無線是否無野好播

http://hk.apple.nextmedia.com/en ... t/20140430/18704732

8點半播西遊記

仲要係倉底貨+大陸貨
大陸播放時收到不少投訴

無線你好野!!

我覺得播西遊記=無野好播

我寧願佢播番1996年張衛健版西遊記

翡翠台跟往時(十多年前)的本港台一樣, 而且不是近日的事, 如果十年後翡翠台, 連非網民觀眾都覺得可有可無,
也不用感到奇怪, 因為隔離台冇野俾佢抄, 咪冇野好睇囉!!

弄清楚一點，這套是於去年1月在無線收費電視的無線精選台首播，故不算是倉底貨；而且近年來無線大部份的外購劇集都是先於無線網絡電視首播，於免費頻道的翡翠台、J2 或高清翡翠台重播，這套是其中之一，只是首次於黃金時段的兩台同步時段及於海外的相若時間（馬來西亞華麗台、澳洲 TVBJ 及加拿大新時代電視）播放而已。

另外無線原本於2011年亦有同樣的計劃，因為於2010年的節目巡禮中曾經計劃過把當時已經於無線精選台播放中的《三國》於黃金時段的兩台同步時段「重播」，但是最後卻只於高清翡翠台播放了兩次（一次在接近半夜的「高清劇場」，另一次是現時於早上7時及下午4時的「日日好戲場」時段）。

平時就話大陸劇幾咁好睇
好過港劇多多聲
好啦播一套大陸劇即刻叫腰斬
無記根本係想反證俾班人睇大陸劇唔一定好過港劇~
PS.但大大聲叫腰斬班人成日自稱唔睇TVB
搞到我好矛盾~.~

原帖由 PoohPoohJoe 於 2014-5-1 21:08 發表
平時就話大陸劇幾咁好睇
好過港劇多多聲
好啦播一套大陸劇即刻叫腰斬
無記根本係想反證俾班人睇大陸劇唔一定好過港劇~
PS.但大大聲叫腰斬班人成日自稱唔睇TVB
搞到我好矛盾~.~ ...

其實之前無線在黃金時段播放的中劇不是每一套都是很吸引，收視率較好的便有《鐵齒銅牙紀曉嵐》，失敗的例子有《情深深雨濛濛》（但是沒有被腰斬）、《還珠格格之天上人間》、《一生為奴》等；而在數碼廣播啟播後，只有《鹿鼎記》及《鐵齒銅牙紀曉嵐 IV》是安排於黃金時段播放的外購劇集。

原帖由 hkaiw 於 2014-5-1 21:28 發表

其實之前無線在黃金時段播放的中劇不是每一套都是很吸引，收視率較好的便有《鐵齒銅牙紀曉嵐》，失敗的例子有《情深深雨濛濛》（但是沒有被腰斬）、《還珠格格之天上人間》、《一生為奴》等；而在數碼廣播啟播後，只有《鹿鼎記 ...

瓊瑤系《情》和《還》由無線搶來播映, 擺明別有用心, 播出期間甚少宣傳, 遇到批評亦不會護航, 由得佢自生自滅, 收視好才怪!
(《一》劇從未接觸過, 不予置評)

外購劇或者普通港劇好唔好睇, 真係同電視台宣傳同造勢夠唔夠勁有關, 睇下《大長今》(小弟從未睇過), 未播就鋪天蓋地式話有幾咁好睇幾咁好睇,
當時又有幾多人識劇入面o既人呢, 李英愛識唔出奇, 做閔大人果位男演員(我到依家都o翕唔出佢個名)又有幾多人識?! 一路播一路狂宣傳先再多d人睇
(我仲好記得當時追緊《甜孫爺爺》, 冇理過《大長今》) , 煲到最後破埋收視紀錄.

《大長今》推出時, 其實是亞視韓劇(催淚為主)熱潮慢慢退卻的時候, 如果沒有《大長今》, 未必搵到一套撐得住一至五黃金時段的韓劇(比如小品式的
《浪漫滿屋》), 買劇亦唔係話買單一一套就得, 買得《大長今》, 一定搭埋d豬頭骨.豬耳.豬皮俾你, 就算之後一兩套唔o岩口味, 起碼捱得到頭兩三個禮拜
有好收視, 之後就睇自己造化(如《醫道》), 《大長今》熱潮由年頭講到年尾, 男女主角hit左唔止一年, 藉此可以俾到信心韓國電視台, 收視比由隔離台
播出可以高出以倍計, 令對家連外購的機會都失去!

《鐵》劇之外, 真係數唔到有咩一至五播出的內地外購劇好收, 《鹿鼎記》唔係同對家《俠骨仁心》打仗唔會宣傳得咁勁(難得主角都返來做宣傳),
兩劇的主題曲在各大電台流行榜都旗鼓相當, 證明左對家唔係冇實力, 只係輸在宣傳(一向靠口碑)同慣性收視.

想帶出的是, 一個電視台(翡翠台)好地地做乜要播外購野?! 今次佢唔係為打仗, 唔係為報復, 為的是建立觀眾對內地劇集的信心? 或是無線再拍唔出
(唔夠人? 唔夠財力? 唔夠創意?...)如《大冬瓜》.《搜神傳》等受青少年歡迎的電腦特技劇集?

當年亞視開始一至五黃金時段播外購劇, 同時被大量挖角, 亞視財力有限, 輸係意料中事, 捱到1998年要轉手俾吳征, 外購劇/節目份量一半一半,
但都有過一番好景, 原因係買回來播的都是全新劇集, 幾乎同台灣同步, 加上引入外判, 港劇同節目構思有來自不同媒介的思維, 最好的都拍出來,
同一段日子播放不同類型的劇集/節目, 質素才會有保證, 多加宣傳之下成績斐然, 有目共睹, 只可惜做電視始終「燒錢」行業, 2000-01年後連
斷斷續續的承接力都冇埋, 品牌劇集《喜有此理》和飲食節目系列相繼滅亡, 前者好地地玩腰斬, 搞個《大城小故事》搞出個大頭佛, 收視下跌,
口碑不再, 演員都不明所以, 後者被無線同時段播放同類型節目, 「雞有雞味，魚有魚味」難復當年勇, 慣性收視台的靚人+美食至能吸引觀眾眼球,
《香港亂o翕》應該算係亞視近期引起大眾熱愛的節目(五年前的製作), 最終也是玩自毀, 做爛晒!

外購劇集方面, 完全靠口碑而殺出血路真係唔多, 十多年來一至五播過無數外購劇, 收視和口碑俱佳的記憶中有06年《我係金三珣》及09-10年
《錯愛仍是愛》, 兩劇宣傳不多(後者近乎零宣傳), 但在極佳口碑下, 收視穩步上揚, 後者接續的多部外購韓劇賣點不多, 但收視仍可保持一年之久.

或者有人會話, 亞視唔生性, 不求改進, 一味外購, 乜節目都做爛晒, 又勁重播, 但話分兩頭, 做電視始終要$, 而且俾對家睇住黎打,
搞成今日咁邊個(觀眾)都有責任?!

近年無線換左阿頭, 情況真係唔同晒, 至少我睇到近年無論在節目編排, 抑或劇集/節目內容的橋段同十幾廿年前的亞視倒模一樣(可能同某高層
近年入主有關). 今年初, 睇到無線廣告有個外判節目計劃, 叫人發揮創意云云, 其實又係行十幾年前亞視同近年港台電視部果套, 以大台財力,
呢條橋應該玩得耐過亞視, 但節目種類和題材有幾闊, 最終都要內部計過度過, 要與收視率取得平衡先出得街, 過去兩年的台前幕後挖角潮過後,
無線蜀中有誰可當大將? 有, 但都有去意, 出面個世界咁大(尤其是內地), 俾唔到好offer邊個會留? 無線前景如何, 睇怕只有越來越無好野播!!

原帖由 hkaiw 於 2014-5-1 21:28 發表

其實之前無線在黃金時段播放的中劇不是每一套都是很吸引，收視率較好的便有《鐵齒銅牙紀曉嵐》，失敗的例子有《情深深雨濛濛》（但是沒有被腰斬）、《還珠格格之天上人間》、《一生為奴》等；而在數碼廣播啟播後，只有《鹿鼎記 ...

重點係
播港劇又話膠
播大陸劇又話膠~
呢套可能真係膠啦
但其實係一個反思
究竟港劇係咪差過大陸劇
之前播港劇就話膠
而家播西遊就話港劇好睇過佢
(我唔排除根本有班人係仇富MODE，TVB做咩都插)

原帖由 PoohPoohJoe 於 2014-5-2 18:13 發表

重點係
播港劇又話膠
播大陸劇又話膠~
呢套可能真係膠啦
但其實係一個反思
究竟港劇係咪差過大陸劇
之前播港劇就話膠
而家播西遊就話港劇好睇過佢
(我唔排除根本有班人係仇富MODE，TVB做咩都插) ...

不同網上討論區早期出現的言論(正評或負評)其實有相當可觀性,
可是網民的年紀很大程度上會受朋輩關係影響(要合群),
一係唔出聲, 一係乜都響應, 加上網民們之間日漸熟絡,
近年更滲入"打手"文化, 完全不理實況地結伴"盲撐" / "盲反",
在最近流行的名詞"一籃子"底下 , 實在很難再在網上討論區
睇到客觀持平的意見.

夜少少播映的《女人俱樂部》明顯唔係普遍網民年紀的口味,
部劇爛唔爛都唔係佢地去評, 況且有十幾個角色的演員去跟,
報刊求其搵兩三個去報導已經收宣傳效用, 正評點都多過膠評.