IFPI收集五十非法上載音樂者資料

原帖由 M 於 2006-4-4 22:07 發表

咁事實上響政府眼中商界利益永遠比市民利益重要，
所以政府好支持IFPI告非法下載者亦都會幫唱片商一把。

就憑你呢一句說話
我好多時都對呢個政府頗為失望
因為佢地咁樣係令我覺得
原來反盜版係為左商人
而唔係為左尊重知識產權

原帖由 M 於 2006-4-4 16:31 發表

為了唱片商的商業利益以及香港的聲譽，大家應該
停止盜版行為。

老實講丫樓主
你叫人地唔好再非法下載
舉動係正確既
可惜丫
你似乎用錯point喇
「為了唱片商的商業利益以及香港的聲譽」？
香港聲譽都勉強仲講得通
但係為了唱片商的商業利益？
即係話我地唔非法下載
係會令到佢商業利益？
正如另一名板友講
我唔非法下載但又唔買佢地既唱片
咁又何來商業利益之有呀？

正式你唔講呢句
我都冇咁反感

提一提醒你
叫人唔好非法下載
係維護知識產權
而唔係為左牽涉到金錢既商業利益
知識產權唔係淨止金錢上既利益
而係仲有果種原創精神
請你唔好再下下用金錢同知識產權掛勾
你已經唔止一次係咁架喇！

IFPI有種咪告到夠囉
那怕時下d科技避唔到呢d財閥咩?

樓主成日post挻共文章,另一邊廂卻支持反盜版

社會主義原意唔係指國家一切財產均屬人民所有麼?
因住俾中共網警起左底,返唔到大陸呀...

原帖由 Ketsu 於 2006-4-4 23:08 發表
老實講丫樓主
你叫人地唔好再非法下載
舉動係正確既
可惜丫
你似乎用 ...

非法下載侵犯左唱片商既知識產權，知識產權簡單d
黎講其實係同財產冇乜分別。既然偷野會損害一個人
既利益。所以，非法下載歌曲其實同偷野冇乜分別，
都係損害緊利益，不過受損害者就係唱片商。

當然啦，唱片商響未經同意下抄襲人地既歌曲固然唔
岩，但係相比之下，非法下載所帶來既損失可能仲要
比抄襲人地歌曲仲大。

[ 本帖最後由 M 於 2006-4-5 07:04 編輯 ]

原帖由 M 於 2006-4-5 07:03 發表

非法下載侵犯左唱片商既知識產權，知識產權簡單d
黎講其實係同財產冇乜分別。既然偷野會損害一個人
既利益。所以，非法下載歌曲其實同偷野冇乜分別，
都係損害緊利益，不過受損害者就係唱片商。

當然啦， ...

唱片商做晒大龍鳳追果二皮幾野,
背後卻不知納稅人嘥左幾多錢

唔怪得長毛成日嗌香港官商勾結啦

過路短評:
得罪的講一句: 引致今天的局面, 唱片商要付上一定的責任,
因為現在大部份人主要係用mp3機, 但係唱片商又唔肯
一隻歌一隻歌禁賣mp3, 要買的話一定要買成隻CD.  我宜家
買左隻(正版)CD返來, 將佢變成MP3都話唔得... 所以變左一部人
的心理係既然我買左隻正版CD變成MP3都唔得, 那為什麼還
要支持正版? 所以變左好多人都用不合法的方法來交換MP3

在個人的觀點而言, 非法得到歌曲係錯的, 但係導致今時今日的局
面到底誰對誰錯?

利益申報: 我係支持正版的, 不支持用非法的方法得到歌曲,
但係對於IFPI的做法有保留.

原帖由 tsoikc 於 2006-4-5 12:23 發表
過路短評:
得罪的講一句: 引致今天的局面, 唱片商要付上一定的責任,
因為現在大部份人主要係用mp3機, 但係唱片商又唔肯
一隻歌一隻歌禁賣mp3, 要買的話一定要買成隻CD.  我宜家
買左隻(正版)CD返來, 將佢變成 ...

散賣歌曲既地方唔係無既，最起碼有eolasia、nwtmusic。

我又多口講下先。

首先，知識產權應該是屬於創作人的，不是屬於唱片商的。至少理想中是這樣。

為乜有咁多人用免費途徑下載音樂？
正版動輒接近HK$100一隻碟十首歌，其中只有兩三首較為好聽，咁呢一百文又值唔值？
送埋一大堆「禮品包」，究竟係賣唱片定係賣化妝品？
好似我咁，有一些我欣賞的歌手，為了尊重他們，我沒有非法下載，但又唔夠錢買正版，只等收音機播我已經滿足。
真正忠心捧場的，十首都好聽的就同我表姐share正版（其實當中已包含複製），但不會放上網。

時下香港樂壇那所謂天王天后，所謂最大陣容的唱片公司，有幾多歌手係真係音樂上可以見得人的？
試諗下點解側田一出道就有咁高銷量，賣一隻碟就可以去紅館開個唱？

知識產權是不能用金錢來衡量的，就算用網路技巧將所有非法下載渠道封晒（老實講唔止WinMX），
也不代表市民會買正版碟，因為音樂只是消閒品，又唔係唱得好，冇咪冇，專心讀心咪重好。

香港也有一些唱作人，會將自己的歌曲全部放上網任人下載，
有一些香港買不到唱片的外國歌手，官方網站會授權地方網站供人免費下載，
因為對於一個真正的音樂人來說，有人欣賞他的音樂已經是最大的酬勞。

開一次演唱會的收入，都唔知等於幾多隻碟，平均來講，每名觀眾付了等於兩隻碟的價錢，
全部錢自己袋，開演唱會比出唱片更化算，所以唔少真正有實力的歌手都會係咁開演唱會，又場場爆滿架喎。

我唔係話鼓勵人非法下載，只係有呢樣科技，自然會有人咁用，保障唱片商利益絕對不是放棄非法下載的理由，
而係你真心喜歡某些歌手的話，就應該尊重他們，停止非法下載，買正版。純粹攝時間的不要也罷。

原帖由 Ketsu 於 2006-4-4 23:08 發表


就憑你呢一句說話
我好多時都對呢個政府頗為失望
因為佢地咁樣係令我覺得
原來反盜版係為左商人
而唔係為左尊重知識產權

唔知咁樣講會唔會有問題呢．．．．．．
呢一點令我感覺到香港政府有官商勾結之嫌。

仲有，其實政府大舉打擊網上侵犯歌曲版權行為，係唔係真係令到唱片業得益呢？老實講，單靠政府大舉打擊網上侵犯歌曲版權行為，唔一定會令到唱片銷量顯著增加，可以肯定既係唱片公司所賺到既錢，點都唔及預期咁多。正如早一輪有板友所講，唱片銷量比較差，除左非法上下載歌曲既風氣盛行之外，歌曲本身既質素比較差亦係另一個原因。所以，長遠黎講，唱片業界除左要打擊網上侵犯歌曲版權行為之外，仲要著手提高歌曲本身既質素，咁樣雙管齊下，先可以使到唱片銷量上升，以進一步增加唱片公司既收入。要一隻唱片有咁好既銷量，除左靠唱片本身既包裝，唱片裡面d歌亦都好重要，所以，如果一隻唱片既包裝精美，但裡頭d歌卻沉悶乏味，咁呢d唱片又點會好賣d呢？到頭來，唱片公司既收入又邊有可能會更加多呢？淨係單憑打擊網上侵犯歌曲版權行為，而唔o係歌曲質素方面做番d野，係治標唔治本，睇黎d唱片公司真係要好好反省下喇。

[ 本帖最後由 3AD172004 於 2006-4-5 14:49 編輯 ]

第日要睇下少左人DL 歌曲時, 是否會令佢地收入大曾先??
儘管放長雙眼睇下先.

就算打擊晒所有不法下載
唱片公司收入不單止不會上升 會微跌tim