2014-15 沙田區巴士路線發展計劃

原帖由 張偉沖 於 2014-4-8 23:39 發表


81C 呢類走線先唔合時宜, 車程長, 用車多, 回車又慢,
所以老九先針對呢個問題改善咋嘛, 點知有D人咁都要反一餐.

呢條線減班, 充其量只係尖沙咀富豪, 沙角, 乙明受影響,
287X 只要食咁D 佐敦油麻地客, 自然能容納 ...

所以咪要分拆281X囉。

尖沙咀<->新翠秦石都受影響bor

返工返學都要的，九龍塘、窩打老道成排學校，由九龍塘、旺角東轉返幾個彎又得。

[ 本帖最後由 81c 於 2014-4-8 23:55 編輯 ]

原帖由 張偉沖 於 8-4-2014 23:30 發表


246X 開左, 286X 咪唔駛經美田美林慳時間囉, 四美仲有位你揀添;
286C 齋做深長荔根本好客極有限, 270B 星期日非繁咩客量你唔知咩?
我就唔想286C 死先想拉埋落大角咀咋.

86X 開左回程咁多年咪又係得一班車.:l ...

問題係而家非繁286X喺美林都仲有大把位揀, 仲唔洗轉車直去深水埗, 一個鐘仲有四班車搭
至於顯嘉區, 表面上新286X唔兜美林美田可以慳3-4分鐘, 但係15減到20分鐘一班, 每個鐘少一班車, 出行靈活性減低, 隨時仲要等多5分鐘
既然顯嘉區實際並無優化, 美林美田服務更加係倒退, 咁點解要拆線先??

你成日搵286C同270B比, 咁不如你搵87D同270A比較啦, 唔洗講都知呢個比較唔合邏輯啦
明明而家86C都淨係做深長荔+石峽尾, 咪又係夠客
就算286C無咗石峽尾, 根據你既邏輯, 應該會有其他線既客上轉車站轉286C, 縮去深水場又點會唔夠客

86X回程開得一班就代表無需求??
等我又學你搵其他例子比較先~
想當年85X都係得朝早兩班出紅磡, 連回程返馬鞍山都無
用你既邏輯既話, 即係當年唔應該將85C轉做85X啦, 但事實係而家85X又OK喎
而家86X同樣朝早兩班出九龍, 仲有一班回程添
咁點解唔可以將86X改經亞公角, 第一城上公路轉全日先??
我睇唔出為何要強迫馬鞍山居民搭貴車, 特登兜去青沙喎@@

原帖由 S3BL100 於 2014-4-8 23:44 發表
咁你不如教我，美田美林班乘客，由一程 286X 變成 246X 上青沙轉 286X（仲要被兜大圍），
點樣可以同時預計到 246X 同埋青沙下一程車的到站時間？
佢地就算預到 246X 時間，係咪代表上到青沙一定到唔駛等幾耐，下程車就到站？
如果上到去，不幸前車走左兩分鐘，搞到佢地要多等 18 分鐘，唔通又係班乘客問題，
佢地唔識預時間搞到要轉車站食西北風？

呢個問題好多板友問過好多次，你無答過，
相反你淨係識不斷 loop 一堆歪理，避重就輕，已經說明你技窮。

咁你咪看埋286X 幾點開車, 再綜合網上資料推算286X 大約到青沙轉乘站的時間,
而且, 要完全做到車接車根本不切實際, 人地城隧欖隧都做唔到啦, 班客咪又係識得咁轉車.

答左又點? 板友咪又係唔鍾意, 一味要求一定要車接車唔駛等,
我舉欖隧做例子, 證明要係轉車站食西北風的情況一定會有, 最可能的做法咪學屯轉咁整個預計到站時間囉.

我撐政府做巴士重組, 預左比人插就梗架啦係咪先?
我連支持44/44P 合併, 盡快將41A 提速, 聲嘶力揭指出區會阻撓巴士重組, 都比板友插到我開花又點計?

286C 去大角咀本身唔係問題，問題係有無需要收到 $10.3 咁貴。
同埋，86X 開得一班根本唔代表深水步無客，
唔好唔記得除左 86X 以外仲有開足全日既 86C，而家係咪唔會有人搭 86C 返馬鞍山，
86X 一班車就反映深長荔返馬鞍山的實際客量？

我重申一次, 如果深長荔真係有足夠客量撐得起一條86x, 86X 回程咁多年就唔會只係得一班車,
最重要的原因是86C太慢, 塞完青山道仲要入石硤尾, 停南昌街燈陣, 塞完獅隧仲要經大圍,
我住MOS的話, 搭港鐵轉4次車都快過86c, 吸引力邊度會大?

就算回程的86x... 我搭過一次, 都要十個字先入到去新港城, 都仲慢過鐵少少.

我相信搭鐵即使要轉4次車, 但係會有更大的吸引力, 因為一程86c 總站上車你無一個鐘都唔駛旨意入到mos.
所以我先極力支持286C 方案.

因此，更顯得你拎 270B 來比根本係 apples to oranges，270B 都唔係全日線

又講真，有齊 272X 同 287X 既話，有幾多大角咀馬鞍山客搭 286C 落大角咀都係問題，
大角咀係 272X 出九龍頭站、272X/287X 新界方向尾站，兜深水步花多三四個字，
呢下就真係轉車快過直達啦。

當然它唔係全日線, 但係宜家286c 走線近乎和270B 相同, 286c都係做深長荔為主,
只不過286c 做多個大角咀咁解, 我點解唔可以搵270B 做對比?

我就係要講明286c 唔入大角咀, 下場只會和270B 一樣, 非繁忙時間唔夠客,
你要明白一條巴士線唔係淨睇繁忙時間.

你咁鍾意一邨一線，叫人轉車行路唔好重疊，又唔叫人 287X/272X 轉 286C，等九巴可以開少架車，
又或者叫人由大角咀行去欽州街？.

286C 開到大角咀只係想它可以撐得到全日咋.

原帖由 martin2000 於 2014-4-9 00:03 發表


問題係而家非繁286X喺美林都仲有大把位揀, 仲唔洗轉車直去深水埗, 一個鐘仲有四班車搭
至於顯嘉區, 表面上新286X唔兜美林美田可以慳3-4分鐘, 但係15減到20分鐘一班, 每個鐘少一班車, 出行靈活性減低, 隨時仲要等多 ...

土瓜灣, 九龍城宜家有港鐵直達咩?

假如兩班車都係15分鐘一班，假設司機會等埋追車的客上車的話，
一分鐘內轉到車的機會是6.8%，
五分鐘內轉到車的機會是34.5%
十分鐘內轉到車的機會是69%
平均等車時間約為7.25分鐘。

我都唔計九龍公司成日收車同脫班呢個因素！

假如用閣下思維，要就埋九龍公司時間表出發的話，
我平均要「就」九龍公司的時間就是15+7.25分鐘，
如果我在沙田圍站上港鐵的話，應該已經到左長沙灣了~

再用閣下言論：唔鐘意等巴士咪去搭港鐵囉！
借用閣下思維：九龍公司做得咁辛苦咪下年交番沙田區個專營權囉！
我相信不少版友同市民都有同樣的心聲。

每個人都有權利選擇同反抗唔合常識的事嘛~
唔係有人比「九糧」你食你都要食嘛！

預告：聽晚用最淺易的方法，同大家分析下路線兜八幹係咪真係「特快」

[ 本帖最後由 卡達哥 於 2014-4-9 00:24 編輯 ]

原帖由 張偉沖 於 2014-4-9 00:12 發表


咁你咪看埋286X 幾點開車, 再綜合網上資料推算286X 大約到青沙轉乘站的時間,
而且, 要完全做到車接車根本不切實際, 人地城隧欖隧都做唔到啦, 班客咪又係識得咁轉車.

答左又點? 板友咪又係唔鍾意, 一味要求一定要 ...

86X而家得回程? 咁去程又係D乜?
放工時間無返工時間咁集中, 而且九龍西又唔係主要商業區, 客量較分散於唔同既時間
但唔代表咁樣就養唔到條線

原帖由 JF1261 於 2014-4-8 23:48 發表


粉嶺站A出口指示牌夠有聯和墟啦
52A 54A 56A 278K 應該摺埋, 大家齊齊行路



用你思維, 點解大角咀d 客要碌成條長沙灣道
272X 287X 上萬能青沙轉車咪得囉, 點解要拖到條286C 收貴一級

仲有270B 平日頂 ...

九巴可能想搶一程過的客呢, 位位十蚊都不知幾好搵.

你保證286c 開全日唔會好似270B 非繁咁?

原帖由 KZ9314@YCC 於 2014-4-9 00:18 發表

86X而家得回程? 咁去程又係D乜?
放工時間無返工時間咁集中, 而且九龍西又唔係主要商業區, 客量較分散於唔同既時間
但唔代表咁樣就養唔到條線

去程咪又係得2班車, 我搭過尾班, 仲有位揀.

問題係, 九龍西已經有強大的競爭對手港鐵, 86c 吸引力係非常細.