車長忘記調較八達通收費方向，對車長有影響??

原帖由 lsc04d11 於 2014-4-24 20:12 發表
幾位網友都話要個MON顯示埋方向，或者教人學睇紅色或白色。

我個人覺得，要確保八達通機方向正確是司機的責任，並非乘客的責任，點解要乘客去睇番架車既八達通收費器有冇SET錯？我覺得乘客只有責任理自己有冇上錯車。

最大責任係巴士公司,
點解要限死一個方向有轉乘計劃?
甚至要乘客限死上某一條線,更甚的要指定某收費分段區才有轉乘計劃,
就算果度有條相同途經,相同收費及更頻密的路線,
只要乘客上左非指定路線,就無轉乘計劃

原帖由 syp 於 2014-4-24 21:52 發表


呢個係雙方嘅責任, 冇話應該其中一方負晒所有責任。不過如果話係乘客一方責任佔細啲我認為都合理。

九巴從來無公開過八達通機字體顏色同行車方向有關，
新城直頭睇唔到，
乘客理論上係唔會知道八達通機有無 set 錯，亦無可能次次「裝」車長個控制器。

你話車長無 set 分段乘客又照過機導致無左轉乘，乘客就有責任，因為應該睇清楚車費岩唔岩先拍卡，
但如果係講方向，既然乘客係不 suppose 會知道部機 set 左咩方向，呢個當然完全係車長既責任，關個客咩事？

其實我唔太明白點解九巴出退錢要等咁耐，上面有位師兄講城巴一星期就有支票收，就覺得九巴太多麻煩手續做

原帖由 cklee19810419 於 2014-4-25 09:40 發表
其實我唔太明白點解九巴出退錢要等咁耐，上面有位師兄講城巴一星期就有支票收，就覺得九巴太多麻煩手續做

睇嚟城巴少人有收錯錢投訴，甚至無乜人留意有問題/少發生，再加上有關人仕得閒簽到支票先咁快啦。

曾經試過兩個人一齊分別搭2A/6D，齊齊轉11B，車長錯方向搞到無免費，
報咗hotline等咗成個月先收到電話有錢退，CS問我攞戶口號碼，再等多幾星期先戶口先收到$9.8。

原帖由 cx734 於 2014/4/25 01:02 發表


最大責任係巴士公司,
點解要限死一個方向有轉乘計劃?
甚至要乘客限死上某一條線,更甚的要指定某收費分段區才有轉乘計劃,
就算果度有條相同途經,相同收費及更頻密的路線,
只要乘客上左非指定路線,就無轉乘計劃 ...

如果唔限死同一個方向有轉乘計劃會唔會將轉乘優惠變成回程優惠? 既然個 plan 定咗個 scope 係咁, 技術上有責任在可行情況下防止出現漏洞。

Sorry, 我唔係講方向, 我只係想講乘客有責任拍卡前後都留意收費器上有否異樣, 如果發現收錯錢要出聲或爭取退款。

原帖由 syp 於 2014-4-25 11:37 發表

回復 32# 的帖子
Sorry, 我唔係講方向, 我只係想講乘客有責任拍卡前後都留意收費器上有否異樣, 如果發現收錯錢要出聲或爭取退款。

但最大問題是九巴冇向乘客解釋清楚例如白字與紅字的分別，乘客對於例如俾BBI的時候又如何能夠真正做到拍卡前後都要留意收費器上有否異樣這個point。

[ 本帖最後由 paul2357paul 於 2014-4-25 12:04 編輯 ]

我講緊係 general case, 任何情況下拍卡前或拍卡後都應留意。

原帖由 syp 於 24-4-2014 09:52 PM 發表


呢個係雙方嘅責任, 冇話應該其中一方負晒所有責任。不過如果話係乘客一方責任佔細啲我認為都合理。

但我覺得樓主講既case，乘客係「零」責任囉…
你拍卡點睇八達通方向？有人話車長控制器睇到，到你行得入車廂「裝」個車長控制器時，你還未拍卡嗎？而且唔會個個都係上左車廂先拍卡。

總之我覺得我上o岩一架o岩方向既車，我有拿出八達通卡或合適金額的現金，兼查核收費正確，就已經完成了乘客的責任。

認同分段既話，乘客就「有需要」(又唔係責任既…)先留意八達通卡顯示之收費。(所以九巴換左個d大顯示屏，而車費的字體是最大的)



舉一個都幾誇張既例子︰
如果你O係平日繁忙時間見到962B個牌寫往銅鑼灣，而你係知情既話，你「有需要」(並非責任)同司機講錯牌，因為上繁只能到金鐘。
但如果你上左架顯示962B既車，而其實係962S，老實講你上車時唔會知道，最多去到轉車站先發現，你先「有機會」同司機講。
等同SET錯八達通的話，你要O係佢扣錯錢時先可以同司機講……(不過，即使扣錯錢，仲可以有其他原因，乘客記錯轉乘路線，呢個就係乘客既錯，乘客未必夠膽100%肯定自己冇錯)，咁點解「調錯八達通方向」呢個責任會有乘客負擔的部分？

[ 本帖最後由 lsc04d11 於 2014-4-25 20:31 編輯 ]

原帖由 toyl 於 25-4-2014 10:41 發表

睇嚟城巴少人有收錯錢投訴，甚至無乜人留意有問題/少發生，再加上有關人仕得閒簽到支票先咁快啦。

曾經試過兩個人一齊分別搭2A/6D，齊齊轉11B，車長錯方向搞到無免費，
報咗hotline等咗成個月先收到電話有錢退，CS問我攞戶口號 ...

最近城巴收多咗我錢，打去同佢講，一星期就收到支票
九巴要搞禁耐證明佢根本無心去理件事