巴士大集會 你有你場內玩牌 我有我場外盡興

如果冇人比錢參加BUS RALLY  唔比錢既人連係出面影既機會都冇....

用其他車圍住不是小家 而是保障比左錢既朋友的利益
比左錢同冇比到錢既可以影同一樣野? 冇可能
所以其他會的遊車河活動的路線也是保密 甚至是一些外人不能進入的地方
以保障會員利益

聽閒當天在巴廠門口 有人大叫叫人面既人企開D比佢地影
最後會方安排多一架巴士係近門口做遮蔭處

[ 本帖最後由 Hisui 於 2014-2-25 13:16 編輯 ]

純粹係場地問題，都唔明解可以咁都要嘈一餐，
話晒人哋係收費活動，想影咪俾錢入會，入唔到咪算，
全香港又唔係只得嗰堆車值得影，只係用車圍住個場係做得肉酸咗啲。
真係唔明而家啲人當乜都係"老奉"咁，一定要其他人就同俾佢哋影到。

但我個人認為俾四百大圓都只為影巴士就唔係太值得，
仲要大把人影同一樣嘢，人有我有嘅就冇特別可言。

利益申報:從無入會亦無去任何一次集會及其場外影車

[ 本帖最後由 Dennis34 於 2014-2-25 16:25 編輯 ]

坦白講, 有人願意用錢買上佳的攝影器材(或者強迫自己的父母購買上佳的攝影器材), 堅持用長鏡去影車(甚至話人地唔用長鏡的是死窮鬼), 但又唔願意付出數百元去巴士大集會影車.

唔願意俾唔緊要, 決定權始終喺自己度, 但唔願意俾, 就唔好話人地主辦當局唔俾你響場外影相, 講真, 你響街上影, 冇人會話你, 當然炒相風險都要自己承受, 仲有係, 為何那些平時堅持用長鏡的巴迷, 在此時不善用自己的長鏡呢?
(有傳近年巴士大集會, 有D巴敗不願意付參加費用, 但又要想辦法潛入活動場地......)

老實講, 廿年前初初開始出來影巴士時
1. 技術唔好, 但大家尚算和諧, 唔會有人響度話你阻住佢用長鏡
2. 唔會有人為左慳錢而想辦法潛入巴士大集會或其他付費的活動
3. 唔會有人企在馬路中心螳臂檔車(話時話, 果位仁兄影完Cosplayer裙底之後去左邊)
4. 不會有人為了影到好角度, 破壞政府公物,
5. 唔會因為要影特見, 藉詞曠課或者唔返工(上次熱狗尾日, 竟有學生同我講佢會早退去影巴士, 仲想叫埋其他志同道合一起早退, 我話我會執正黎做, 亦幸而其他志同道合無一人理會他, 結果他都是坐到放學才走)
當年最大的娛樂就是假日三五知己出來牛河, 由長牛到金車都會坐, 用的攝影器材, 只是一部連ZOOM都冇的傻瓜機......

但現在的小朋友, 實在太幸福了, 變成智力, 待人接物及價值觀皆......

利申: 從來冇去過巴士大集會, 也沒想過在場外影巴士......

[ 本帖最後由 gordon 於 2014-2-25 15:52 編輯 ]

估唔到連巴士討論區都會出現「有錢XXX, 冇錢ZZZ」呢套謬論, 講真, 呢句說話係毫無意思, 有錢做A並非完全對等地必然有錢去做B, 呢個概念大家要搞清楚...
講真, 四百幾蚊參與呢類活動, 值唔值真係見仁見智, 每個人價值觀唔同, 如果覺得佢「搵笨」的話咪唔好去囉, 使乜嘈? 如果冇人去有關方面就自自然然下次會減價, 多人去就自然表示仍然有唔少人覺得呢個價錢係值.
講真, 我絕對支持有關方面用盡方法去制止場外冇俾錢0既人「偷影」, 人地俾左錢參加, 你冇俾到錢點解要俾你影? 好話唔好聽呢個根本係私人活動, 人地有權趕你走甚至報警, 試下我伸支鏡去你屋企影你D野丫, 睇你報唔報警拉我丫拿?
至於今次活動D收益咩用途, 我就唔推測啦, 人地會訊自然會有條數公開俾大家睇, 有足夠透明度, 我冇入會好耐, 依家仲有冇咁公開我就唔知, 所以不作評論, 之不過我陰謀論天馬行空再加少少想像力地諗, 呢個價會唔會同時亦都有謝絕「小朋友」去「搞搞震」0既效用呢, 如果真係有效的話, 出年繼續收呢個價又唔拘喎

原帖由 petcity 於 2014-2-25 21:09 發表


曾經入過B會，年費同活動價錢都好相宜，但可惜我入會年代
已經多左好多奇人異士，老實講，錢，去得自然俾得起，但若
然諗住開開心心遊河，但俾呢D人騷擾，我，情願慳返個少少錢好過 ...

A會成立初期, 冇乜奇人異士, 跟住到B會成立, D人0既分佈開始明顯, A會較少奇人異士, B會較多, 之後再到今時今日, 兩個會都唔少...奇人異士已經蔓延到整個巴迷界, 所以我已經冇再參與任何活動超過十年以上

原帖由 大班神經漢 於 2014-2-25 20:16 發表
估唔到連巴士討論區都會出現「有錢XXX, 冇錢ZZZ」呢套謬論, 講真, 呢句說話係毫無意思, 有錢做A並非完全對等地必然有錢去做B, 呢個概念大家要搞清楚...
講真, 四百幾蚊參與呢類活動, 值唔值真係見仁見智, 每個人價值 ...

你俾錢既價值就係可以入場近距離接觸d車,以及同d車合照,
至於影巴士方面,你係場內至少可以少d機會俾人阻住你影架巴士,同埋攞角度影相可以慢慢任你攞,呢樣野根本只係場內既參加者先買得到

有d人根本係鐘意影架巴士行近時既相,甚至拍片,
d巴士停晒係度根本就唔會岩佢地口味,所以呢d人根本唔會入場,更加唔會係場外「偷影」

至於你唔俾錢係場外,根本只可以遠距離去睇d車,
就算你格硬影入去場內都有機會俾場內既人、物件、或者本身唔使出車泊係度既巴士阻住而影響你影相
呢樣野已經係場內同場外既好大分別
刻意用d巴士做「人場」,而完全唔俾場外見到場內既環境係好多餘,同顯得有關巴士迷會做法好肉酸