2014-15 沙田區巴士路線發展計劃

原帖由 kay 於 2014-4-9 12:15 發表
你明唔明乜野叫做概率，probability?

根據卡達哥前提假設

假如兩班車都係15分鐘一班，假設司機會等埋追車的客上車的話，
一分鐘內轉到車的機會是6.8%，
五分鐘內轉到車的機會是34.5%
十分鐘內轉到車的機會是69%
平均等車時 ...

不如你計埋去廁所屙唔出屎趕唔切班車, 計埋沙田日日有大型交通意外塞死晒囉,
所謂的FACTOR 根本無得計.

仲有, 屯轉, 大欖, 城隧一樣有呢個問題喎.

[ 本帖最後由 張偉沖 於 2014-4-9 12:36 編輯 ]

原帖由 hon_son_wilson 於 2014-4-9 11:24 發表


我都等咗2日，都未見張偉沖覆我哩個post：
http://www.hkitalk.net/HKiTalk2/ ... &page=31#pid2954983

小統計：
張偉沖於本文已出近80個post，佔全文13%。
小弟得1x個，拍馬都追唔上。 ...

費事睬佢！
都係當佢無到算！

唔好意思, 我睇漏左..

原帖由 hon_son_wilson 於 2014-4-9 11:24 發表
有關涉及深水埗區的個別路線重組，有下列意見：
286C        利安 - 奧運站
- 往長沙灣乘客每程估計最多節省20分鐘，但往深水埗北河街便較86C慢。對原86C乘客而言，只要86X全日服務已有效縮短車程時間(參考85X,87X重組)。

沙田區域性重組目的係減輕獅子山隧道負荷及擠塞情況, 86X 全日便有違政策原意;
而且86X 雖然途經沙田路, 但九龍段仍然需途經燈位較多的歌和老街及南昌街一帶,
無法有效減少馬鞍山至深水埗的行車時間, 同時間獅隧經常出現擠塞, 會影響新86x 的行車時間.


另一方面, 286C 往長沙灣荔枝角明顯比86C/86X快, 唔可以因為北河街較慢而全盤否定改經青沙的可行性,
而且286C 頭站的荔枝角長沙灣是工業區, 人流較多, 故將這群乘客推向行青沙的286c 更可取.

- 深水埗乘客需付大角咀車費往返馬鞍山，實在不合理！286C利安至南昌街段與原86C總里數(22.5公里)相若，理應增設雙向分段收費$8.5。

改動後, 九巴已增設即日來回優惠, 相信已切合大部份乘客的需要.

如果乘客認為不合理, 可要求九巴延長優惠期, 及爭取雙向分段, 實行"先通過後檢討"的原則,

而唔係全盤否定方案, 騎劫整體的利益.

- 286C總里數(24公里)較86C增加7%，單程車費($10.3)卻增加21%，絕對不合理。「即日回程優惠一年」多此一舉，理應直接調低建議車費至合理水平。

因為286C 的總站設於大角咀, 所以需收高一級, 而九巴亦已推出優惠, 補償受影響乘客,
在2009年九巴52X 延長至旺角, 全程收費增加至11.3, 當年九巴並無增設雙向分段收費$10.0 給深水埗的乘客,
屯門區議會亦通過方案. 故此

調低車費, 增加雙向分段並無先例可循, 並不可行.

- 觀乎85C,87D提速後(85X,87X)車費依舊，286C亦與87D(87X)行車里數(24公里)相若，所以286C提速後全程車費理應訂於$9.0左右。
- 如九巴不欲調低286C單程車費，在不影響86C原有乘客的大前提下，286C應縮短至深水埗欽州街，以維持原86C單程車費$8.5。
- 建議雖然擴大馬鞍山巴士服務範圍至長沙灣新區及大角咀(合共約7萬人口)，但石硤尾及富豪麗豪(合共約12萬人口)被遺棄，補償的轉乘組合還乘機加價，十分不合理！

九巴81 途經大埔道, 石硤尾邨一帶往返沙田市中心可選乘九巴81.

南昌街仍有87B/86A 可供選擇.

至於富豪/麗豪, 可選乘九巴86A 往深水埗, 往返長沙灣工業區的服務, 請步行至港鐵沙田圍站乘搭287X 轉乘286X,

該三區雖然人口達12萬, 但石硤尾人口老化, 富豪花園/麗豪酒店對於對外交通需求較低,
故此以上各種方法已足夠回應對外的交通需要.

286X        顯徑 - 深水埗 (循環線)
246X        美田 - 長沙灣 (循環線)
- 兩線班次過疏，非繁忙時間不宜分拆，應待286X客量進一步增加後才考慮。

全日分拆可節省行車時間, 而且將來港鐵沙中線將會於顯徑設站, 分拆路線刻不容緩.

- 美田246X直達荔枝角站及工貿區，但服務範圍太小，原有前往深水埗欽州街一帶的乘客需於青沙轉乘，
候車、繞經大圍及轉乘時間反而耗時超過15分鐘。

青沙轉乘站有286C/286X 可供選擇, 對乘客的影響已減到最少.

- 顯徑286X不經美田但削減班次，整體每程只能節省三兩分鐘，效益成疑。

286X 由積輝街站到青沙公路入口需繞經美田總站及美林總站, 交通燈超過5枝,
不經美田美林所節省的時間絕不止二, 三分鐘, 而且美田美林可擁有總站優勢, 效益很大.

- 兩線重組後總里數(246X: 19.5公里/286X: 22公里)較現有286X減少25%/15%，理應調低車費至$6.0左右，請更正建議。

246X 同樣途經青沙公路, 無任何理據減價, 否則對九巴的收費制度造成嚴重衝擊.

286        黃泥頭 - 深水埗欽州街
86A        沙田圍 - 深水埗 (循環線)
72        太和 – 美孚
- 重組後86A,87B要兼顧原86,86C於石硤尾(近10萬人口)的服務，根本沒有減車的理由和空間，
理應加密班次配合轉乘以補償

巴士線網絡萎縮

石硤尾人口老化, 需求較低, 班次無需增加.

- 286線服務擴大至長沙灣新區(約2萬人口)，並深入深水埗欽州街核心地帶，但石硤尾(近10萬人口)因而被遺棄，效益成疑。

- 86線原有分段收費理應於286線維持，建議方案應詳列分段收費以供參考。
- 可考慮286與72分工，286經富豪麗豪及沙田大會堂往返九龍，而72則增設源禾路往返九龍段雙向分段收費$6.8 (參考現時里數相若的81,286X線)。如於源禾路乘坐280X上青沙轉乘深水埗線需付$9.5(加價30%)，則不能取代286。

源禾路需求較低,  而且己有九巴72,

故此無需考慮.

- 86A應考慮延長至沙田市中心，里數相若車費不變，並增加轉乘補償石硤尾。
- 可考慮286與286C分工，深水埗方向286先經美孚，286C經興華街(西)。

反對86A 延長至沙田市中心, 現時沙田市中心交通繁忙, 泊位緊張, 石硤尾往返沙田市中心需求較低,
因應九巴81 途經大埔道, 近大埔道的石硤尾乘客可選乘81, 或者增設特別班次,
由澤安開出途經大埔道往沙田市中心.

原帖由 張偉沖 於 2014-4-9 12:34 發表

不如你計埋去廁所屙唔出屎趕唔切班車, 計埋沙田日日有大型交通意外塞死晒囉,
所謂的FACTOR 根本無得計.

仲有, 屯轉, 大欖, 城隧一樣有呢個問題喎.

你自己去屯轉,大欖,城隧睇吓
去同一目的地嘅巴士幾多分一班

青沙條條做繁時15/20分一班,你等埋我嗰份

原帖由 edhong 於 2014-4-9 12:31 發表

你咁玩同246X、286X有乜分別？等多年要求305不經田心、顯徑咪行青沙囉。

朝早305 4班車, 每邊兩班都得啦, 效益好過以前, 愛民個站就搵其他配套啦
而家總站開1個鐘先到紅隧, 呢D 提速就真係吸引, 還掂做番工車姐, 唔似246X/286X 要做運凳時間

原帖由 sq285 於 2014-4-9 13:18 發表


你自己去屯轉,大欖,城隧睇吓
去同一目的地嘅巴士幾多分一班

青沙條條做繁時15/20分一班,你等埋我嗰份

佢前文叫人預時間等車再轉，
依家覆你話其實好多因素冇得預算，
看官隨時以為係自己精神分裂讀錯文，
點知原來係筆者佢自打咀巴，
仲要麻木到唔知手掌定咀唇痛啲。


另外我可能真係精神錯亂，
好似話86A都會改佢行青沙?

講話石硤尾人口老化嘅，
公屋重建完我見到更多年輕居民，
真係完全補一架車俾87B都要討伐?

[ 本帖最後由 transbus 於 2014-4-9 13:57 編輯 ]

原帖由 張偉沖 於 2014-4-9 12:34 發表

不如你計埋去廁所屙唔出屎趕唔切班車, 計埋沙田日日有大型交通意外塞死晒囉,
所謂的FACTOR 根本無得計.

仲有, 屯轉, 大欖, 城隧一樣有呢個問題喎.

屯轉d車密幾多？就算城隧一個區域一線，正常班次都唔會出到20分一班，15都已經叫疏，所以呢d轉車站做得起囉...

又頭講到尾啦已經...條條15-20分車叫人去轉車系低能...

原帖由 transbus 於 2014-4-9 13:50 發表

佢前文叫人預時間等車再轉，
依家覆你話其實好多因素冇得預算，
看官隨時以為係自己精神分裂讀錯文，
點知原來係筆者佢自打咀巴，
仲要麻木到唔知手掌定咀唇痛啲。


另外我可能真係精神錯亂，
好似話86A都會改佢行青沙?

講 ...

rdp 的86A 係唔入青沙但縮到深水埗.

叫人預時間等車轉有咩問題?
係有板友諗左好多FACTOR 話有很大機會要等, 我咪同佢傾下有咩factor 咁囉.