西港島綫車站命名

原帖由 syp 於 2014-2-9 17:34 發表
(1) 我幾時有話「必」 ?? (2) 什麼是「對」, 什麼是「錯」? (3) 對又好錯又好, 今時今日咁多地名, 你咪又係一直咁用, 你覺得佢錯, 你自己一個用返啲古名, 睇下有冇人睬你? (4) 大家好地地討論, 點解要話人言論「廢 ...

我先前只係討論改名的原因
並無「想啲地名永遠不變」之意
我同時亦好強調「反之亦然」

你亂指本人「違反歷史演變」及「一廂情願」
的確是「廢論」

而且你提及「地名永遠不變是違反歷史演變」，是必然句
談尊重？請你了解下每個帖子的內容是什麼才說吧！
或許閣下可以以更合適的中文表達

[ 本帖最後由 hoising 於 2014-2-9 18:42 編輯 ]

原帖由 hoising 於 2014/2/9 18:33 發表

我先前只係討論改名的原因
並無「想啲地名永遠不變」之意
我同時亦好強調「反之亦然」

你亂指本人「違反歷史演變」及「一廂情願」
的確是「廢論」

而且你提及「地名永遠不變是違反歷史演變」，是必然句
談尊重？請你 ...

我係針對你說「可惜大角咀個地名真係消失緊」而說, 我係指任何一個地名都有可能隨年月改變, 冇話可惜唔可惜。「想啲地名永遠不變」嘅意思就係, 一個地名要變, 你都阻佢唔到, 事實上亦有大把地名在變, 我冇話過任何地名必然要變。

如果你唔明其他人講乜, 你可以問, 你問我, 我會盡力再解釋, 不過如果問都唔問劈頭就話人廢, 係非常不尊重人, 到頭來究竟係人哋講得唔清楚定係你理解能力問題唔明人哋講乜都未知。當然你堅持對人唔尊重和冇禮貌係覺得冇問題, 我都冇咩所謂, 你嘅人格係點又影響唔到我嘅。

[ 本帖最後由 syp 於 2014-2-9 22:01 編輯 ]

原帖由 syp 於 2014-2-9 17:58 發表


櫻桃街以南仲係大角咀嗎? 叫旺角似乎合適啲噃。

我既記憶中，大角咀未重建前，43C 都重係當櫻桃街喺大角咀入邊

原帖由 HF3204@243M 於 2014/2/9 18:56 發表

我既記憶中，大角咀未重建前，43C 都重係當櫻桃街喺大角咀入邊

我講緊櫻桃街以南唔係櫻桃街本身噃, 櫻桃街以南今日柏景灣一帶之前係油麻地避風塘噃。

如果命名做西環又得唔得?
地名的覆蓋範圍較大
就好似''將軍澳''除左將軍澳站外
仲包括調景嶺坑口寶林咁

原帖由 syp 於 2014-2-9 18:25 發表


唔同嘅站有唔同嘅命名準則, 點解一個站用地標命名, 代表另一個站甚至其他所有站都要用地標命名 ??

咁點解石塘咀站要用地標命名，唔用地名命名?唔係所有車站都有劃一的命名準則，只有在特殊情況下才有例外? 而家呢個站我睇唔出有咩理據叫"香港大學/港大"而唔叫"石塘咀"

原帖由 stevegold 於 2014/2/9 19:28 發表


咁點解石塘咀站要用地標命名，唔用地名命名?唔係所有車站都有劃一的命名準則，只有在特殊情況下才有例外? 而家呢個站我睇唔出有咩理據叫"香港大學/港大"而唔叫"石塘咀" ...

咁你覺得嘅劃一命名準則係乜嘢, 咩又為之特殊情況? 港鐵站名既有用地名命名, 亦有用地標命名, 也有用道路命名, 生安白造嘅都有, 點叫特殊點叫例外?

原帖由 syp 於 2014-2-9 19:33 發表


咁你覺得嘅劃一命名準則係乜嘢, 咩又為之特殊情況? 港鐵站名既有用地名命名, 亦有用地標命名, 也有用道路命名, 生安白造嘅都有, 點叫特殊點叫例外? ...

我認為劃一命名準則，應該按所在地區/社區名稱去命名，以反映車站的實際位置，方便不同的乘客。

除非該車站專或主要為某一機構/建築/屋邨屋苑服務(如機場站、康城站、大學站)、位於新填海區/發展區，冇原有地名/社區名去作命名根據，而以最接近的道路/地標(如柯士甸站)、或特別原因(如錦上路站的命名為了平息八鄉和錦田居民的爭拗)

原帖由 stevegold 於 2014/2/9 19:49 發表



我認為劃一命名準則，應該按所在地區/社區名稱去命名，以反映車站的實際位置，方便不同的乘客。

除非該車站專或主要為某一機構/建築/屋邨屋苑服務(如機場站、康城站、大學站)、位於新填海區/發展區，冇原有地名/社區名去 ...

你個「除非」都長下, 如果個「例外/特殊」例子都咁多, 咁佢哋仲稱得上是「例外/特殊」嘛? 根本就係準則之一, 咁就一啲都唔「劃一」啦。

至於你所謂「方便不同乘客」, 至少我知道港大喺邊, 我就唔知石塘咀確實所指喺邊喇, 如果叫石塘咀至少就唔係咁方便我喇, 其他人我就唔知咯。

原帖由 syp 於 2014-2-9 19:55 發表


你個「除非」都長下, 如果個「例外/特殊」例子都咁多, 咁佢哋仲稱得上是「例外/特殊」嘛? 根本就係準則之一, 咁就一啲都唔「劃一」啦。

至於你所謂「方便不同乘客」, 至少我知道港大喺邊, 我就唔知石塘咀確實所指 ...

咁大部份車站都以地名/地區名去命名，只有少部份係我所講的特殊例子。

新車站並不是單單服務香港大學，而是服務整個石塘咀區的居民，第日d人去石塘咀，叫佢地係"香港大學站"落，只會令乘客無所適從。

相反，車站叫石塘咀站，比乘客知道呢個站落車去到石塘咀區，去到石塘咀的建築物。去香港大學的乘客，可在同佢地講係石塘咀站落車