2014-2015 葵青區 RDP (已更新連結)

原帖由 rusf101001 於 2014-2-20 00:05 發表
32 石圍角－梨木樹(往奧運繞經梨木樹)－葵涌道－長沙灣道－欽州街－荔枝角道－上海街－亞皆老街－奧運鐵路站
36B 梨木樹－石籬－青山公路－呈祥道－大埔道－彌敦道－佐敦道－佐敦渡華路

35A 縮短至奧運鐵路站
235X 安蔭－石蔭－石籬－青山公路－西九龍走廊 ...

18改得太勁，其實18/45合併，美孚←→九龍城碼頭即可
另外，建議將36B拉去尖東、35A改去渡華路另外，42C似乎太兜，若堅持此行法，建議38落美孚

[ 本帖最後由 mak5052 於 2014-2-20 00:27 編輯 ]

原帖由 tony223 於 2014-2-19 23:52 發表
粗略睇完rdp，
大體上我係同意某d線改為特快係正確(例如：X42c)，
但係我就唔係好明點解D新特快線可以比以前收貴咁多，甚至35X同36X之間既收費可以差成$1.7?

仲有，青衣區內同往返荃葵既線基本上除左42M,44M同248M叫做好少少 ...

爭1.7就可以到尖咀東,條36X點都只到佐敦
35X多了佐敦至尖東一段路程,收多個7有幾出奇

剛閱讀過2014年度葵青區的巴士路線發展計劃，好變動都係趁機加價嘅！
31B 石籬延長至石圍角，$5.5 → $6.5
36B 提速改編號為36X，$6.5 → $7.7
35A 分拆一條快線35X，$7.4 → $9.4
簡直不能接受！
另外，31如改為主要服務石籬區，不如在石籬兜個圈後，經大白田街、大隴街、圍乪街，右轉石排街，再右轉直落青山公路去荃灣啦。宜家個建議係兜番石籬商場後，又落番和宜合道再經石蔭，唔係唔知打磚坪街嗰邊交收貨時間係勁塞車嘛？而且石蔭嗰邊都有小巴和235去荃灣囉，唔駛31啦。

原帖由 kay 於 2014-2-19 19:36 發表
其實想旺丁旺才，行多少少落佐敦跟287X調頭，服務範圍大左又有藉口加價

不過33A九巴搞咁多年都搞唔掂，今年放綠燈比佢改做30分1班，下年容乜易話取消

不過份野好多怪語句，或者自打咀巴都要作個理由

好似41，明明應該可以變成 ...

除左拉33A落佐敦外，仲有一個方法係學我之前F1個建議，
同41重組，拆條33X去程經油麻地/回程經旺角，去九龍城碼頭，來回行三幹

根本土瓜灣紅磡何文田去荃葵都好多客，
但係佢地往返荃葵區的41同45都去唔到人流集中的地區。
既然九龍城有呢個訴求，33X換41，41又可以嘔返一半車俾青衣重組，一家便宜兩家著。

旺角往返葵涌邨又係多客多到傻，只係因為站位唔靚加車程太慢，搞到好多人搭紅小。
如果拆一條33X，亞皆老街旺角鐵路站已經食左大半個旺角，
比起33A已經好好多，車程又快起碼20分鐘，可以搶返唔少紅小客，而且一條線同時做幾類客，
兩繁甚至非繁兩個方向都有客，新區又有訴求要紅磡土瓜灣線，服務範圍擴大又有得加價

深水步葵涌邨留返一條20分一班，最基本服務就算…

放心，成份唔駛傾都得.........

btw，睇落好多好似係某智庫既建議

原帖由 kay 於 2014-2-19 19:42 發表

45縮成咁，叫乜鬼45，不如改為6號系列算，45依家同以前6A分別唔差得遠，只不過唔去尖碼去何文田/九龍城.

其實41 42 45都面對同樣的困局

就係幾條線都係以九龍內陸流水作主要客源，葵青區果段客唔多，
42醫院線不可不做，但41 45都係執緊雞

七八十年代思維，條線拉得幾長就幾長，將兩段唔多客的路段駁埋，食水深，
而且果陣地區發展同今日唔同，相信去土瓜灣九龍城需求大過今日，所以呢類長途流水線仲有得做

但到到今日，41 45主要客源變左何文田深水步，42變左四順長沙灣，
四順長沙灣兩繁頂到七彩，但係美孚至青衣果段真係好少客，不過因為醫院線不可不做，於是浪費資源…

所以九巴想縮42 45都好正常

問題來了，縮42，如果唔補位做醫院，青衣會有好大反對，
但係拉多條線上去荔景山路補位（例如43M），到頭來又未必慳到咁多資源

而上得荔景山的巴士，除左46X，都無運行，上面先天條件不足，
明明最多人去的係旺角至尖沙咀同觀塘，上面就無尖咀觀塘線但係有車去何文田九龍城四順，
資源錯配，但荃葵大把區都等住要尖咀同觀塘線，以荔景山先天條件不足的情況下，有排未輪到佢地，
於是上面繼續少人搭巴士

原帖由 053h4 於 2014-2-19 20:08 發表
我係乘客，42C都夠快啦，比12.7坐又唔係密的X42C咩

你叫陽光搞都唔反對，話晒唔lock車偷雞跑超過70
專利巴收呢個價，有病咩

視乎青衣邊度出發…

睇左12版文，似乎無人提到X42C亮點係青衣同42C逆走，長青/美景尾站經南橋上青葵

根本如果係打算做青衣觀塘特快，不經荃灣的話，咁行係最正路，可以跑下一段仔三幹，
唔駛塞荃灣路同青荃交匯處

而家青衣山上出觀塘唔方便，一係要行落涌美路搭42C兜圈，一係就搭88系小巴轉地鐵，
X42C山上尾站出觀塘優勢好大，我相信可以慳到至少四個字

就算係可以同站等42C同X42C的長亨同長安，我估計都可以分別快到15同10分鐘…

原帖由 S3BL100 於 2014-2-20 01:06 發表


視乎青衣邊度出發…

睇左12版文，似乎無人提到X42C亮點係青衣同42C逆走，長青/美景尾站經南橋上青葵

根本如果係打算做青衣觀塘特快，不經荃灣的話，咁行係最正路，可以跑下一段仔三幹，
唔駛塞荃灣路同青荃交匯處

而家青衣 ...

問題係長安值唔值得俾多三個幾四蚊搭 X42C 呢？如果唔係好值，
咁不如乾脆只做山上，咁由長亨去到長青都好吸引，至少三個幾真係抵俾，唔使漫遊大窩口之餘，仲連青衣都唔使兜，只做兩班亦無理由唔夠客。

有預感覺得今年十八區RDP無乜會過唔到....一係保皇黨力保, 一係無支持下硬推, 再唔係就行政指令, 整份報告根本就係假諮詢,通知區議會今年要CUT晒堆廢線...
除左改特快對乘客受益外,成份野根本就係將D線CUT短或CUT到30分鐘一班, 改完線每條新線都要收最高車費...
運輸署係咪有心幫九巴趕客, 條條線都二三十分鐘一班, 趕哂九巴D客去地鐵

原帖由 3ASV174 於 2014-2-20 01:10 發表
問題係長安值唔值得俾多三個幾四蚊搭 X42C 呢？如果唔係好值，
咁不如乾脆只做山上，咁由長亨去到長青都好吸引，至少三個幾真係抵俾，唔使漫遊大窩口之餘，仲連青衣都唔使兜，只做兩班亦無理由唔夠客。 ...

係唔值，但係反而我諗緊，會唔會係為日後再重組東九荃葵進一步鋪路？

再重組的話，正路係42C現走線改做兩繁幾班車，X42C走線全日，
如果X42C呢一刻只做山上的話，到時山下變左逆走可能會有好大反對。

而家起碼俾山下客感受一下，原來兜上山再行三幹仲快過而家尾站出青衣但經荃葵…