[突發新聞]馬航一隻由吉隆坡前往北京客機失蹤

原帖由 EX-TL 於 2014-3-10 00:00 發表

一日未知客機去向, 一日仲有大把野揭出來, 尤其兩日星期六.日, 幾乎全世界都放假,
全球關注的大新聞, 網上流傳的『消息』一定更加多, 件事越來越撲朔迷離, 睇到有點驚. ...

一架飛機完全冇哂消息而又冇墜機報告原來都有案例，
二零零三年五月起非洲發生嘅 N844AA 就係 ~

這次事故也引申出另一問題: 航空公司對乘客身份查證不足 (雖然這主要都是政府出入境官員的職責).

香港電台報導:
國 際 刑 警 ： 兩 本 失 竊 護 照 遭 失 蹤 客 機 乘 客 使 用

--或許國際民航組織(ICAO)要對此修例了.

馬來西亞民航局總監官員表示不排除此航機在空中解體或爆炸.

馬來西亞<<星報>>(The Star)報導:
Missing MAS flight: DCA (Department of Civil Aviation) not ruling out mid-air explosion theory

--真的不知在什麼時能找到此航機了.

原帖由 hkth 於 2014-3-10 13:34 發表
馬來西亞民航局總監官員表示不排除此航機在空中解體或爆炸.

馬來西亞(The Star)報導:
Missing MAS flight: DCA (Department of Civil Aviation) not ruling out mid-air explosion theory

--真的不知在什麼時能找 ...

但係個問題就係如果空中解體或爆炸冇理由真係搵唔到任何碎片,
加上美國都話當日用衛星都見唔到該區有任何爆炸過 o既事發生 ~

反而而家有指有人想恐襲北京/中國,
究竟呢到發生左咩事 ?
[陰謀論] 都唔知係唔係有人收到風走去炸爆左架機, 而家隱瞞事實 [/陰謀論]
呢到有份咁 o既報導: "消息指解放軍接令　擊落有威脅民航機"
http://hk.on.cc/cn/bkn/cnt/news/ ... 0309_05011_001.html

加上越南仔本身又話自己搵到野, 連相都有埋,
http://hk.apple.nextmedia.com/re ... l/20140310/52266867
文中就話 "越南軍方昨日在越南南部海域，發現一塊正方形的不明黃色物體，懷疑是失蹤馬航客機的舷窗或機門",
但係 "越南搜救船通宵搜索後，在海面發現不到該飄浮物。"

之後未段就講 "越軍昨日在越南南部海域，發現不明碎片，一度懷疑客機一部份，但由於當時已經入黑，軍方今日才派更多飛機和搜救船到海域視察，確認不明物體是否屬於客機。"

好奇怪, 點解一開始 (即越軍) 點解唔即時搵返個塊疑似碎片 (如果講到咁重要),
老實講以現時技術, 就算係直昇機我都相信有足夠能力去釣個塊野上黎驗,
而家一句話搵唔到就了左件事 ? 好兒戲 ~

原帖由 AVD1 於 2014-3-10 13:53 發表

但係個問題就係如果空中解體或爆炸冇理由真係搵唔到任何碎片,
加上美國都話當日用衛星都見唔到該區有任何爆炸過 o既事發生 ~

反而而家有指有人想恐襲北京/中國,
究竟呢到發生左咩事 ?
[陰謀論] 都唔知係唔係有 ...

但我今朝見到網上有人指話出事位置並非中共可以管轄嘅空域
即使大陸派軍擊落果架客機
都未必可以喺果度射，更何況出事地方距離大陸仍然有一大段距離
同埋如果大陸射嘢，唔會冇國家知道啩？

今朝見星加坡話搵到油漬定疑似殘骸
以星加坡嚟講相信可靠程度比北漏洞拉為高

有200幾人嘅機可以唔見
同埋完全毫無徵兆
真係越諗越無頭緒

原帖由 sea1986 於 2014-3-10 14:29 發表

但我今朝見到網上有人指話出事位置並非中共可以管轄嘅空域
即使大陸派軍擊落果架客機
都未必可以喺果度射，更何況出事地方距離大陸仍然有一大段距離
同埋如果大陸射嘢，唔會冇國家知道啩？

今朝見星加坡話搵到油漬定疑似 ...

最大問題係今次呢件事有多個 conflict (如果照常理推斷)

我試下去總結我有諗過 o既野先,
推斷一: 機件故障導致空中解體
合理疑點: 機件故障一向都唔係咩出奇事, 何況架機 (9M-MRO) 早年起上海同架東航 A346 撞過, 假如維修唔妥當而導致空中解體絕有可能.
疑點問題: 假如空中解體一定會有碎片的, 咁碎片呢 ? 冇理由過左咁耐, 一樣野都搵唔到. 要記得飛機上好多野都係識浮的. 空中解體真係完全冇理由一樣野都見唔到.

推斷二: 恐怖襲擊
合理疑點: 多人使用假 Passport 上機
疑點問題: 過左咁耐先叫有一個咩「中國烈士旅領導人」出黎認, 當中個 statement 內容牽強, 完全唔似係恐怖襲擊

推斷三: 黑社會想殺人滅口
合理疑點: 有報導指東南亞一直以黎都有人用假護照黎販毒, 假如有利益衝突自然想殺人滅口
疑點問題: 黑社會做野需唔需要玩到咁大 ?

推斷四: 政治問題
合理疑點: 呢期大紀元講到昆明單野根本係江派搞出黎, 直指而家有人想同習總等胡派講數, 維吾爾人被拉落水做兩者下台階 ...... 而出事名單中, 有位維吾爾畫家個名無啦啦被人蓋住 ...
疑點問題: 就算江派玩到幾大都好, 冇理由唔知呢種牽涉到國際層面 o既事總會燒到落美國頭上. 江派冇理由會玩到咁盡, 加上江澤民已經被西班牙通緝, 冇咩必要無啦啦再整多件事上身. 成件事又係唔合邏輯.

推斷五: 超自然力量
合理疑點: 既然所有野都有諗過, 就只好講成咩 UFO 外星人等超自然 o既事
疑點問題: 人類根本解答唔到呢種事, 冇得查

------------------
話說我今朝早起 M 記食早餐都聽到有班華人阿太起到討論呢單野,
佢地直情講到成件事完全唔合常理, 阿 A 就話解體 阿 B 就話搵唔到碎片,
講講下我走之前就聽到佢地講: 都唔知係唔係去左都敏俊個星球 ......

講真, 我覺得呢班阿太確係有小小 ......
但係連一班普通人都討論緊, 阿 A 就話解體 阿 B 就話搵唔到碎片呢個確係事實,
咁多日些小野都搵唔到, 如果係解體都有野上左水面了吧,
咁多人力物力都搵唔到 ? 我都好同意上面講究竟係唔係有人根本乜都冇做過 ~

如果我係家屬我諗我已經癲左,
成件事除左係不可思異仲有點不合邏輯,
普通人諗到可以發生 o既野都可以有理據被 reject ......

[ 本帖最後由 AVD1 於 2014-3-10 15:30 編輯 ]

或者有些暫時不可公諸於世的事情正在進行, 馬航才會將這三天來的消息一一否認,
還是靜待官方最後公佈的答覆比較好, 再想也幫不了甚麼, 無謂令自己心煩.

最新消息:發現嘅油污經化驗後證實唔屬於MH370
係咁嘅話,小弟只係諗到2個可能性
1.直插海底,但係到而家仲未搜索海底,所以仲未搵到
2.又"穿越時空",雖然好牽強,但係有咗"泛美914"事件,呢個講法已經唔係冇可能
*小弟只係一介平民,唔係咩飛機迷.不喜勿插

原帖由 709394 於 2014-3-10 18:53 發表
最新消息:發現嘅油污經化驗後證實唔屬於MH370
係咁嘅話,小弟只係諗到2個可能性
1.直插海底,但係到而家仲未搜索海底,所以仲未搵到
2.又"穿越時空",雖然好牽強,但係有咗"泛美914"事件,呢個講法已經唔係冇可能
*小弟只 ...

泛美914係有人老作,
根本就冇呢一回事 ~