原帖由 AVD1 於 2014-4-18 20:56 發表 
我反而又有興趣想知你又有咩諗法, 何謂地方特色 ?
尤其一個新發展地方, 如何有特色之說 ?
樓上已經有朋友講咗原因, 個人再補充一吓:
例如啟德新區, 即使 CEDD 或者運吉講話用 "承先啟後" 做主題, 有冇同前啟德機場有任何關係先?
整到類似 "沐浴路" 呢類名只係俾人笑 (好在最後呢個街名冇出街啫)
街名係用來方便人之餘, 應同時反映地區新舊文化. 既然啟德係有過往歷史支持, 都做唔到呢類街名, 有啲失望
對比起以前, 人地改路名改得更有意思
再舉個例子, 啟德新區其實可以咁改名:
承豐道 => 郵輪碼頭道 (Cruise Terminal Blvd.) (包括日後跑道延長段)
近啟德跑道公園延長段 => 跑道公園徑 (Runway Park Drive)
將來再命名的街道:
D2: 承啟道 (Shing Kai Road) => 啟德道 (Kai Tak Road)
L10 / D4: 承昌道 (Shing Cheong Road) => 啟德河道 (Kai Tak River Road) 或 濱樂道 / 啟濱道 (Edutainment Promenade)
D1: 維持原狀 (即世運道及協調道)
D4 跨海段: 維持原狀 (即啟德橋)
近前停機坪的街道: 機坪道 (Apron Road)
近啟德體育館一帶之南北向行人專用道: 都會公園徑 (Metropark Lane)
龍津石橋遺址附近: 龍津橋路 (Lung Tsun Bridge Road)
其他地方既然已有公屋, 點解唔用屋邨名作頭?
又或, 點解唔用返 "啟" 字行頭?
又, 未知朋友你有否聽過一啲做物流行業朋友講, 喺舊區派件好易記街名, 例如新蒲崗用數字排列;
但一入到天水圍, 只係得天乜天物同處處公屋嘉湖, 唔睇地圖係完全難記, 咁樣定街名同屋邨名叫做方便人?
莫講話做派件, 連的士佬入到天水圍除咗天影路同朗天路識之外, 其他都唔識行啦
可能朋友你會有自己睇法, 冇緊要, 只係咁啱見有人出呢類 post 多嗡兩句, 不喜勿插
[ 本帖最後由 拾顓豭 於 2014-4-19 12:45 編輯 ] |
|
|
|
|
|
|
|
|
原帖由 KMBCTB 於 19/4/2014 06:34 發表
人地運吉話要「承先啟後」呀
街道命名從來都唔關運吉事。
個人認為啟德街道命名既另一可行做法，係重用昔日既彗星道、康維道、德高道、電星道、天威道、三星道等命名，只要係返條舊路本身個位附近，應該無咩問題
[ 本帖最後由 KMB-ATE1 於 2014-4-19 20:07 編輯 ] |
|
|
KXEnviro | @KX675
|
|
|
|
|
|
原帖由 拾顓豭 於 2014-4-19 11:54 發表
樓上已經有朋友講咗原因, 個人再補充一吓:
例如啟德新區, 即使 CEDD 或者運吉講話用 "承先啟後" 做主題, 有冇同前啟德機場有任何關係先?
整到類似 "沐浴路" 呢類名只係俾人笑 (好在最後呢個街名冇出街啫)
街名 ...
至於對啟德各街，則建議命名如下：
世運道、協調道、沐虹街、沐縉街及承啟道已通車段：均保留現名
D2、L2路(承啟道)：建議改為景炎道，以宋帝昺年號命名，或命名為三星道，以原本在此附近，已消失之三星道(舊機場內街道)命名
承豐道：建議更名為啟航道，以該處原為啟德跑道及未來郵輪碼頭命名
D4路的陸地部份及L10路(承昌道)：建議更名為啟健道，以啟德醫院命名，或名啟坪道，以故停機坪命名
L9路(擬名沐恩街)：建議命名為聖山街，該處乃二次大戰前聖山所在地，以此命名紀念，或命名四方井街，以近日發掘出之宋代古井命名
L16路(擬名沐信街)：建議命名為祥興街，祥興乃宋帝昰年號，以此名紀念宋帝昰、昺君臣曾到此地，亦即宋皇臺的命名原由
L7路(擬名沐禮街)：建議命名為德高街，以原本在此附近，已消失之德高道(舊機場內街道)命名，或命名龍津街，以龍津石橋命名
L11路(擬名沐元街)：建議命名為彗星街，以原本在此附近,已消失之彗星道(舊機場内街道)命名
沐翠街：建議更名為晴朗街，以其在啟晴及德朗邨間命名
L4路(擬名沐安街)：直接以與之相連的啟成街命名
L5路(擬名沐寧街)：建議命名為啟義街，二次大戰前之啟德濱，曾以啟仁、啟義、啟禮、啟智、啟信五個名字來命名區內街道，如今仁、信、禮三名已在九龍灣區內重用，故建議在未來啟德住宅區内重用餘下兩個街名，以此理念，餘下之L6路(擬名沐泰街)建議命名為啟智街 |
|
|
|
|
|
|
|
|
原帖由 拾顓豭 於 2014-4-19 11:54 發表
樓上已經有朋友講咗原因, 個人再補充一吓:
例如啟德新區, 即使 CEDD 或者運吉講話用 "承先啟後" 做主題, 有冇同前啟德機場有任何關係先?
整到類似 "沐浴路" 呢類名只係俾人笑 (好在最後呢個街名冇出街啫)
街名 ...
同意你所講既舊區街名真係易記d 除左新浦崗,九龍灣都好好記 大部份都係宏字頭 而家新地方d 路名有時又太複雜 講出黎,有時都未必知係邊頭
另一方面 小弟揸過新界的 去到天水圍都要諗一諗個客既目的地係邊頭(利申:屯門人,兼且係天水圍開荒牛)
不過如其話重整街道 我個人認為重整路牌更有意思 香港太多路牌都辭不達意 如果唔係有番咁上下路面經驗 十個有八個都會比路牌搞到兜個幾個圈...
[ 本帖最後由 FD_8592 於 2014-4-29 08:54 編輯 ] |
|
|
|
|
|
|
|
|
講起啟東道我覺得呢個算係一個唔係幾好既街名
好地地叫啟東道
一聽就知係啟德東面既
改名黎做咩喎 |
|
|
|
|
|
|
|
|
原帖由 FD_8592 於 2014-4-29 08:51 發表
九龍灣都好好記 大部份都係宏字頭 而家新地方d 路名有時又太複雜 講出黎,有時都未必知係邊頭
另一方面 小弟揸過新界的 去到天水圍都要諗一諗個客既目的地係邊頭(利申: ...
九龍灣好好記係因為大部份都係宏字頭
天水圍街道大部份都係天字頭, 點解就變咗好難記? |
|
|
|
|
|
|
|
|
我覺得巴士迷多數都記到巴士行經/停站的街道, 而冇巴士行的街道好多都唔識, 而好多非巴迷無論
你講咩街道門牌幾多號等, 根本講黎都o徙氣, 好多大街大路佢地都唔識, 淨係識港鐵站名,
渣車人士越來越依賴GPS定位同網上地圖等資訊, 就算事前知道目的地條街就係用該建築物命名,
唔識行就係唔識行, 個名好唔好聽.易唔易記都唔再重要.
九龍灣的街道唔係大部份宏字頭, 而係宏字.臨字.啟字.常字頭都有d, 係咪易記真係見仁見智,
況且我們所指的「難記」, 係難記得個街名, 定係難記埋個位置呢? 前者的話, 天水圍的街道名
其實係好易記, 基本上搵個人求其o翕幾個字都可能配到個街名出來, 難記我覺得係講緊個位置,
所以後者的話, 九龍灣的街名我覺得仲難記, 根本冇一個pattern(例如東西向係乜字頭, 南北向係
乜字頭, 或者乜字頭就堆埋響某一處, 冇o既), 入到去條條街的建築都差唔多樣, d街又短, 叫人點搵?!
啟德新發展區所謂"承先啟後"根本係夾硬來, 用呢個概念出發而改的「承啟道」, 我只係覺得冇頭冇尾,
承乜野啟乜野呢, 就咁三隻字根本唔知佢想講乜, 跟住整幾條「承」字開頭的街道, 由頭到尾俾我感覺
佢係為左開一個本身少用的中文字頭街名, 就用「承」字, 然後作個故仔出來話要承先啟後云云,
其實用「承」好用「沐」好, 鍾意咪用到夠囉, 作個故仔出來荒唔係因為新發展區, 要搵顧問計過度過,
最後點都要寫份野交差, 先至話「承先啟後」o者!
想講一講埋最近命名的「安秀道」, 明白到該處係安達臣道發展區, 街名有「安」字絕對可以接受,
但我第一次接觸後直覺以為係牛頭角上邨果頭的街道名, 再睇返安達臣道附近的秀茂坪同四順,
該處街道多以秀x.曉x.x安去命名街道, 所以個人認為叫「秀安道」比「安秀道」更好, 不過根據啟德
新發展區的經驗, 將來安達臣道發展區的街道用「安」字開頭會成為趨勢, 如果屬實, 就要記實某三條
「安」字頭係牛頭角上邨, 某些係位於安達臣道發展區. |
評分
-
查看全部評分
|
|
|
|
|
|
|
|
原帖由 bananasims 於 2-5-2014 01:14 發表
我覺得街名呢家嘢係藝術，唔需要為咗突顯嗰個地方既特色既…
好似蒲飛路、龍翔道、呈祥道
之前睇新聞透視，改名嗰個人話過係「好多蒲公英飛」，但真實係咪有蒲公英飛
呢啲路無突顯地方特色都改得好
而家香港以屋苑居多 ...
你講既理論上係可以 好似美加咁 大部分都係以數字起
好似"1st Street" "2nd Street"
去到第九一定係Broadway 俾人感覺就係一個公式化既地方
如果地方名同街名能表現地方特色就係錦上添花
呢樣係反映一種文化 人性化的表現
畢竟地方同居民既互動可以反映係街名之上 更有親切感
香港道路跟英國 全部係起名
只係主要幹道先有數字系統(highway係M字頭，跟住就係分ABCD)
英國人印象上都會記到名 因大多數人都揸車
當然唔熟路用GPS就唔會理佢咩名啦
香港島區既街名比較多歷史因素 因早期發展
有D街道曾經政府想改名 如士美菲路英文"Smithfield"
但俾港大某教授以破壞歷史為由而反對
事實上如果你深究一下 街道名係包含左好多有趣既元素 歷史同文化
雖然香港以屋苑居多 你寄信可以連地方名都唔寫 就咁「新界彩明苑XXX」
但你唔用到佢唔代表佢就唔重要 事實上遊客、送貨佬好多人都會用到
[ 本帖最後由 busfunfun 於 2014-5-25 01:00 編輯 ] |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
