巴士線係市區單向行走, 可否去減輕塞車問題?

依家所有新界出九龍既巴士線, 來回會駛經同一條道路2次
其中是但搵一路路線條做例子, 如81C
出尖東會經一次彌敦道, 番沙田又經一次
其實可唔可以改下佢, 做一個大循環線, 出九龍就照行原線, 但番新界就直接係尖米東經漆咸道南+公主道番去窩打老道原線番沙田, 再係尖東set好定點開出時間, 類似110既做法
咁樣彌敦道車流量已經少左一半, 如果可以唔同路線去一齊改革成呢個模式, 彌敦道南北行下分別安排唔同路線單方向行, 例如番沙田既車就全部用南行, 番青衣荃灣就全部用北行

呢個方法當然要巴士公司+市民共同配會同去適應, 大家認為可唔可取?

如果要改都係部分回程冇咩客ge路線
如果唔係只會變左擾民同令塞車問題擴散去其他路段

其實即係玩286X同新巴82X個種，但似乎巿民同巴士公司喜好係先快後慢

好似81C要快，就先特快出尖咀/佐敦，然後再慢慢返上去

不過如果本身條線雙向多人，係巴士站上落客時間有機會增加

原帖由 kay 於 2014-3-1 07:51 發表
其實即係玩286X同新巴82X個種，但似乎巿民同巴士公司喜好係先快後慢

好似81C要快，就先特快出尖咀/佐敦，然後再慢慢返上去

不過如果本身條線雙向多人，係巴士站上落客時間有機會增加 ...

先快後慢唔係主因，以新巴82X/九巴287X的case，回程等車方向唔會同一般路線相反，先係關鍵。
而286X因為道路網問題，無得揀，一定係先深水步後長沙灣，逆時針。

不過81C個case，行獅隧前提下，其實而家個行法已經算係最快，
想再拉直條線，就會受到公主道/紅隧口塞車影響，倒過來因快得慢，無著數。

但係我有預感81C會拆條線經青沙，連翔道經佐敦直出尖沙咀。

其實只要將行遍整個市區的路線重組即可，例子：

現時：
68X 洪水橋/元朗 <-> 由美孚碌到佐敦
69X 天瑞邨 <-> 由美孚碌到佐敦
可直改為
68X 洪水橋/元朗 <-> 美孚只到旺角
69X 天瑞邨 <-> 西廊直達旺角至佐敦

該兩線市區車流量即時減半

如果列舉所有同類路線（由新界開出，美孚碌到佐敦道的路線）：
35A 36B 41A 42A 46 60X 63X 68X 69X 234X 238X

這麼多廢線在油麻地佐敦載空氣，快將其重組掉啦！

其實呢個措施對車流控制成效唔多高，因為路上造成擠塞嘅並不只有巴士，重有眾多私家車，如果要限車流嘅不如整南/北行全線巴士專線，私家車只限行走某個方向。

另外，措施會令各路線乘客出九龍/入新界都要遊大運。
例子81C，如果個乘客係由沙田來往油麻地，措施實行之後佢就要兜埋尖沙咀先可以返入沙田，
原本十五分鐘車程變到隨時多一倍，市民如何接受？

當大家見路程更長嘅時候，就會轉移自駕出行，更多私家車進入區內，車流量更高。


而家運輸署嘅重組巴士路線方案都係希望透過減少巴士數目以作減車流，但已經俾市民剷到飛起…

單向行某區，即系assume果條系循環啦，唔理系110果種定286X果種，呢個系趨勢黎...

其實如果唔系因為塞車影響班次的話，系好事黎wor...

除非果條系好似102呢d長時間雙向頂閘，否則好多線其實玩得過，例如彌敦道一堆美孚起飛去第二度的路線，好多都系單向需求路線，即系上下繁時段只有一個方向旺場，咁從單一條線體，想用最少資源做，又想做到密車少少，286X果種玩法唔系錯wor...

當然，講到底，要改善香港路面繁時的情況，都系要減私家車架啦(不過香港系有錢老的地頭，再加埋呢個縮骨政府，都系算把啦)

最大問題是司機休息少左

如果有關路段塞一塞，一單隨時要2小時

110 果隻真係趕客

上次搭110, 去到尖東麼地道, 見到前車剛剛轉出去
而部車停足15分鐘先開

即係話, 搭110 的話有機會白等30分鐘  (等車15分鐘, 總站等開車15分鐘)

原帖由 miklcct 於 2014-3-1 14:15 發表
其實只要將行遍整個市區的路線重組即可，例子：

現時：
68X 洪水橋/元朗  由美孚碌到佐敦
69X 天瑞邨  由美孚碌到佐敦
可直改為
68X 洪水橋/元朗  美孚只到旺角
69X 天瑞邨  西廊直達旺角至佐敦

該兩線市區車流量即時減 ...

如果呢隻反而又有得諗喎
我都唔明大大個屯公/ 大欖轉車站
點解仲要條條線碌晒成條長沙灣道

[ 本帖最後由 JF1261 於 2014-3-1 20:07 編輯 ]

原帖由 JF1261 於 2014-3-1 20:04 發表
110 果隻真係趕客

上次搭110, 去到尖東麼地道, 見到前車剛剛轉出去
而部車停足15分鐘先開

即係話, 搭110 的話有機會白等30分鐘  (等車15分鐘, 總站等開車15分鐘) ...

110見過最勁係兩架一齊擺係麼地道，後車過前車仲要等5分鐘前車先開，後車繼續擺到夠鐘

然之後前車一轉出去就塞燈

其實110循環點擺南行紅隧可能仲好，係紅隧口打爆就落北角，打唔爆就等夠鐘，慢慢儲客，反正都要係九龍等夠鐘，唔可以拎返港島當係額外休息時間

[ 本帖最後由 kay 於 2014-3-1 20:08 編輯 ]