巴士大集會 你有你場內玩牌 我有我場外盡興

原帖由 1314 於 2014-2-25 21:35 發表

你俾錢既價值就係可以入場近距離接觸d車,以及同d車合照,
至於影巴士方面,你係場內至少可以少d機會俾人阻住你影架巴士,同埋攞角度影相可以慢慢任你攞,呢樣野根本只係場內既參加者先買得到

有d人根本係鐘意影架巴士 ...

呢位版友 如果你比左錢入戲院睇戲
突然有人唔比錢走入黎同你一齊睇不特止
又跳又叫 攪到你睇唔到戲你會有什麼感覺?  

你又會唔會話戲院唔比冇比錢既人入戲院係小家?

根本有人完全唔明白咩叫「私人活動」, 人地個會0係一個場地度搞緊「私人活動」, 人地係絕對有權拒絕你拍攝場內情況, 理得你場外場內有咩分別, 影到近鏡遠鏡, 有冇得任影唔同角度, 總之你一影左裡面D野, 你就係無形中無付出之下有得益, 唔理你呢個得益係大與細. 任何私人活動人主辦單位絕對有權拒絕外人做一D佢地認為干擾緊活動/損害活動主辦者/參加者利益0既事, 難道「巴士」就有得豁免? 人地俾你影係人情, 唔俾係道理, 俾得你一個0係外圍影, 就一定會引來更加多人, 有咩事, 邊個負責? 成班人圍住個會場外圍, 影響到其他人, 又係邊個負責?人地個會搞呢個活動, 純粹係俾會員同俾左錢0既參加者享用, 根本冇預果D「外圍」人士「遠觀」, 似乎有人一廂情願...

[ 本帖最後由 大班神經漢 於 2014-2-26 00:48 編輯 ]

原帖由 Hisui 於 2014-2-25 23:47 發表


呢位版友 如果你比左錢入戲院睇戲
突然有人唔比錢走入黎同你一齊睇不特止
又跳又叫 攪到你睇唔到戲你會有什麼感覺?  

你又會唔會話戲院唔比冇比錢既人入戲院係小家? ...

或者你呢個比喻未完全貼切, 倒不如講成「戲院唔俾冇買飛0既人0係門口裝裝下係小家」? 0係門口裝裝下同入面好唔同架, 入面又有位又舒服, 音響又正, 外面裝裝下又要企咁辛苦, 又冇得坐, 聽又聽得唔清楚

原帖由 petcity 於 2014-2-25 21:09 發表


曾經入過B會，年費同活動價錢都好相宜，但可惜我入會年代
已經多左好多奇人異士，老實講，錢，去得自然俾得起，但若
然諗住開開心心遊河，但俾呢D人騷擾，我，情願慳返個少少錢好過 ...

各適其適啦，始終B會個服務面廣好多，近年仲多咗好多年紀比較細的會員，活動會有好多一家大細去
反而一家大細用DC仔（好正常丫）遇上長鏡朋友大家仲要多幾次活動適應...

奇人異士呢一點呢，當年大家覺得係奇人異士的朋友今時今日都可以晌巴士書寫文章啦。

[ 本帖最後由 busplaza 於 2014-2-26 13:11 編輯 ]

俾錢參加，是對主辦活動單位的一種支持，有人支持將來才會繼續舉辦有關活動，覺得唔值可以選擇唔出席…
情況好比睇演唱會，有人俾錢支持自己偶像，幾百到幾千又有，要坐要企又有，無俾錢企場館外一樣可以聽到歡呼聲，我想無人會無理地要

求主辦單位將場館改為透明，以表示唔係小家嘛！

[ 本帖最後由 Vendetta 於 2014-2-26 13:32 編輯 ]

架DS1比唔比登車先？

不過講真近年的大集會陣容真係唔吸引，得啲周街都有的車，
年年得DS1一部頂著檔

你睇下九十年代的大集會，
白水箱、丹拿A，仲有香港巴士Neoplan、必達、雅高的車，
莫說「周街都係」，直程係「一啲都唔容易響街見到」，
果種真正的大集會，就真係800蚊入場都抵喇～