[路線重組] 沙田區來往東九龍路線 (更新 #12)

Part 1 - 沙田及馬鞍山來往觀塘區路線  (涉及現有路線：80X, 83X, 89B, 89C, 89D, 89P)
http://lm1933.juplo.com/%E6%B2%99%E7%94%B0%E5%8D%80%E4%BE%86%E5%BE%80%E4%B9%9D%E9%BE%8D%E6%9D%B1%E8%B7%AF%E7%B7%9A%E9%87%8D%E7%B5%84%20Ver2.pdf

80X  大圍鐵路站 - 觀塘碼頭
路線延長至大圍鐵路站，往觀塘碼頭方向繞經秦石巴士總站，以服務 89B 原有新翠及車公廟來往九龍灣至觀塘之乘客

83X  觀塘碼頭 - 黃泥頭 (循環線)
維持現有時段服務，改為循環線運作，並繞經小瀝源路及濱景花園
沙田區路線將在不同時段採取順時針或逆時針行法，以配合大部分原有83X主流客源
平日上午及假日全日班次：大老山隧道->濱景花園->小瀝源路->黃泥頭->廣源->大老山隧道
平日下午班次：大老山隧道->廣源->黃泥頭->小瀝源路->濱景花園->大老山隧道

89B  新蒲崗(四美街) - 沙田圍 (循環線)
九龍路線縮短至新蒲崗，並於沙田區路線改為循環運作，以節省用車開辦路線289

89C  恆安 - 觀塘(翠屏道)
全日不經濱景花園及小瀝源路，非繁忙時間繞經黃泥頭及廣源，濱景花園之乘客可改乘83X/289

89D  烏溪沙鐵路站 - 藍田鐵路站
全日不經富安花園、亞公角、沙田醫院、廣源及黃泥頭，為馬鞍山區居民提供更特快巴士服務

89P  馬鞍山市中心 -> 藍田鐵路站
配合89D改動，不經富安花園、亞公角及沙田醫院，停耀安後直往九龍灣鐵路站

89X  沙田鐵路站 - 觀塘鐵路站
路線維持不變，惟因應路線289開辦之客量變化，調撥資源予289

289  火炭(山尾街) - 油塘
新增路線，來往火炭、沙田市中心、大涌橋路、彩虹、彩雲、四順、秀茂坪、藍田及油塘

Part 2 - 82X 及 84M 路線重組  (涉及現有路線：82X, 82P, 84M)
http://lm1933.juplo.com/82X%2B84M%20Ver.2.pdf

82X  水泉澳邨 - 黃大仙 (循環線)
因應水泉澳邨陸續入伙，建議82X改為服務水泉澳，為水泉澳居民提供大老山隧道巴士接駁服務
濱景花園及第一城一段改為84M負責

82P  濱景花園 - 鑽石山鐵路站
為濱景花園、碩門邨及廣源邨提供繁忙時間接駁鐵路服務
上午繁忙時段單向往鑽石山；下午繁忙時段單向往濱景花園

84M  富安花園 - 樂富
更改部分於黃大仙區之路線，補償82X不經濱景及第一城之服務

其他相關改動： GMB 804 增設特別班次來往濱景花園及廣源，途經第一城及愉翠苑，每隔20分鐘一班，以填補82X 改往水泉澳後之空位

** 此部分車源不足，導致建議之82X 及84M 班次比現時疏落，若能從其他路線調撥資源，建議班次各為12分鐘一班
歡迎各位討論並提出意見

[ 本帖最後由 LM1933@641 於 2014-3-25 21:39 編輯 ]

1. 沙田往返觀塘的需求大過往返黃大仙好多，水泉澳大隧線去觀塘實際過拉 82X 上去。
82X 同 84M 非繁都係相當慘淡，加多個水泉澳唔見得幫到幾多。

2. 80X 拉去大圍，其實無咩作為，只係將大圍納入大隧線網絡，
但就算縮埋 89B，人地都仲有 80 可以出觀塘，唔一定要搭大隧車。

3. 其實我覺得水泉澳同沙田巿中心可以將 80X 分開兩條（見我前幾日另文），
其中一條可以做埋沙田巿中心特快經觀塘道上藍田，
出觀塘未必快過 89 好多，但係九巴似乎有意做觀塘沙田巿中心特快，呢條線會幾適合拉上藍田。

4. 山上沙田線 289 點解要經埋成條大涌橋路先入大隧？富豪同麗豪客唔多不在話下，
就算係濱景/碩門，都係兩繁限定。
而且其實觀塘山/將軍澳都夠車拆到條沙田線，唔一定要沙田找數。
晌藍田可以併觀塘道前提下，山上沙田線無必要落到藍田油塘。

原帖由 S3BL100 於 2014-3-20 00:05 發表 http://www.hkitalk.net/HKiTalk2/images/common/back.gif
晌藍田可以併觀塘道前提下，山上沙田線無必要落到藍田油塘。

只怕沙田線剩做順秀, 做唔到42單玩四順都夠做o既效果.
但係即使順秀人願意俾更高價錢享用新直達線,
最好都係唔好搭將軍澳一齊搞,
唔係只會變成將荃翻版,
兩區人未開線先互片.

對九龍而言, E22B改E22P可以做例.

[ 本帖最後由 transbus 於 2014-3-20 08:06 編輯 ]

新89C假日全日沙田醫院直出?

原帖由 kuro 於 2014-3-20 06:40 發表 http://www.hkitalk.net/HKiTalk2/images/common/back.gif
89拉上翠林變將秀沙線,肯定可以大大增加吸引力

咪玩啦，89要兜觀塘，五個字都離開唔到觀塘區……仲有四順呢？

原帖由 transbus 於 2014-3-20 08:05 發表 http://www.hkitalk.net/HKiTalk2/images/common/back.gif

只怕沙田線剩做順秀, 做唔到42單玩四順都夠做o既效果.
但係即使順秀人願意俾更高價錢享用新直達線,
最好都係唔好搭將軍澳一齊搞,
唔係只會變成將荃翻版,
兩區人未開線先互片.

對九龍而言, E22B改E22P可以做例. ...

呢層又唔使太擔心，因為將軍澳山下已經有798，
所以無左山下各山頭的負累，無沙田線既係將軍澳山上…

1+3. 依個純粹係資源調配問題，但可以肯定係水泉澳只係分到一條大隧線
80X 同82X 取捨下，我相信 82X 作為大隧接駁線會較好
一黎 82X 收費較低，二黎睇返地理位置相若既廣源，似乎82X 客量係高過83X

2. 我都同意新翠既乘客會行去隆亨搭80，拉80X去大圍純粹作補位用

4. 除非289 係跟798 咁行，否則時間上唔會比經濱景快好多，而289經濱景係補償返少左兩條上大隧路線
至於 289 唔去油塘，改用觀塘道路線服務藍田同油塘，就必需一條去藍田，一條去油塘，用車會增加唔少

回復  5# 的帖子
89C 會係 83X 服務時間以外繞經廣源及黃泥頭，其餘時間沙田醫院直上大隧

問題係水泉澳去黃大仙的實際需求更大，定係去觀塘的實際需求更大？

82X 客量或者高過同時段的 83X，但唔好唔記得 83X 淨係做廣源，
而 82X 仲拖埋第一城愉翠苑同濱景，佢地無論 82X 定 84M 都會上，
實際的廣源客又有幾多？

當然，上下繁仲有 82P，不過唔好唔記得，82X/P 的廣源客，
好多都係鑽石山黃大仙轉地鐵往返九龍西甚至過海，
廣源直上大隧，一出就係地鐵站，車程係相當吸引，比起沙田區內轉鐵，
或者碌堆兜完路先入獅隧的西九線，吸引好多。

扣除鑽石山轉地鐵需求後，真正的廣源黃大仙客有幾多？
水泉澳又製唔製造到咁多鑽石山轉地鐵需求？

82X 平過觀塘大隧線，但平唔係重點，實唔實用先係關鍵。
只計目的地地區，觀塘線點都實用過黃大仙線啦。
而且 82X 收費太平搞到兩繁旺丁不旺財，加埋非繁客少，蝕大本，
你估九巴會唔會拉 82X 上水泉澳？拉條觀塘線，收入都多好多啦…

至於 289，唔到觀塘巿中心，對濱景又有咩用？反而就拖慢沙田巿中心入大隧返觀塘山車程。
補位唔係咁補的。
同埋藍田加油塘其實係可以用一條觀塘道路線做晒，跟 603 咁行咪得囉…

1) 以我平時既觀察，82X/82P 大部分既客源都係廣源，第一城同濱景只係佔極之少數
一般黎講，下繁到廣源會落左大半車客，只剩返十個左右去第一城同濱景
可見廣源居民頗為依賴用82X 作為鐵路接駁，相反83X 係做通勤客居多

2) 關於藍田油塘走線問題，先行藍田油塘尾站無客，調返轉就藍田尾站無客
即使使用最短既路線 (即E22X行法)，由藍田站起計最快都要15分鐘先到油塘，889行法就更耐
仲有一個問題，明明山上條線都去到秀茂坪，點解唔行多十分鐘去藍田油塘呢
除非諗住山上條線係去康盛翠林就另計，但無可避免就要加價，到時對四順同秀茂坪係咪仲咁吸引就唔知喇

其實我 既建議同你既建議係某d 出發點都大致相同，只係我認為要開條過山線，而你偏重左係沙田每區都特快出觀塘，所以導致最後出黎outcome 會有唔同
始終資源有限，好難能夠做到沙田每區特快上隧道又有條過山線，仲要服務埋水泉澳，都只係做到就做

1. 既然你都知道 82X 廣源客係轉鐵路為主，咁點解拉 82X 而唔係 83X 上水泉澳？
水泉澳的道路網同地理位置根本同廣源唔同，製造唔到幾多鑽石山轉鐵路需求。

2. 過山線係值得開，但我唔認為要由沙田抽資源去做。
同埋你話「去到秀茂坪，點解唔行多十分鐘去藍田油塘」，
要記得上面仲有安達臣，再加寶達，規模已經同秀茂坪邨唔係差好遠。
想做果班客，就一定起碼要去到寶達，咁就唔爭在入埋康盛翠林。

而入埋康盛翠林，同埋去藍田，其實收費未必爭太遠，
但係如果可以砌到一條翠林過山沙田線，同時又砌到一條藍田沙田線，
做到的客會比起一條只做觀塘的過山線多，咁點解唔將順秀同藍田分開？

四順仲可以落彩虹轉車，但係秀茂坪同康盛翠林，繞過觀塘，一程車吸引力好大。
尤其是翠林康盛寶達，搭 98A 一定要轉 89X 先有優惠。

仲有，拎沙田資源做過山線，即係打劫人地資源服務觀塘居民，你估沙田會唔會唔反枱？可唔可行？
80X 變過山線，結果流產，官方方案都唔再有過山線，唔係無原因的…

[edited for typo]

[ 本帖最後由 S3BL100 於 2014-3-21 00:57 編輯 ]