想換機 大家幫幫我

咁o既話, 閣下認為邊(幾)支 Sigma
同 Tamron o既鏡好? 我自己唔介意
光圈細, 但係最好影出o黎唔太差我
就滿意喇.

tamron一鏡走天涯既鏡大部份都係用膠接環 個人既感覺係唔穩陣
sigma一鏡走天涯既鏡雖然用金屬接環 但有D可能唔足數 即係18-200mm 可能實際得18-160mm

對焦方面 sigma快DD 真係DD 兩隻牌子唔差得太遠

造工方面 tamron就幾乎全支都係係膠  sigma就有膠有金屬

sigma:我推介18-125 光學質數好過18-200 125mm同200mm實際用既分別不大 支鏡質數比canon 18-55 好少少 光圈3.5-5.6 (不可用在FF機)
tamron:我推介28-300 好細支 但暗位對焦速度好龜... 變形較18mm起跳既少(for 350D) 光圈3.5-6.3 (可用在FF機)

[ 本帖最後由 richardchan1988 於 2006-4-11 09:20 編輯 ]

原帖由 a396 於 2006-4-11 02:07 發表
咁o既話, 閣下認為邊(幾)支 Sigma
同 Tamron o既鏡好? 我自己唔介意
光圈細, 但係最好影出o黎唔太差我
就滿意喇.

差唔差既定義真係因人而言,一支靚鏡同普通鏡影出來晒4R個分別可能好細,但要放大既話就即時立見高下
大光圈除左低光時有用外,質素亦係要考慮既因素
一般鏡都都要稍收收光圈至有效好表現,所以大光圈呢方面就有所優勢,如一支2.8光圈既鏡收兩級光圈至f5.6時,正常都會比一支最大光圈f5.6既鏡開盡光圈為佳,如果f/5.6收兩級已經去到f/11,唔用腳架既‘話基本上日光日白先可以用到

Sigma, Tamron雖然同原廠鏡比平唔少,但當中亦唔係完全無好野,如Tamron SP系同Sigma EX系鏡頭大部份都有唔錯表現,當然同原廠接近規格既鏡比可能都係有所差別,但性價比方面實在比唔少原廠鏡高唔少, 另外非必要唔亦唔建議買太高倍數變焦既鏡頭,始終焦段越大整體表現越難控制

原帖由 richardchan1988 於 2006-4-11 09:15 發表
tamron一鏡走天涯既鏡大部份都係用膠接環 個人既感覺係唔穩陣
sigma一鏡走天涯既鏡雖然用金屬接環 但有D可能唔足數 即係18-200mm 可能實際得18-160mm

對焦方面 sigma快DD 真係DD 兩隻牌子唔差得太遠

造工方 ...

不過機械結構方面Sigma真係麻麻地

原帖由 Kennethwu 於 2006-4-10 21:36 發表


唔好只顧平，無錢寧願唔影都唔好買下三流的貨色。Sigma、騰龍唔係無靚野，蔡司都唔係支支好。買野最緊要做足功課(查資料)。滿足唔到自己對相片的要求，平到點都無用。加上二流貨色再賣出去都唔夠d靚野保值。

師兄,其實而家副廠鏡做鏡技術已經好好多,亦有唔少較高級規格既鏡,質素都唔會差多少
而價錢方面可以想像到,如果副廠賣得同原廠一樣咁貴，點解仲要買副廠鏡而唔買原廠鏡 ?無疑大部份高規格原廠鏡既質素都會比副廠鏡好,但係咪真係平野無好呢，又未至於既,近期都入左支騰龍28-75,出來效果我都覺得都十分滿意，最重要係只係原廠接近始規格既鏡既1/3價錢,$2800有支f/2.8既標準zoom真係幾抵架

看來之前的留言真係過份偏激了。

至於邊枝好，我比較喜歡24-70 2.8 EX和 70-200 w.8 EX HSM。始終d"超級zoom鏡"(十幾倍)都唔太睇好(<--- 個人偏見)。要wide好似有枝10-22。

膠同鐵(金屬)，我又唔覺得膠鏡係差d bor。

原帖由 Kennethwu 於 2006-4-13 12:25 發表
看來之前的留言真係過份偏激了。

至於邊枝好，我比較喜歡24-70 2.8 EX和 70-200 w.8 EX HSM。始終d"超級zoom鏡"(十幾倍)都唔太睇好(<--- 個人偏見)。

呢樣係真啊 , Canon支28-300叫做L鏡出來都唔係真係咁sharp啦,咁大倍數既鏡真係好少好會高質素，極其量都只係可接受