【時事多面睇】西鐵有多迫，引申港鐵標準載客量問題

原帖由 JC8385 於 2014-2-25 18:22 發表
中環迫到粉嶺？
直接搭373A好過啦

373A+373近年係好客左, 但市佔率仍未超過50%,
始終車費太貴, 時間又唔係有絕對優勢

原帖由 K仔 於 2014-2-25 22:17 發表
2. 立法會文件中，採用每平方米站立 4 人為標準的理據，是「目前最繁忙的路段及時段行走的列車只能達到每平方米站立約四人的乘客密度」。既然選擇以最繁忙路段的載客密度為計算載客率的基數，最繁忙的路段載客率達到 100% 豈不是必然嗎？我不明白。

即係話如果將來乘客對空間要求再增加,
每平方米站立兩人就100%了, 再遲D每平方米站立一人就100%了

原帖由 hkth 於 2014-2-25 20:23 發表
田北辰要求港鐵使用摺椅.

香港電台報導:
田 北 辰 促 港 鐵 推 早 晨 優 惠 　 部 分 座 椅 改 摺 椅

--其實使用摺椅去增加載乘量也不錯.

真係笑死人, 人地日本250%-300%先用摺椅,
你香港120%就話用摺椅??

原帖由 hz6751 於 2014-2-25 18:02 發表
中港交流的增加和搬了機場，自由行的行李和本地人的行李出現在列車車廂的情況大幅增加。

再加上現在社會講求無障礙現境，輪倚使用者，推嬰兒車/竉物車的人也佔用了較多列車車廂的空間。

講真, 十次有九次以上係乘客唔行入車廂引起用唔盡車廂的情形, 所以...唔好賴喇

原帖由 mak5052 於 2014-2-25 20:47 發表

恢復繁時附加費，如何？建議方略如下：
實施時間：週一至五6：45 - 9:30，入站計
實施區域：都會優惠票通用範圍
附加費為一元（不過海）/兩元（過海），是額外徵收，無九折
6:45前，9:30-10:30實施優惠票價，用八達通者減一至兩元
收附加費期間，停 ...

附加費係為分流去其他時段, 但駛唔駛定到 6:45? 根本就冇分流效果, 純椊焗人俾錢或唔好搭?

原帖由 053h4 於 2014-2-25 22:12 發表
由銅鑼灣去到粉嶺，繁時車程個幾鐘，好話唔好聽，早繁惡講，下繁而家迫，重話減座，個人唔疲倦咩

隧巴轉東鐵啦
紅磡站要有位坐唔難, 你肯等多班排頭位就得

原帖由 Kaix 於 2014-2-25 23:33 發表



講真, 十次有九次以上係乘客唔行入車廂引起用唔盡車廂的情形, 所以...唔好賴喇

大佬, 宜家運豬車咩
好似西鐵咁, 卡與卡之間得一條柱
2邊比人挨晒, 柱都有人扶
你都自自然然會去扶出面吊環啦
唔通又訓練平衡力?

原帖由 Kaix 於 2014-2-25 23:12 發表



即係話如果將來乘客對空間要求再增加,
每平方米站立兩人就100%了, 再遲D每平方米站立一人就100%了

鐵路個 100% 其實真係無咩意思，始終又唔係 100% 架車就再上唔到人，
以將軍澳線最高既 100.6% 計，8am-9am 黎講真係絕對唔可以用「逼」字去形容，如果唔係撞岩寶琳開 5 分鐘一班班車，除左門口幾個人之外入面真係唔會同其他人有身體接蟹，
我自己親身搭真係企多 1/3 人都仲得，你是但搵架頂閘既巴士都企得逼過佢，

只係因為站數少而且總站服務人口已經好多，造成平均數比其他線高既假象。

所以睇晒成條線平均載客率我又唔知有咩意思，反而結果荃灣線過海段逼爆同港島線北角站轉唔到車既問題就溝淡晒。