倫敦巴士LT3在香港行程鬼祟, 是誰害的?

原帖由 wingkei 於 2014-2-14 05:27 PM 發表


咪係, 人地架車有正經野做, 唔係俾你地巴士迷做狗仔隊搞亂檔的


網上流傳呢張圖, 羅前輩講得好有道理

...

無錯，人吔係唔想俾人搞亂檔至只好出下策，影唔到就話人真係好無品。

講開又講，其實要去話人批評人之前，應該要先睇吓自己有冇地方唔啱或者改善，
自己唔好就冇資格先話人(即使係其他圈內人唔啱咁話)。
但可惜係香港人好多時都係只睇人哋嚟批評而不懂自省，
即使係巴士迷圈子都有一啲咁嘅人，只知自我中心而不會尊重別人。

人哋英國領事館送部LT3嚟真係只為宣傳英國，冇想過要俾巴士迷影。
仲有一個機構要做公開活動之前係會做埋評估風險，
會做好資料搜集之餘更要調查當地民眾/可能涉及羣眾嘅行為模式，
做好評估後再去定好實際活動同行程，而唔係一諗到就去做。

可惜係香港巴士迷圈子中有太多唔好嘅事同不良份子，而且不理自身安全嘅人唔少，
假若英國領事館用如新加坡嘅行程模式同太公開去宣傳，我諗部車所到之地可能好混亂，
而且如大特見出現嘅種種情況可能出現，行程肯定唔會順利。
更有可能會因混亂，而令傳媒報導成係舉辦方活動安排不當引起混亂，
必然會令宣傳效果大打折扣。
大吉利是講句，如果有巴士迷或其他人因某啲不良份子而出意外，後果更係可想而知。

只睇番老九個車長選舉，點解十多年前開始就要圍起展出嘅巴士，
十多年就要出此下策唔俾人行上車?冰封三呎非一日之寒。
某啲巴士迷話人哋鬼祟，但巴士迷做嘅鬼祟事咪仲多?
某啲巴士迷話人哋要反省，但巴士迷圈子要反省嘅咪仲多?
到今日點解人哋英國領事館要做到咁低調?睇番過往唔少巴迷上報同上網嘅事至講!

我自己雖身為正當嘅巴士迷，冇為巴士而做過鬼祟同違逆道德嘅事，
但我都唔好意思要話人哋要反省先。

如果巴士迷圈子嘅不少數人仲係不改惡習不自省，其他人仲可以憑乜嘢嚟相信巴士迷?

[ 本帖最後由 Dennis34 於 2014-2-14 20:18 編輯 ]

唉,根本而家d香港人就覺得咩都要應份要俾佢咁架喇
達唔到佢要求就媽聲四起

呢d野小弟已經睇淡哂

真係無眼睇而家d香港人
香港,同大陸化又近左一步了

[ 本帖最後由 VOLVO‧MV6593 於 2014-2-14 21:04 編輯 ]

公開既話新加坡咁有心既市民可以去睇去參觀
香港收收埋埋'
結果咪係得偶遇既市民
同專登去捕既巴迷可以見到部車
宣傳效用其實打左折扣

不過都反映英國人覺得新加坡人較有公德質素較高d....

[ 本帖最後由 ksmbh 於 2014-2-15 00:30 編輯 ]

問心果句, 作為一個普通的巴士迷, 收唔到所謂"消息人士"的資料,
根本好難知到架車去左邊

架車咁難得來到香港, 作為巴士迷, 想影多幾張相係好正常不過的事,
架車來左香港兩個多月, 除左十月公開展覽過之外, 其餘時間無公開過確實行程,
後期仲長期擺廠

有人話吃不到的葡萄是酸的, 無錯, 的確好酸,
有人O係尖碼影到佢, 有人O係機場影到佢, 有人O係紅磡碼頭影到佢,
有人成為坐上客, 由中環坐到入機場, 甚至環遊港九

而我呢個small potato, 只能靠一次的巧遇,先有機會近距離欣賞一下架車, 影多幾張相   

再睇埋新加玻的片段, 酸溜溜的感覺更加強烈

架車唔係來香港做親善大使, 宣傳英國嗎?
美其名話保護架車, 唔想引起事瑞, 唔公開行程,
實際上, 所謂宣傳交流, 只係淪為一小撮巴迷影獨家相的機會...!

乜依家巴士迷連大國領事都高度關注架?
一個巴士迷破壞力仲勁過十個高登仔,第時保家衛國靠哂你地啦

原帖由 DM17 於 2014-2-15 02:07 發表
乜依家巴士迷連大國領事都高度關注架?
一個巴士迷破壞力仲勁過十個高登仔,第時保家衛國靠哂你地啦



...

其實呢，佢地唔應該係香港嘈

應該走去買張機票
去英國同佢慢慢嘈

咁佢地實應你喇

都話香港完全中國化。

極少數巴迷界「大佬」，唔知點解可以收到一D應該只有巴士公司內部先知道嘅資訊，之後緊貼LT3行縱去影相去坐車，然後寫稿出書賣相，大賣「獨家料」。

成件事根本背後根本就係纏擾不清嘅利益關係。

反觀新加坡做法完全公平公開公正，人人有得影有得參觀，唔需要靠人事關係。

香港之墮落，獅城之進步，又一例證。

有此優待可能同metroline母公司係新加坡ComfortDelGro公司有關
新加坡母公司有倫敦metroline要打好關係展出部車耐啲都易啲呀