2014-15 沙田區巴士路線發展計劃

原帖由 張偉沖 於 2014-4-9 15:10 發表

九巴收少左咪加你價, 陰乾囉.

加價>趕客>再減班
既然只係一個惡性循環,不如一開始就唔好加價KEEP返D客

原帖由 dannywong 於 2014-4-8 22:42 發表

繁時都要 15 分鐘一班兼可能用細車，真的要多預時間等等

那幾亳子未必吸引到人過檔
反而頻密穩定的班次更有吸引力
連翔道佐敦道一塞，287X 班次還能不能維持？

再看看內文，那個 81C 受影響乘客－替代路線表裡，只有 80%  ...

如果280X同80M同總站,錦就要用細車......

原帖由 DIH 於 2014-4-9 17:17 發表

Why not?
http://goo.gl/maps/ef1tL （可以行長沙灣道或青山道，喜歡的繞入長沙灣廣場都得）

或者可能有誤會，「荔長深」我係以地鐵站計，只係籠統簡稱。
美孚可以詳細再諗，例如好似之前條249Y咁搵條葵青線做。

旺油佐又有幾 ...

[純粹討論]
做循環線應該有個前設就係全部都係沙田止步？
畢竟太遠有可能甩班甩得好嚴重

旺油佐同新界線等車方向相反，
我會建議用雙向線做，或者係改做旺太深

係大圍搞轉車真係幾無聊，點睇都似係送客畀火車多啲
同埋八爪魚個到，呢幾日路過都見到早繁有少少塞，
所以我會懷疑推哂啲車落大圍站，係八爪魚轉黎轉去，有咩好處

原帖由 張偉沖 於 2014-4-9 13:16 發表

改動後, 九巴已增設即日來回優惠, 相信已切合大部份乘客的需要.

如果乘客認為不合理, 可要求九巴延長優惠期, 及爭取雙向分段, 實行"先通過後檢討"的原則,

而唔係全盤否定方案, 騎劫整體的利益.

既然你話區議會阻撓RDP通過既話
九巴一樣可以阻撓任何檢討

如果真係信你所講既先通過後檢討"的原則
只會換來加價，減車，削線

原帖由 流星☆雨 於 2014-4-9 19:30 發表
[純粹討論]
做循環線應該有個前設就係全部都係沙田止步？
畢竟太遠有可能甩班甩得好嚴重

旺油佐同新界線等車方向相反，
我會建議用雙向線做，或者係改做旺太深

認同，那就首先identify現有計劃的問題（至少係最大問題）：
－富豪至新翠完全失去長沙灣直車；沙角至新翠雖有86A/287X轉乘，但班次趕客。
　據居於博康友人告知，朝朝返工搭86A去到長沙灣都仍然成車客，相信大部分人係搭到接近尾站。
－源禾有72/286同樣往長沙灣，280X/286同樣往青沙，資源重疊（套政府語）。
－富豪一條青沙線都冇，反之源禾有兩條，明顯違背「每個小區一條青沙線」的原則。
－既然條條線都係繁忙時段15分鐘一班，都唔使旨意乘客會轉車。
　如此則不再理甚麼轉乘網絡了，應以盡量確保原有乘客有直車為目的。

考慮站友回應後，我提議以下改動：
－280X　不變
－286X　不拆線
－287X　不變
－－－－－
－286　改經富豪一段大涌橋路，九龍加經美孚及總站改往大坑東
－286C　改為只往西九龍中心，不往大角咀，空出一車給286或重回86A
－272X　大幅修改為奧運站－旺角－油麻地－佐敦渡華路
－－－－－
－72　來往源禾九龍回程減$4，實行一年，補償源禾沙中失去86
－86A　不縮短　
－281M　可考慮改為往石硤尾循環線，補償86新田圍－石硤尾一段（這個市場我真的不太熟悉）

改動的好處：
－富豪至新翠重獲長沙灣直車，被迫轉車的乘客較少。
－富豪麗豪獲得一條青沙線，符合「每個小區一條青沙線」的原則。
－286改往大坑東，可以服務石硤尾山下乘客。
－前面有美田站友話唔需要286X拆線，所以唔拆，保持網絡簡單。
－286負責青沙往美孚獨市位，而286C往大角咀本來無一物，拉上補下。
－272X提供往彌敦道的服務，吸引力較大，油麻地一段亦可幫輕271。
　然而路程比現有路線長約2km，可搶走271的+1車撥過去（我無大意見）。
　（發現272X仍可獨立於沙田以外考慮，之後討論可以撇除）

歡迎交流。

[ 本帖最後由 DIH 於 2014-4-9 22:34 編輯 ]

原帖由 張偉沖 於 2014-4-9 13:16 發表
沙田區域性重組目的係減輕獅子山隧道負荷及擠塞情況, 86X 全日便有違政策原意;
而且86X 雖然途經沙田路, 但九龍段仍然需途經燈位較多的歌和老街及南昌街一帶,
無法有效減少馬鞍山至深水埗的行車時間, 同時間獅隧經常出現擠塞, 會影響新86x 的行車時間

另一方面, 286C 往長沙灣荔枝角明顯比86C/86X快, 唔可以因為北河街較慢而全盤否定改經青沙的可行性,
而且286C 頭站的荔枝角長沙灣是工業區, 人流較多, 故將這群乘客推向行青沙的286c 更可取.

86X對比86C可以原線全線提速15分鐘，286C係由荔枝角站起快15分鐘，到深水埗已經打和，加上無咗石硤尾，
而荔枝角站客源集中平日繁時，假期係沙田友都想直出深水埗啦，所以唔見得286C提速係最有效率。
不過，因為加入青沙網絡同埋加經四小龍，我都認同286C重組嘅方向喎~

原帖由 張偉沖 於 2014-4-9 13:16 發表
改動後, 九巴已增設即日來回優惠, 相信已切合大部份乘客的需要.
如果乘客認為不合理, 可要求九巴延長優惠期, 及爭取雙向分段, 實行"先通過後檢討"的原則,
而唔係全盤否定方案, 騎劫整體的利益.

不如將你屋企樓下所有巴士線都起價20%，再俾返即日來回優惠啦，應該切合到你嘅特別需要。
我全盤否定方案咩? 請你唔好斷章取義。
正常情況下，方案有問題應該係先檢討，而不是草率通過。

原帖由 張偉沖 於 2014-4-9 13:16 發表
因為286C 的總站設於大角咀, 所以需收高一級, 而九巴亦已推出優惠, 補償受影響乘客,
在2009年九巴52X 延長至旺角, 全程收費增加至11.3, 當年九巴並無增設雙向分段收費$10.0 給深水埗的乘客,
屯門區議會亦通過方案. 故此調低車費, 增加雙向分段並無先例可循, 並不可行.

正如版友所言，2009年無雙向分段只係當年9巴技術落後。
仲有，無先例可循唔代表唔可行。如果任何改動重組都要有先例，咁就一定無一樣可行。

原帖由 張偉沖 於 2014-4-9 13:16 發表
九巴81 途經大埔道, 石硤尾邨一帶往返沙田市中心可選乘九巴81. 南昌街仍有87B/86A 可供選擇.
至於富豪/麗豪, 可選乘九巴86A 往深水埗, 往返長沙灣工業區的服務, 請步行至港鐵沙田圍站乘搭287X 轉乘286X,
該三區雖然人口達12萬, 但石硤尾人口老化, 富豪花園/麗豪酒店對於對外交通需求較低,
故此以上各種方法已足夠回應對外的交通需要.

要由富豪行1000米去坐287X再到青沙轉286X，貪好玩呀? 點解富豪無青沙線?
澤安白田行落石硤尾站要15-30分鐘，再加上人口老化，老人行都行得辛苦啦，點解要咁折騰佢哋呢?

原帖由 張偉沖 於 2014-4-9 13:16 發表
全日分拆可節省行車時間, 而且將來港鐵沙中線將會於顯徑設站, 分拆路線刻不容緩.
青沙轉乘站有286C/286X 可供選擇, 對乘客的影響已減到最少.
286X 由積輝街站到青沙公路入口需繞經美田總站及美林總站, 交通燈超過5枝,
不經美田美林所節省的時間絕不止二, 三分鐘, 而且美田美林可擁有總站優勢, 效益很大.

節省行車時間，但浪費乘客候車及轉乘時間呢。
美田仲要兜埋大圍，分拆路線根本弊多於利，
亦都無迫切性，等到拆線後維持到15分鐘以下班次先啦。

原帖由 張偉沖 於 2014-4-9 13:16 發表
246X 同樣途經青沙公路, 無任何理據減價, 否則對九巴的收費制度造成嚴重衝擊.

246X行青沙公路又點? 咁270B,286C都係行青沙公路喎，唔收$6.8。
246X里程短咗25%無提速仲要縮減深水埗服務範圍，唔減價正正係9巴嚴重衝擊收費制度!!

原帖由 張偉沖 於 2014-4-9 13:16 發表
石硤尾人口老化, 需求較低, 班次無需增加.
源禾路需求較低,  而且己有九巴72,故此無需考慮.

求其拋句「需求較低」就叫做回應咗? 就可以削線?
而且你想講「無需考慮」啲咩?
維持86線原有分段收費? 286改經富豪麗豪? 72則增設源禾路雙向分段收費$6.8?
表達清楚d好喎，無謂令人以為係「無需考慮」你嘅意見啦~

原帖由 張偉沖 於 2014-4-9 13:16 發表
反對86A 延長至沙田市中心, 現時沙田市中心交通繁忙, 泊位緊張, 石硤尾往返沙田市中心需求較低,
因應九巴81 途經大埔道, 近大埔道的石硤尾乘客可選乘81, 或者增設特別班次,
由澤安開出途經大埔道往沙田市中心.

要開特班，係都由山腳行南昌街上澤安，
再揀(81)u-turn轉左行大埔道，或者(86A)轉右入獅隧啦。
你竟然拋澤安開落山再經大埔道往沙田市中心咁搞嘢...

原帖由 DIH 於 2014-4-9 21:48 發表
－286　改經富豪一段大涌橋路，九龍加經美孚及總站改往大坑東
－286C　改為只往西九龍中心，不往大角咀，空出一車給86或86A
－272X　大幅修改為奧運站－旺角－油麻地－佐敦渡華路
－72　來往源禾九龍回程減$4，實行一年，補償源禾沙中失去86。
－86A　不縮短

我自己一直忽略左富豪-大圍往長沙灣要靠287X轉乘286,286C,286X，
而86A早晚繁的確幾乎坐滿去長沙灣，所以同意86A唔應該縮去深水埗。

72就唔好學9巴搞花巧野喇，正經增設$6.8雙向分段啦。

諗返272X已經行緊中匯街，286C其實兜曬深水埗先入大角咀，的確無咩吸引力。
同意286C改往欽州街收原價$8.5，如果9巴死都話特快要加價，一口價頂盡$9.0 (參考87X)。
至於286改經美孚南下，車程大概較經興華街慢三兩分鐘，不過塞燈機會較低。
而286九龍總站方面，不宜前往大坑東，因為不及港鐵吸引(唔夠快)，也服務唔到澤安白田，效益不彰。
當然，純以令石硤尾加入青沙網絡為由，亦無不可。但始終石硤尾入沙田都係經獅隧較快。

原帖由 張偉沖 於 2014-4-9 10:07 發表

加左咁多次班, 客量增長平穩, 咪唔全日囉, 有咩問題?

40P 全日固然係最好, 但唔全日唔見得有咩大損失, 反正東北葵非繁仲可以用31M/235M 轉40.

連運吉自己都話 40P 載客率 90% - 94%，邊個話「客量增長平穩」？你又知道 40P 未全日的真正原因？

原帖由 hon_son_wilson 於 2014-4-9 22:21 發表


你竟然拋澤安開落山再經大埔道往沙田市中心咁搞嘢....

佢可能想未來51咁樣斬頭斬尾,
斬到澤安開車即刻落天橋上馬騮山,
你班蟻民要行山, 自己上去澤安轉車啦..

原帖由 S3BL100 於 2014-4-9 22:43 發表


連運吉自己都話 40P 載客率 90% - 94%，邊個話「客量增長平穩」？你又知道 40P 未全日的真正原因？

40P 客量早就超越 40，就連轉左特快之後，
40 同 40P 同時段比較，40P 客量都係強勁好多，所以叫班客 31M/235M 轉 40 其實係唔合理。

40P 我諗係目測載客率 90% - 94%，但係實際上飛站上唔到班客唔知佢又點計？
下繁 40P 觀塘一個站都上到企，黃大仙既客我相信係已經趕晒，因為根本頭班等到尾班都唔會上到。
全唔全日都仲有得講，但死不加班真係有o的過份。