原帖由 hkth 於 2014-2-22 12:22 發表 
本人就認為東鐵綫改成新系統後都仍未到上限, 而且現時東鐵綫乘客量或會因將來高鐵和沙中綫首段通車而減少一部分乘客.
不過當新界東北及原有禁區範圍真的要發展的話, 現有東鐵綫就有機會不勝負荷, 不興建新東鐵綫就不行了.
原帖由 053h4 於 2014-2-22 12:23 發表
直通車唔取消 東鐵加密只係傳說
老實，港鐵恨不得開多一倍直通車，等紅磡免稅店再加租
直通車唔取消，係會影響運行間隔
加上全程大上大落，列車停留時間可以縮短？
其實港鐵都話，東鐵而家朝早運行間隔2分45秒，大約21-22班啦當，未來要開番28-29班先叫可以補番個節數
當然新車載客量較高，但乘客量點睇都持續增加lor
一條新鐵路要由全港及區域交通政策開始蘊釀 ， 推算出中長期人口同經濟活動總量同埋分布，
再由鐵路發展策略去研究，確定邊啲方案服務最多人口、最能紓緩樽頸路段、
最少難以克服嘅技術障礙、帶來最少社會及環境影響、具有最高經濟回報等等，
所以未來城市規劃發展方向藍圖未定案，例如新界東北同洪水橋新發展區、新界北新市鎮、
近岸填海、 中部水域人工島、 東 大嶼都會等等規劃方案得到市民認可，
以致 通過所有法定程序之前， 係好難制訂到真正符合香港未來發展需要嘅新鐵路走廊方案出嚟。
我相信政府係喺後台做緊好多研究，會有新鐵路配合到呢啲新嘅發展，
但一日未成熟一日都唔會公布啫。 | 
