2014-15 沙田區巴士路線發展計劃

諗諗下，其實86C根本冇必要咁搞法，除左上面幾樓所講的藉機加價外，就諗唔到其他值得支持4它改路的原因。

而運輸署既然想到281X全日，為何不索性用此線代替86C上青沙？我有這樣想法的原因：

1. 新281X與87D九龍段重疊，沙田段除了錦泰和石門外，馬鞍山基本上就是87D做哂咁滯。雖然之前我支持281X全日，原因是給恆耀安居民有多個有位坐的選擇。然而，觀察過89C與89D的關係之後，281X的下場將有機會步89C後塵，於沙中線通車後變繁時甚至被cut。而改上青沙，雖算不上要從港鐵搶回乘客，但既然運輸署要壯大青沙個網絡，馬鞍山要有線做代表，我認為281X較適合。

2. 281X全日只是接收原有部分81C和87D的乘客，客量又未必有明顯增加；而286C又建議以大角咀為總站，這本身對深水埗區乘客有較大影響，尤其去深水埗市中心一帶比之前更慢，更讓石硤尾失去除港鐵外往返馬鞍山的方法。有見及此，為何唔改281X上青沙呢？建議一出青沙後九龍段跟270P(即大角咀--->旺角--->佐敦西)，這樣行又未必比87D慢太多(塞車另計)，始終87D都要經九龍塘和太子。還掂281X都係九龍段跟87D行，原有建議已有BBI取代去窩打老道一帶。將281X改上青沙後落大角咀，或許可帶來自己的乘客。

3. 對比86C系和87D，改281X對原有乘客的影響相對較細。86C是馬鞍山唯一去九龍西的路線，乘客量雖然比87D遜色，但其客源主要來自深水埗市中心一帶；87D的主要客源是來自太子和旺角；改動上述兩線對原有乘客影響較大，尤其86C會流失深水埗客、87D會流失部分旺角客。而改281X，既可取代新86C的大角咀段，去大角咀又比新86C快(冇記錯的話，287X去程首站在佐敦，回程才經大角咀)，去油麻地一帶又唔會慢87D太多。

如有錯漏，歡迎指正！

當然，281X在馬鞍山的服務範圍較細，運輸署搵86C改路都唔係冇原因。不過我諗住用281X改，就要做好以下配套：
1. 加返281X與86K/87K、87D、281B/81C、281A的免費BBI。
2. 唔可以再有限制轉乘兩次的規舉出現。

[ 本帖最後由 AVW28 於 2014-5-13 22:30 編輯 ]

原帖由 AVW28 於 2014-5-13 13:59 發表
諗諗下，其實86C根本冇必要咁搞法，除左上面幾樓所講的藉機加價外，就諗唔到其他值得支持4它改路的原因。

而運輸署既然想到281X全日，為何不索性用此線代替86C上青沙？我有這樣想法的原因：

1. 新281X與87D九龍段重疊，沙田段除 ...

81C、86C路線過慢，必死無疑，以281X上青沙，可否如此操作？
81C改回全日，但延長至馬鞍山市中心，跟43X上青沙，九龍縮短到渡華路（奧運出）
281X加下繁回程，另81C假日快班移轉至281X，路線照舊
281B、86X全日雙向，86X全日不入恆安
加81C與281B、86K之BBI，青沙線路可經81C做三連程BBI

原帖由 hon_son_wilson 於 2014-5-13 09:56 發表
深水埗區議會上載《2014-2015 年度深水埗區巴士路線發展計劃(補充資料)》
其中詳列對該區影響較大的重組方案的建議候車站位置及轉乘安排，有進步而且應該推展至各區各方案。
可惜仍未有比較重組前後的全程/原線定點/轉 ...

86系以目的地為劃分需要轉車比例真係幾嚴重

其實運吉咁開宗明義講晒所有野，班議員有幾多真係贊成要咁多客轉車?

原帖由 AVW28 於 2014-5-13 13:59 發表
諗諗下，其實86C根本冇必要咁搞法，除左上面幾樓所講的藉機加價外，就諗唔到其他值得支持4它改路的原因。

而運輸署既然想到281X全日，為何不索性用此線代替86C上青沙？我有這樣想法的原因：

1. 新281X與87D九龍段重疊，沙田段除 ...

86C 車程太長，有必要提速，問題只係差在應該行青沙定係索性 86X 全日代 86C。

因為馬鞍山無直接行法入青沙，而沙田巿中心出面一段大埔公路上繁又會塞車，
同時馬鞍山可以唔駛停燈直入獅隧，因此本來最正路係 86X 全日。

不過如果係 286C 的話，深水步回程返沙田又會快過 86X 少少，長沙灣計更加快半粒鐘，
有其戰略意義，問題只係差在無理由因為改行青沙，就加價加到咁狼死。

唔計加價，286C 本質上並唔係一D令人討厭既野，如果上繁可以因應交通程度，
直行大涌橋路不停站，文化博物館轉入青沙，已經避左塞車位，唔使擔心大埔公路沙田段交通狀況。

286C 將馬鞍山同青沙連接起來，不過如果青沙網絡仍只係局限於長沙灣深水步為主，
咁 286C 的轉車功能其實都好欠奉。如果青沙網絡覆蓋埋葵芳、青衣，及/或荔景，情況又會好唔同。

至於 281X，其實取代唔到 286C 上青沙的功能，前者做錦泰/77區，後者做巿中心、錦英、利安。
不過我覺得都值得改上青沙的，俾 286C 唔到的新區，可以直達轉車站轉車去深水步，
同時回程經青沙而唔使太子內街轉圈，唔使經界限街，又會比而家快少少。

而且又可以俾彌敦道沿線叫多飛上青沙，增加彌敦道經青沙轉車返沙田的吸引力。

不過去程就無理由兜大角咀，結果只會因快得慢，最正路係東京街西出，跟 701 上返西廊落旺角。

我諗法係既然城隧「成功」，可以照顧到大部分乘客，就做個照鏡版：

沙田區市場相似類別
40X vs 286C (只指馬鞍山段)
43X vs 281X
46X vs 286X
47X vs 287X/249X
48X vs 280X (如唔想改就搵另一條填氹)
49X vs 286 (所以286應該經富豪)

城隧葵青
直落荃灣：43X、49X（兩條都係密車線）
經昌榮路往荃灣：48X（尚有73X、278X）
經葵涌：40X、46X、47X
青衣：49X

至於青沙九龍區如何分配就要再議。

以上只係「假如一定要行青沙」的想法，石硤尾就真係要靠獅隧線包底，
例如86A延長至濱景、80M改做循環線等，但講到尾唔畀加車就冇得搞，
如果280X同80M同時存在再加86A延長，就要由其他路線至少慳到8部車。

[ 本帖最後由 DIH 於 2014-5-13 23:39 編輯 ]

原帖由 S3BL100 於 2014-5-13 22:32 發表


86C 車程太長，有必要提速，問題只係差在應該行青沙定係索性 86X 全日代 86C。

因為馬鞍山無直接行法入青沙，而沙田巿中心出面一段大埔公路上繁又會塞車，
同時馬鞍山可以唔駛停燈直入獅隧，因此本來最正路係 86X 全日。

...

我都贊成286C改上青沙, 吸引多D客量
到時再因應實際情況再調整資源

原帖由 維維仁 於 2014-5-14 17:01 發表


我都贊成286C改上青沙, 吸引多D客量
到時再因應實際情況再調整資源

要求286c減價, 算唔算下調九巴未來資源?

好文分享:http://www.vjmedia.com.hk/articles/2014/04/10/68960

其實入面對成份RDP既分析幾好,唔知各位覺得點呢?

原帖由 SE7378 於 2014-5-16 20:35 發表
好文分享:http://www.vjmedia.com.hk/articles/2014/04/10/68960

其實入面對成份RDP既分析幾好,唔知各位覺得點呢?

佢地既分析大致OK,只是有些不到肉