[突發新聞]馬航一隻由吉隆坡前往北京客機失蹤

原帖由 AVD1 於 2014-3-14 14:32 發表

不過老實講, 陰謀論講黎講去就係指某國家以軍事方式打左架機落黎,
但如果呢個係事實, 都冇理由一樣野都搵唔到,
我就唔相信幾粒鐘時間足以比佢地毀滅證據 ......

令我諗起KE007，但都有唔同：
－當年冷戰思維高漲，但而家馬來西亞又唔覺有乜需要要即刻打低架飛機。
－當年蘇聯5日後對外公佈，但射彈後半小時已立即自行搜救，南韓及美國亦在出事當天知道；
　以現今通訊發達，就算有國家想毀屍滅跡，都總有人會睇唔過眼，無理由半點風聲都冇，
　何況中國係受害者，更加無可能唔出聲，如果同疆獨有關就直接講等大家都有得落台。
－當年架747被射中後飛了幾分鐘，最後盤旋墜毀。
　今次究竟架機係咪真係飛了四五個鐘？如是者又唔似被射中。
　照計美國無需要叉隻腳埋去畀個false hope全世界。

既然今次講到通訊設備可能被故意關閉，我傾向相信係劫機（機長自己發神經都有可能）。

好簡單的一個邏輯～～
係咩情況下，人地話搵到乜，你都會好快咁話唔係？
就係你自己知道實在發生甚麼事的情況下。

馬來西亞政府如真係有心收埋件事，足足成星期，乜都做得到

其實，會唔會係發生左一啲嚴重意外，令架機嘅通訊系統接二連三咁關閉呢？
例如是電線短路

1:07，勞斯萊斯引擎正常傳送數據後，通訊系統開始失靈，ACARS被關掉。(勞斯萊斯指馬航客機失蹤後引擎仍傳數據報道不實)
1:18左右，兩名機師還未發現通訊系統開始失靈，發出了最後一個語音回應。
1:21，應答機失效，所有無線電通訊失效。由於要引起ATC注意，以及避免發生更多不知名的故障，所以機長決定降低飛行高度。
1:30，飛機除通訊系統外仍然可正常運作飛行。MH88(飛東京航班)機師應越南ATC要求在緊急頻道呼叫MH370，由於MH370通訊系統故障，所以只能發出帶有大量干擾而含糊不清的回應。(副機長最後聲音含糊)
1:30-2:40，由於客機已經無法對外正常溝通，而且可能出現其他機件故障，為免發生更多意外，故將肮班駛離人煙稠密但仍屬淺海區的地方，例如安達曼群島，準備隨時迫降
4小時後，黎明左右，客機燃油用盡，.......

這只是一個較樂觀同盡量可以將已知事件串連起黎嘅估計

希望有奇蹟啦！

原帖由 peterson 於 2014-3-15 00:57 發表
其實，會唔會係發生左一啲嚴重意外，令架機嘅通訊系統接二連三咁關閉呢？
例如是電線短路

1:07，勞斯萊斯引擎正常傳送數據後，通訊系統開始失靈，ACARS被關掉。(勞斯萊斯指馬航客機失蹤後引擎仍傳數據報道不實)
1:18左右，兩名機 ...

如果佢可以飛多四個鐘, 又要迫降大把機場比佢揀,
另外泰國灣一向都唔算係深水區,
所以冇咩必要要揀去到咁遠地方降落 ~

CNN 已經報導緊，調查人員越來越相信係人為因素導致飛機從雷達上消失，
令到架機調頭飛 zigzag path，仲話相信大概位置已經 narrow down 落到印度洋中間兩個可能性。

而家有單咁 o既新聞:
http://hk.news.yahoo.com/%E5%A4% ... A%AB-040600493.html

美聯社引述馬來西亞政府消息說，失蹤的馬航MH370客機，是被騎劫，可能是其中一名機師或機上有飛行經驗的人騎劫飛機。
消息人士說，劫機的講法已是結論。

下, 咁快就結論 ?
即係想點 ? 係唔係想件事不了了之就算數 ?


=============
根本而家呢單野真係日日有唔同消息,
完全唔知發生咩事, 如果睇小左一日新聞分分鐘已經唔知佢地講緊乜 ~

由本來話架機消失 > 去搵架機 > 只架機 o既乘客生存機會極低 > 不斷搵, 同時間爆出有人用假護照, 疑似恐怖襲擊 (但係大陸早就一口否定呢個可能) > 後來大馬官方懷疑架機去左馬拉西岸, 同時又話架機用假護照人士只係想去歐洲尋求庇護 (等同否定/唔似係恐怖襲擊) > 之後又有傳架機個 RR 引擎話架機起消失後飛多四個鐘又話架機去左印度洋 ......

一個星期啦, 可以成架機消失得冇哂影, 呢個已經係極度出奇 o既一件事,
仲要咁多個國家一時一樣 ? 睇返多國反應, 我想知道 o既事如下 (我已經唔想去理馬拉究竟保安有咩問題出現, 呢個係佢國內 o既事):

1) 點解過左咁耐先會得知有關資料 ? 個批資料究竟幾時得知, 係唔係根本出事後第一日就已經知道 (無啦啦對外話架機飛多幾個鐘, 來源係架機個 engine 或者官方雷達, 咁即係一早知, 點解而家先公佈 ?)

2) 點解一開始乜都未知就可以不斷否認 ? 難道有人根本早知整件事始末 ?

3) 越南仔放風話大馬政府搞到佢自己都亂埋, 而家直情要等大馬比消息佢自再去搵架機出黎. 究竟大馬政府比左咩資料第二個國家 ?

呢單野而家越黎越似有人自編自導自演, 有佢講冇人講,
之前馬拉自己爆架機去左西岸, 後來又話冇呢件事, 但係美國又派機去搵 (即係話美國佬已經知道架機去左印度洋), 咁馬拉政府出黎否認又係咩意思 ?

另外, 我仍然懷疑美國佬起成件事個角色, 點解佢會比主導國家所知 o既事仲要多 ~

仲有, 大陸當初都話成件事唔似恐怖襲擊的, 記得當初有人用假護照之時佢仍然都係咁講,
但係美國佬都開始有小小懷疑恐怖襲擊呢回事, 但以而家呢一刻去睇大陸又真係估得冇錯,
究竟佢真係咁好彩或者咁有眼光睇得咁準, 定又係另有內情 ~

我唔係想講咩陰謀論,
只係成件事根本就係完全唔合邏輯,
以現今科技真係冇咩可能連一架飛機都搵黎搵去搵唔到,
就算佢趺左落海都有野會浦上水面, 今次真係冇,
係唔係代表左架機根本就唔係水入面, 而起陸地之上 ?

呢件事已經變左做國際新聞,
就算真係去左印度洋好, 甚至佢而家講緊 o既孟加拉灣,
如果有船見到都會報告啦 ......

P.S. 我越黎越覺得呢件事去到最後會不了了之了事 (即係完全搵唔到, 要搵真係早就搵左出黎) ~

係劫機的話點解去左印度洋呢?

劫得機當然會搵地方降落, 問題係隻機飛多五個鐘頭, 而原本隻機係飛北京,
咁劫機的話應該就唔會去內地降落, 更加唔會飛落海中心囉!

亞洲區內如中亞就會比較正路, 當然呢五個鐘頭飛行會唔會係製造出來,
其實只係飛好近, 就要睇睇呢位/呢班劫機者有幾存心了!

另外就係飛機乘客變晒人質, 唔係全部隊冧晒的話要搵個地方安置綁手綁腳,
一個人冇可能做得嚟, 所以呢… 都係等新聞有無更多消息算吧啦!

如果飛機偏離航道的話, 難道不會被有經驗的機艙服務員甚至乘客發現嗎？而且我不覺得劫機者可以在短時間內制服全機人。

到而家件事有點「紅van」feel，後知後覺＞錯誤假設＞錯誤應對＞原來畀人點到陀陀擰

如果係劫機，兼且有預謀飛向安達曼海，又明知燃料唔夠，有以下可能：
－在夜色掩護下迫降海面，用救生艇或預先安排船隻將所有人運到秘密地點，
　化整為零，沒收手機，時機成熟時敲詐各國政府，surprise the world。
　如果劫機者想留人質，可以將所有人裝晒上一架大船，
　扮係漁船或商船開去中東或非洲，甚至可能就在搜救飛機眼皮下行過，who knows。
　行事者應該不止一個，又其實，只要一個識揸飛機，兩三個有攻擊性武器或威脅有炸彈，已經可以控制場面。
　可能我睇得荷里活片太多啦。
－計劃失敗，劫機者引爆炸彈或飛機在混亂中撞海沉沒。

主事者揀馬航凌晨飛北京航班落手，航線及航空公司都唔似會受襲，
時間上大部分人都瞓晒覺，警覺性低，飛行圖應該已disabled，到知道唔妥時已經太遲。

除此之外我諗唔到其他可能性。
架機應該未飛到印度本土，印度有核彈，無理由check唔到外來不明飛行物。

不過成件事到底可唔可以用常理邏輯推論，我都唔敢包。

[ 本帖最後由 DIH 於 2014-3-15 14:53 編輯 ]