麥當勞將於3月17日(下星期一)派發24萬個煙肉蛋漢堡

以下內容取自蘋果日報：
麥當勞宣佈3月17日舉行第二年「全港早餐日」，屆時每間麥記分店，將於早上6時至11時早餐時段免費送出1,000個煙肉蛋漢堡，總共會派出24萬個。現時在調景嶺麥記分店，煙肉蛋漢堡單售每個14.2元。
麥當勞表示，全港共230間麥當勞分店會於當日派發1,000個煙肉蛋漢堡，總共約23萬個。此外，會經香港中華基督教青年會，送出共10,000張「煙肉蛋漢堡換領券」予社會上有需要人士。

備註：
此活動不適用於

九龍灣工業中心、新蒲崗大有街、山頂廣場、沙田馬場、跑馬地馬場、海洋公園及兩間位於香港國際機場的麥當勞分店。

唔知大家唔會唔會早d起身，走到附近o既麥記排隊攞包呢？

不過可能唔夠d公公婆婆爭啵！

真係留俾有需要既人啦。

不過，據上次經驗，尖沙咀北京道o個間少人到，好正常，仲有人派免費報紙呢！
我唔食煙肉蛋………

[ 本帖最後由 lsc04d11 於 2014-3-10 18:12 編輯 ]

頭先六點幾搭巴士返工, 沿途經過四間麥記, 排隊情況良好, 人龍大約長四五十人,
活動本身無害, 而且有利於窮人.長者等社群, 但我唔係幾明有人一路渣車就一路
搵粗口鬧人, 話人黐X線, 香港人係咪咁無聊之類無建設性的說話, 頭先一路搭車
我就一路覺得黐線嗰個係你囉… 車長!! 人地又唔係排出馬路阻住你渣車,
睇見拎包果班都唔係咩無聊人, 咁樣都可以話人, 最驚就係成程車自言自語冇客睬你,
仲係度見一間嘈一次, 大佬, 你渣第一單就咁樣, 我真係要諗下以後搭唔搭你車好啊!

今年派包效率甚低
上年更加多人討論，都可以好快攞到包，基本上係排3分鐘，行入去就攞得
今年竟然喺商場樓下排隊，條隊又流量慢

原帖由 EX-TL 於 17-3-2014 07:42 AM 發表
頭先六點幾搭巴士返工, 沿途經過四間麥記, 排隊情況良好, 人龍大約長四五十人,
活動本身無害, 而且有利於窮人.長者等社群, 但我唔係幾明有人一路渣車就一路
搵粗口鬧人, 話人黐X線, 香港人係咪咁無聊之類無建設性的 ...

如果為一個包排隊既話 (我就「當」個包係$9，當然，煙肉蛋漢堡不能用這價錢買，我就當係價錢低D既豬柳蛋，而且早餐時段不能有$9)
都係痴線既話，
我覺得為左唔知值幾多仙既一份免費報紙(又當你一條隊可以排哂五份免費報，甚至連之前既爽報及頭條經濟報，七份)
仲要同D派報員大鬧交，O個D仲痴線！

拎報紙條隊，如果報紙遲左黎，或者係星期五印得厚既時候，條隊分分鐘可以長過麥記條隊！