港高鐵路段工程延誤

原帖由 PE7937 於 2014-4-15 23:28 發表
不如真係諗下果9列列車抵步後點處置好
要學老九將新車曬太陽,車廠未起好~
學ktt行羅湖特車/派去直通車,車身過闊

唔通真係留係青島咩....

現在就可以改裝, 加強防撞能力到歐盟最新標準了.

原帖由 barking 於 2014-4-16 02:13 發表


咁我可能係你所指的少數人, 主要原因係高鐵確能紓緩本地現有過境交通的壓力
我諗當年提出錦上路方案的香港公共專業聯盟, 宜家食花生中...

花生就食梗，但又未必同錦上路方案有關囉。
用錦上路方案都唔見得唔會延誤，A餐出事唔代表B餐無問題。

過去幾年發生太多事，而家我諗到既係，高鐵站在西九，廣東道勢將成為站前廣場。

租給廣鐵又得，同上面講好數，係上面走幾轉賺下又得。

現時廣鐵缺車底，消除站間閉塞後，班次還沒有大幅增加，車票又搶手（無論廣州南至深圳北又好，廣州南至潮汕又好，買票都不容易），廣鐵應該有興趣租港鐵車，只要港鐵不收太貴的租金就應該可以了。

根據生果報報導，原來投影片上面講嘅通車，係指只開放15個月台其中一個營運，如非「面子工程」或者奉承強國，都唔需要格硬黎吧。報導亦指龜公司只以本地鐵路工程的管理規模去管理高鐵項目，管理架構臃腫，只是修改圖紙設計已經成千上萬次。

我相信今次件事如果傳到海外，相信會影響龜公司競投其他國家的鐵路業務，例如遲少少的倫敦Crossrail。

原帖由 eternalflame 於 2014-4-16 09:59 發表
根據生果報報導，原來投影片上面講嘅通車，係指只開放15個月台其中一個營運，如非「面子工程」或者奉承強國，都唔需要格硬黎吧。報導亦指龜公司只以本地鐵路工程的管理規模去管理高鐵項目，管理架構臃腫，只是修改圖紙設計已經成 ...

留意下，英國high speed 2項目搵左JR東日本做技術顧問，當日本鐵路開始將技術同營運方法輸出外國，睇下世界級鐵路公司仲可以點樣爭生意

原帖由 053h4 於 2014-4-16 10:57 發表
其實傳說中的西九龍工程係總站北面及相關的接駁隧道, 所以要開就無可能只可一個月台咁少

唔明你呢句想講乜，同埋唔見得隧道起成點，同總站開到幾多個月台有乜關係。

不過聽聞過即使按原定2015通車的計劃，結構會全數完成，但通車時只開部份月台。到客量夠，先陸續開埋其他月台。

不過就算開一個月台都叫通車，照計頂多係慳佐局部裝修同鋪路軌。
重要裝置如結構，消防，信號，電力等應該要裝妥。照咁睇谷哂落一個月台，博2015，都好難影響大局。

2017不能再DELAY

否則沙中線完成一期

結局一定係南北線超出負荷

沙中線宋皇台掘到古跡，唔知會唔會變攔路虎，唔好俾我烏鴉口講中，大家一齊遲。