為何越來越多市區線想轉做30分鐘一班? 香港人真的能接受嗎?

在2014-15年的RDP中, 教我吃驚的是有更多線, 甚至新線都以30分鐘一班, 而沒有固定的聯合班次,
例如: 973, 貴到不在話下的88X, 新83X, (請接力)

九十到千禧年代, 運輸署的guideline話一般市區的專利巴士不應疏於二十分鐘一班, 以提供市民有充足的巴士服務

本文的意思不是蝕錢線巴士公司都要夾硬開到好密,

但是本人實在認為, 過於疏(及不穩定的行車狀況)實在等於'倒自己米', 趕客.

例如, 即使14X定位方便, 入彌敦道, 但咁的班次, 加士居道旭啲又塞, 怎叫人在尖沙咀等? 對我來說, 廿分鐘一班我還勉強會等. 20分鐘一班的973, 等還可接受. 30分鐘, 如西營盤上, 計時間, 叫你點博?

計劃中的83X和88X所謂搞聯合班次(毎邊30分鐘一班), 但大循環, 未計塞車. 又係趕客.

咁多半個鐘, 我寧靜立心搞大型巴士轉車站, 有點到點接駁線好過. 但除了青沙, 其他轉車站, 如太子道東, 美孚, 山谷道等, RDP又一概不提.


我只怕, "30分鐘"成為了所謂議員和政府新的"下台階", 議員可以話: "條線無取消到架!" (不過你唔搭你的事), 政府又話做咗減車. 但係治標不治本, 不如加快搞大型加密轉乘對長遠更有利. 好過市民苦等.

係囉，一米話轉車。好啦，我米轉多幾次車到目的地囉，但是當D路線成30分鐘一班，轉車個陣見到車尾，又要等成半個鐘，夏日炎炎個陣時，中暑都似，咁個樣不如索性保鐵la。搞到成個車程可能由一個鐘都唔洗，變左個半鐘。

就係, 其實有心同無心之分.

有心的, 在大型轉乘站可加冷氣候車室, 巴士公司計埋慳返嚟車成本的$, 除笨有精.

無心的, 求其被個八仔轉乘你, 慢慢等, 過到骨, 係咁先.

[ 本帖最後由 偉文 於 2014-4-27 13:07 編輯 ]

20分鐘一班真係上限，特別在有壞車時，等多一班都可以接受。

除非獨市, 否則要等20分鐘又同地鐵重疊既巴士線需求根本不大
仲未計係旺區等足四個字後上車塞成粒鐘先去到目的地個d
繁時坐690過海可能等足四個字先有車, 但係坐地鐵可能已經到左目的地..
所以架架隧巴都打爆時690連位都未坐晒
巴士而家除左密車線外條條都要等餐爆, 車費又要貴過港鐵, 塞車又塞餐爆, 除左放工想一程過返工真係咪攪...
巴士既競爭力不斷下降, 但係港鐵又成日壞

20分鐘其實真係一個極限
(個人認為最理想係12/15分鐘)
大熱天時喺條街度等20分鐘食塵絕不好受
又或者好似板友建議咁,喺大型轉車站起空調候車室都可以吸引到人入去等
(同時入面可以擺售賣機,電視播廣告增加收入)

我覺得市區線 20 分鐘一班已經係上限
最好好似新巴 30X 咁大部分巴士站有預計到達時間，
等乘客預好時間去搭車。

如果善用科技，顯示晒每條線幾耐有車到巴士站，又可以係手機/巴士站睇到
其實佢開咩班次都無影響，唔岩時間就搭其他工具，不過依家佢唔善用科技，又係度慢性減班
都好似唔想有人搭巴士，最尾博成條取消咁

原帖由 kay 於 2014-4-27 14:34 發表
如果善用科技，顯示晒每條線幾耐有車到巴士站，又可以係手機/巴士站睇到
其實佢開咩班次都無影響，唔岩時間就搭其他工具，不過依家佢唔善用科技，又係度慢性減班
都好似唔想有人搭巴士，最尾博成條取消咁 ...

其實有屯轉開始已經可以有GPS做實時位置
之不過比你知實時位置咪洩露九龍公司商業機密囉

原帖由 kl9327 於 2014-4-27 14:30 發表
我覺得市區線 20 分鐘一班已經係上限
最好好似新巴 30X 咁大部分巴士站有預計到達時間，
等乘客預好時間去搭車。

新巴 30X 真的有預計到達時間 嗎？ 我很想知道
不過根據觀測差異還是很大（特別在中環分站）