2014-15 沙田區巴士路線發展計劃

柀友，講嘢唔洗講到咁絕嘅！
我唔知你住喺邊頭，但我就真係住喺馬鞍山，仲見證住86C 85C由屋企樓下搬走，85C仲係行獅隧嘅年代
亦係睇住86C多人撘到要開86P，之後馬鐵一開86C連特別車都無人坐嘅居民....

恕我無知，我無讀過 路線策劃 或相關 交通或城市規劃 的課程，
但我一直以來都是極力要求86C盡快改行青沙的！

1. 行青沙服務唔到石硤尾上下邨嘅居民，但可以真正服務到來往 長沙灣 + 荔枝角 + 西九龍(南昌 + 奧運) 的乘客：
我喺長沙灣荔枝角站附近返左大半年工，除左迫要轉乘3次嘅港鐵(馬鐵 + 東鐵 + 觀塘線 + 荃灣線)可以勉強一小時內 馬鞍山<-->長沙灣，
就只係得快極都要一個半小時的86C！
但夜晚九點幾都仲有十幾人喺長沙灣總站等86C返馬鞍山！
結果我每日嘅撘車方案就係286X轉803，都仲快過撘86C！
286C走法雖然唔可以直接落美乎，但回程入馬鞍山都總算有站，好過46X轉43X/40X

2. (喺大多馬鞍山人心目中)乜81C仲存在嘅咩？條線喺我樓下，但根本無人會搭佢！
87D係落到旺角，不過你會靠佢行落去奧運站、『大酒店』果頭咩？
我唔熟大角咀，不過至少都叫做喺奧運站嘅HSBC大樓內實習左一年......
咁而家間唔中都會落 澳海城行街睇戲嘅......
馬鞍山落澳運站，最快同最正常嘅方法係 馬鐵東鐵 落旺火轉小巴.... btw,旺火養到至少3條小巴線去大角咀
(不過，以前放工我真係會同同事由奧運站HSBC行落旺角搭87D，鬼叫放工時間小巴又慢又疏！)

3.86C慢喺行大圍，咁86X呢？
用15分鐘由馬鞍山落到九龍塘，但要用多25分鐘先去到西九龍中心.....用一個鐘先去到長沙灣.....
哩條特快真係令好多人失望，朝早第一班企唔爆，第二班九成時間僅僅坐滿可能要企.....
特快仲要行咁多公路都快唔過港鐵，摺左佢啦！

4. 最重要嘅事：馬市無車落青沙！
如果無286C，開返條287D落一落青沙都唔錯！

86C嘅黃金時期係馬鐵開張前主力做大圍客，朝早86C + 86P都可以坐到頂晒閘出馬鞍山，搞到我地喺大圍返學嘅學生有時直情要87K轉東鐵返學！

[ 本帖最後由 peterson 於 2014-5-30 01:11 編輯 ]

原帖由 micyung 於 2014-5-29 23:35 發表

其實稍為有用腦的人做路線策劃都無理由將86C轉286C，理由如下：

1.行青沙可以去深水埗，長沙灣。但係去唔到石硤尾，去唔到美孚，好似72延長去美孚就得啦！86C九龍段的覆蓋範圍還比286C大！！

2.馬鞍山有車去81C，87D出油麻地、佐敦 ...

86C最慢不是行大涌橋路，而是九龍段。回程長沙灣總站開行青山道都要10-13分鐘先行完，試過有次坐要20分鐘，未上獅隧已經行了35-45分鐘。去程也差不了多少，早上上學時間歌和老街都好塞。富豪花園至大圍一般都是行10-15分鐘。86C現時有很多沙田段的客人，不可以沒有補償便全cut了沙田段的走線。

其實係一路都冇人主動提出定係因為今次RDP關於青沙同大隧線嘅部份太「震撼」...
依度好似冇人(特別係馬鞍山人)提起爭取274P全日,令居民有一個合理、直接往返大埔同馬鞍山嘅交通服務
九巴改線坐地起價係完全唔可以接受,但係小巴恃住獨市開天殺價,亦非合理
依次區域重組絕對係274P提升全日嘅黃金機會,但係冇人提出/要求咁做,
莫非真係要來往馬鞍山同大埔嘅居民繼續捱貴車/轉幾次車先去到目的地?

咁閣下話要解決86C沙田段和九龍段迂迴的路線，咁可以點改呢?

1. 九龍段慢的地方，往長沙灣方向是南昌街、汝州街、欽州街，但南昌街唔可以右轉入長沙灣，一定要行汝州街先可以轉向！

2. 往馬鞍山方向是汝州街、長沙灣道、南昌街，我搭86C較少，但搭過幾次，都覺得嗰幾個站都係食糊位。咁應該如決定呢?

原帖由 peterson 於 2014-5-30 01:07 發表
柀友，講嘢唔洗講到咁絕嘅！
我唔知你住喺邊頭，但我就真係住喺馬鞍山，仲見證住86C 85C由屋企樓下搬走，85C仲係行獅隧嘅年代
亦係睇住86C多人撘到要開86P，之後馬鐵一開86C連特別車都無人坐嘅居民....

恕我無知，我無讀過 路線策 ...

朋友, 放工有邨巴在荔枝角mtr 直入馬鞍山, 入馬鞍山第一個是耀安邨(油站對面), 車程: 20 mins。不過你睇下自己可以幾早收工。

原帖由 matchnacu 於 2014-5-30 13:35 發表
咁閣下話要解決86C沙田段和九龍段迂迴的路線，咁可以點改呢?

1. 九龍段慢的地方，往長沙灣方向是南昌街、汝州街、欽州街，但南昌街唔可以右轉入長沙灣，一定要行汝州街先可以轉向！

2. 往馬鞍山方向是汝州街、長沙灣道、南昌街，我搭86C較少，但搭過幾次，都覺得嗰幾個站都係食糊位。咁應該如決定呢?

1. 跟86/86A行，但去西九龍/鴨寮街會街遠左。
2. 呢個改唔到。
不如改沙田段好過啦！

可否改行龍翔道落大埔道跟72行?

原帖由 peterson 於 2014-5-30 01:07 發表
柀友，講嘢唔洗講到咁絕嘅！
我唔知你住喺邊頭，但我就真係住喺馬鞍山，仲見證住86C 85C由屋企樓下搬走，85C仲係行獅隧嘅年代
亦係睇住86C多人撘到要開86P，之後馬鐵一開86C連特別車都無人坐嘅居民....

恕我無知，我無讀過 路線策 ...

在奧運站回程我prefer搭小巴70/70A, 但我不知70/70A 放工時間疏不疏車, 如果上到車就坐去鳳德邨轉85M。我試過在大南街上車, 沿路不塞車情況下, 15 mins 就到鑽地。

在深水埗我都是咁搭, 行去青山道搭紅小去黃大仙轉85M。

原帖由 f2l 於 2014-5-30 13:06 發表
其實係一路都冇人主動提出定係因為今次RDP關於青沙同大隧線嘅部份太「震撼」...
依度好似冇人(特別係馬鞍山人)提起爭取274P全日,令居民有一個合理、直接往返大埔同馬鞍山嘅交通服務
九巴改線坐地起價係完全唔可以接 ...

仲有26小巴ma
26號都吉成老九咁邊會開
仲有我住馬鞍山去大埔都只係會係轉車入郊區
又或都去火車站附近所以都只會87K轉火車
真係無咩需求要274P全日
真係唔好浪費啲quote
89D,87D,40X都等住加車

[ 本帖最後由 alex_yu1992 於 2014-5-30 20:19 編輯 ]