字體的, 照計應該係同一級地名, 不如咁啦, 你確實同大家講下, 石塘咀的「正確」範圍, 最好有埋官方證據啦。

原帖由 3ASV196 於 2014-2-11 23:13 發表


你真係講到好多香港人都低能一樣.....

香港地鐵1979年通車, 到依家2014你竟然仲可以提出呢D論點...唔好話用唔用上網查, 好多地方根本都要自己了解...

如果我去坪石村, 我點知彩虹站要落? 彩虹站個名無反映坪石村 ...

"好多地方根本都要自己了解"  唔知石塘咀，唔知自己去了解，要車站名改"香港大學/港大"遷就你?

"彩虹站個名無反映坪石村ga bor, 老人家點知ga? 彩虹站開左咁多年, 又有無問題?" 彩虹站一帶原本叫牛池灣，係地鐵當時要用旁邊彩虹邨命名車站，居民都係被動地接受，到而家過左超過三十年而而慢慢習慣。但一個新車站落成，何不考慮以一個能概括地表述車站服務範圍和地理位置的名稱 - 石塘咀站，亦配合原有的地名。反而要d居民被動地去接受一個新車站名，迫佢地習慣。而家得番牛池灣村個部份

"你D論點我都可以相反講一次, 呢d熟悉西區的人當然唔會搞錯，但唔熟悉既人同遊客、甚至一d老人家想去香港大學呢?佢地會疑問係邊個站落車呢? D遊客/外地生/老人家想去香港大學, 見到得個石塘咀站, 而拎住香港大學地址又寫住薄扶林, 咁點搞ar? 薄扶林定石塘咀? 何不改一個與地標、服務範圍、車站位置相符的名字?" 如果香港大學係一個旅遊景點，可以係派比旅客d香港地圖標示出港大本部校園的位置，車站出入口指示以及地圖亦會標示港大位置，並唔難搵。香港大學話自己官方地址係薄扶林係大學自己的自由，但冇理由要一個服務成個石塘咀區的車站去遷就你。

"無一個"車站名"可以完全反映所有位置, 唔識唔熟點都係要自己查同問人或搵人帶....就算你去石塘咀, 係唔係改一改一個站名叫石塘咀, 市民就街名, 街號都唔駛查" 但問題你個站叫"香港大學/港大", 我去醫學院，個地址又係同本部一樣寫薄扶林，咁你真係玩死d乘客。同埋有人會去係車站落車之後，直接行入港大，先至會去搵校園地圖，搵下醫學院d building係邊? 咁唔通呢d人又係佢地錯?

"再講, 你成日講香港大學屬於石塘咀區, 呢個真係唔多人知的, 我自己係港大讀左6年我都唔覺係同一區....官方亦非咁講" 你唔覺同官方冇咁講山就等於港大地理上不位於石塘咀區? 係港大自稱自己係薄扶林，嚴格黎講只係薄扶林道，位於石塘咀區的山上，而且從港大本部，橫過薄扶林道，沿潮商學校旁落樓梯，就會去到山道，再落就去到石塘咀市政大廈一帶。港大同石塘咀的建築基本上係非常接近，社區關係亦非常密切，好難唔屬於石塘咀區，新車站仲要有一半係石塘咀山道旁地底，又有出入口去石塘咀區。係港大硬要話自係薄扶林，跟住某d人又以為係薄扶林。

" 而你提及唔熟悉既人同遊客, 我就想反問, 你認為遊客/旅客要去石塘咀觀光機會多d, 定去港大的機會大d? " 可能好多遊客想去石塘咀睇舊區風貌，去附近d鋪頭買野，石塘咀又有酒店，又可以坐電車觀光(仲要有，你憑咩話佢地去港大觀光的機會會多過去石塘咀?叫"石塘咀站"，既概括表述車站服務範圍，也反映車站所在位置，又可方便遊客，如果佢地要去港大，車站出口指示牌已有指示，車站地圖亦可標示港大所在位置。

"又再講, 對於一個唔熟香港的人, 如果要去寶翠園, 你要叫佢記去"石塘咀站"易d, 定記去"香港大學站"落車易d?" 同理，如果佢地要去寶翠園，車站出口指示牌已有指示，車站地圖亦可標示寶翠園所在位置。其實寶翠園本身就係位於石塘咀，而且係石塘咀南里、卑路乍街/石塘咀交界亦有出入口，位於山上薄扶林道石塘咀一段亦設出入口。

彩虹站原來要過咗 30 年才慢慢習慣, 點解係 30 年? 點解唔係 20 年已經習慣咗? 點解唔係 10 年, 又或者其實而家其實都未習慣, 原來要 40 年才習慣? 好明顯就係為反駁而反駁, 自己喺度作故仔只為包拗頸, 已經去到生安白造嘅境地, 比地鐵生安白造車站名更出神入化。既然彩虹站可以 30 年習慣, 彩虹邨當年還是較新的屋邨, 但港大至今已 100 年, 根本連要 30 年習慣都慳返, 大家照計可以好快就適應啦。

原帖由 syp 於 2014-2-12 13:10 發表
講真我真係好佩服你, 廣州太古匯、中大深圳分校等例子我擺明係「玩嘢」吹水啦, 你都咁認真長篇大論回覆, 抵讚 !! 我又真係估唔到你真係開恆 turbo 力撐太古站命名, 你又唔話佢亂搞一個太古區出來, 企圖令人唔知佢其 ...

太古同大角咀不同的地方，就係太古係鰂魚涌而家太古城,康山地方建立船塢之後，市民開始習慣叫附近一帶做太古船塢，之後又有太古城，到地鐵要係呢個位設站，順理成章叫「太古」，係有地區名後才有地鐵站。相反，奧運站係大角咀區旁邊，原本亦叫大角咀站，無諮詢市民意見，又不是配合附近地區名稱，大石責死蟹。

至於港大，一直以來都唔係石塘咀一帶居民的稱呼，只係一群建築物，到而家仍然都係，好似石塘咀xx大廈，唔會有人寫做港大xx大廈。

至於個幅圖，點解每區字體會一樣，我認為係港島西區的名稱各人有不同叫法，有人統稱西營盤、石塘咀、堅尼地城全部地方做西環，認為西環、上環、中環係同級地名，西營盤、石塘咀、堅尼地城只係西環入面的分區;亦有人認為西營盤、石塘咀、堅尼地城、上環、中環係同級地名(個人認為呢個講法西港島線通車後會更普遍)，所以幅圖西環、西營盤、石塘咀、堅尼地城印哂同一字體，配合不同講法，西環放係三區中間位置，亦配合「四環九約」遺留落黎的分法。

官方的地區分界和範圍其實意義不大，好似按你幅區議會選舉分界圖，只係按人口分區，同一般市民認知的地區範圍分界亦有不同;如果去規劃署/城規會睇分區規劃大綱，石塘咀就係呢兩個分區入面: Statutory Plan S/H3/29 (Sai Ying Pun & Sheung Wan) & S/H1/19 (Kennedy Town & Mount Davis) ，香港大學本部就係呢兩個分區入面Statutory Plan No(s) S/H3/29 (Sai Ying Pun & Sheung Wan) & S/H11/15 (Mid-Levels West) ，根本連石塘咀同港大分區都冇。石塘咀可以算係由市民約定俗成的分區名字，範圍0既話，睇維基百科，佢話由西祥街/西祥街北至水街/興漢道wor;我有住西區超過20年0既屋企人，佢又話由水街到皇后大道西同卑路乍街交界wor，各有各說，我有朋友曾經係港大讀書，佢都話港大算係石塘咀wor。

不過西港島線今年內通車，呢個新車站站名可能已經決定左，真係叫"香港大學/港大"的話，我只能夠講，香港又一地名被港鐵大石責死蟹地更改了。

[ 本帖最後由 stevegold 於 2014-2-12 16:31 編輯 ]

原帖由 syp 於 2014-2-12 15:31 發表
彩虹站原來要過咗 30 年才慢慢習慣, 點解係 30 年? 點解唔係 20 年已經習慣咗? 點解唔係 10 年, 又或者其實而家其實都未習慣, 原來要 40 年才習慣? 好明顯就係為反駁而反駁, 自己喺度作故仔只為包拗頸, 已經去到生安 ...

問題唔係幾多年先至習慣，而係牛池灣區地鐵站命名為彩虹站，居民要去習慣 ?而家既然有石塘咀呢個地名/社區名，點解要用"香港大學/港大"，跟住又要比石塘咀區d人習慣，點解要d居民去習慣新名，而唔係用番現有地名/社區名?同埋石塘咀呢個名19世紀末已經存在，香港大學要20世紀初先係而家呢個地方建立，你要講歷史的話，唔知邊個歷史耐d?


其實拗左超過二十版，大家都說服唔到對方，我覺得拗落去無意思，而且我覺得太煩了，再見。

[ 本帖最後由 stevegold 於 2014-2-12 16:55 編輯 ]

總之就係一句到尾, 地方名一定係由人作出來而不會是天跌下來的。地名嘅出現總有佢嘅原因, 古時好多因為地形, 又或者係啲乜姓物姓村落等等, 以前未發明火車, 當然唔會有什麼鐵路公司「大石砸死蟹」改車站名變了地方名, 但其實除咗鐵路公司, 仲有好多其他原因會令地方名誕生, 例如源自生安白造源嘅街道名、屋邨名, 車站名只係眾多原因之一啫, 今時今日好多地方已發展, 高山夷為平地, 海邊被填海拉直, 以地形命名嘅情況就梗係少好多啦, 既然車站命名只係其中一個原因, 又點解要單單抽佢出來挑剔? 太古一帶原是鰂魚涌, 因為有太古船塢, 咁太古船塢出現而令此處變成太古之名, 唔係都係生安白造出來嘛, 咁大角咀新區出現了奧運站, 啲人可能叫叫下叫咗呢區做奧運, 過得一百幾十年後齊齊叫晒奧運, 個名唔係一樣都係百多年來居民習慣嗎? 太古船塢 vs 奧運站, 二者又會有咁大分別, 一個力捧, 一個力踩。定係如果有時光機去返一百幾年前太古船塢成立之時, 你會一樣同啲太古大班講, 不滿佢哋「大石砸死蟹」將船塢取名太古, 話因為船塢取名影響深遠, 會改變區名, 所以應該要叫「鰂魚涌船塢」? 你成日話港鐵「大石砸死蟹」改名, 例如奧運吧, 其實佢只係改個車站名, 佢又冇改個區名, 叫咩「大石砸死蟹」先, 個區依然係大角咀, 假如一百年後人們叫咗個區做奧運, 都係居民習慣咗咁叫咋, 你話要跟居民習慣呀, 太古一樣冇強行要人叫該區做太古, 但因居民因此習慣叫太古, 你就話係 ok, 咁奧運站 case 就唔 ok。

關於牛池灣, 要用幾多時間習慣當然係重要, 你講到要用 30 年來習慣, 想必係習慣的過程很痛苦, 但實情係咪咁先? 彩虹邨是一個很大規模的屋邨, 知名度係唔低嘅, 係咪真係咁難習慣先? 同樣道理用於港大, 港大知名道都係好高, 在世界上有排名添, 並唔係咩「機構仔」, 點會要習慣得好痛苦或者要習慣 30 年呢, 根本叫咩名都有個習慣過程, 叫「石塘咀站」都要習慣o架啦。生安白造嘅奧運站都未見得習慣過程好痛苦, 何況知名度高的大學和屋邨? 至於講歷史, 你話鰂魚涌地名歷史長啲定太古船塢歷史長啲呢。我再舉一個例子, 「荔灣站」vs 「美孚站」喇。地鐵公司取名「荔灣站」,  九巴總站又要叫「荔枝角 (橋底)」, 相信就合晒你河車, 忠於原地名啦。不過後來可能因為人們習慣叫美孚多啲, 搞到要改名。即係啲人由荔灣原名習慣去稱該處為美孚, 係一件好自然的事, 亦唔需要由車站名帶動, 唔需要 30 年, 唔需要好痛苦。
我是來討論的, 你有咩論點我就按你論點回應嘅啫, 我冇打算係為說服到你而發言, 一直以來, 在討論區立場相反嘅人有幾可可以說服到對方呢, 如果你一開始就知道想為說服到對方而發言係徒勞無功的, 講完第一篇就應該停止, 就唔駛出現有 20 幾版文啦。

[ 本帖最後由 syp 於 2014-2-12 17:55 編輯 ]

原帖由 ckw7a5 於 2014-2-12 11:08 發表
[抽水] 我想起當年的一個笑話

九龍塘應該改名城大/浸大站
兆康->嶺大站
紅磡->理大站
大學->中大站

炮台山->樹大站
大埔墟->教院站
彩虹->科大站  
[/抽水]

應該係
紅磡站->理大(南)站
何文田站->理大(北)站


老老實實講咗咁多版
覺得「香港大學站」好嘅只有2、3個港大學生

堂堂港大學生如果有踏實理由還好
文化道德水平如此真係好好笑

我呢啲英國返嘅都只好將啲產品換哂土豪金就下佢地啦

原帖由 syp 於 2014-2-12 17:38 發表
總之就係一句到尾, 地方名一定係由人作出來而不會是天跌下來的。地名嘅出現總有佢嘅原因, 古時好多因為地形, 又或者係啲乜姓物姓村落等等, 以前未發明火車, 當然唔會有什麼鐵路公司「大石砸死蟹」改車站名變了地方名 ...

香港大學是機構名非地區名
故此不能帶來閣下的歷史進程

鐵路「大石砸死蟹」以車站名令原有地方名消去已有大量論據
閣下可以追文
無須重覆同一論點

原帖由 hoising 於 2014/2/12 20:16 發表
鐵路「大石砸死蟹」以車站名令原有地方名消去已有大量論據

鐵路車站命名改變居民習慣然後改變地名, 點樣「大石砸死蟹」? 居民明明就係自然習慣改變, 而家鐵路公司拿槍指住居民非改叫法不可? 大角咀之名至少十五年來依然存在噃, 阿 stevegold 站友最興說「拿地址」點點點, 奧運站屋苑的地址仍然係大角咀 (或者旺角西) 呀。當然如果大家對「大石砸死蟹」一詞的意思有分歧咁似乎係再無咩討論空間嘅。

[ 本帖最後由 syp 於 2014-2-12 21:49 編輯 ]

原帖由 syp 於 2014-2-12 21:42 發表
鐵路車站命名改變居民習慣然後改變地名, 點樣「大石砸死蟹」? 居民明明就係自然習慣改變, 而家鐵路公司拿槍指住居民非改叫法不可? 大角咀之名至少十五年來依然存在噃, 阿 stevegold 站友最興說「拿地址」點點點,  ...

現時是大量車站所在地的持份者不滿、不想改變習慣
硬上弓就是「大石砸死蟹」