港交所（388）真係升到你唔信

早排貼近40蚊諗住點都見頂啦，點知今日竟然一升就升超過5蚊

受惠於近幾日股市升幅
交投量上升
今日(6/4)早上高開
之後已見回吐
可能會繼續爆上

港交所亦一躍成為入場費最高的股票
而家買一手 (2000股) 盛惠十一萬

原帖由 Rick 於 2006-4-6 22:35 發表
早排貼近40蚊諗住點都見頂啦，點知今日竟然一升就升超過5蚊

我覺得係供求問題和人為因素, 以致港交所股價長升長有.

港交所的市盈率已經去到40多倍, 已經不便宜. 有人話每日成交額持續有數百億, 港交所從中得益, 我就覺得得益並不如想像中多. 每20,000圓的交易中, 港交所只收取買賣雙方各$1作交易徵費, 即使每日有400億元成交額, 港交所每日的收益只是400萬元而已, 每年52個星期x5個交易日 (未扣除星期一至五的公眾假期), 每日400億元成交計算, 港交所每年的交易徵費只是10億左右. 就算這10億元不用扣除任何營運成本, 相對現在的股價而言, 已是數十倍PE了.

而且, 當年港交所是以介紹形式上市, 將股份分派予持有經紀牌照的機構 (例如證券公司), 在貨源歸邊的情況下, 難免會令股價屢創新高 (供求問題).

我曾經於港交所股價約35元時叫朋友買, 諗住港交所升到盡都只是四十多元而已, 估唔到昨日一舉去到五十多元, 一般散戶 (包括我在內) 根本玩唔起, 明知港交所股價識得印銀紙, 都買唔起.

面對上海深圳交易所的競爭, 我唔會高位入港交所

原帖由 Rick 於 2006-4-6 10:35 PM 發表
早排貼近40蚊諗住點都見頂啦，點知今日竟然一升就升超過5蚊

真慘，之前唔夠膽，只入得一手...........

相信近日狂升同世界潮流興交易所合併有點關係~~

原帖由 sad 於 2006-4-8 11:27 發表
真慘，之前唔夠膽，只入得一手...........

相信近日狂升同世界潮流興交易所合併有點關係~~

早排傳過香港,深圳交易所研究合併之可能性...
雖然兩地毗連,但體制有別,在可見將來都幾難成事.

原帖由 chrisappear 於 2006-4-8 18:23 發表
早排傳過香港,深圳交易所研究合併之可能性...
雖然兩地毗連,但體制有別,在可見將來都幾難成事.

港交所公司章程禁止任何人/公司/有相連人士
持有超過5%既股權,因此不能被收購.
而且與其它上市公司有別,香港特區政府雖然無股權,但係有法定董事會代表.

原帖由 Rick 於 2006-4-6 22:35 發表
早排貼近40蚊諗住點都見頂啦，點知今日竟然一升就升超過5蚊

無謂「珅」啦，不如發掘下其他將會有可觀升幅的
股份好過。

原帖由 fp8329 於 2006-4-16 02:01 發表


無謂「珅」啦，不如發掘下其他將會有可觀升幅的
股份好過。

不如大家來一次 "腦震盪", 推介一些將來有可觀升幅的股份啦.我俾先:

1. 周生生 (116)

周生生做乜野生意相信大家都知, 但係周生生係持有港交所 (388) 股份, 港交所股價上升, 連帶周生生持有港交所股票的市值上升. 周生生股價去年曾高見5蚊樓上, 之後急跌到3蚊附近才喘定, 現價3.55, P/E只係11倍, 再加上派息尚可 (13仙), 再跌的空間有限. 初步上望4蚊

同類股份: 大福證券 (665)

2. 中國光大控股 (165)

光控持有光大銀行股權, 而光大銀行在光控的資產負債表中的價值係 "零", 換言之, 倘若重新估值, 光控的資產值可獲大幅提升, 再加上渣打集團 (2888) 一直有意入股以及光控好想將光大銀行上市, 有一定的值搏率. 雖然這些消息已經在市場流傳了一段時間, 而光控的股價於三月份由4蚊左右升至最高4.9附近 (受中信國際金融 (183) 收購中信銀行股份消息刺激), 現價4.625已經可以睇位上車, 三個月內見5蚊. 不過, 這隻股票的走勢相當慢, 最好有點耐性.

同類股份: 閩信集團 (222)

3. 中國無線 (2369)

中國無線是國內的手機生產商, 並已接到中國聯通 (762) 的手機訂單, 共訂購30萬部手機, 於今年8月付運. 隨著中國政府將會發出3G牌照, 作為電訊設備生產商, 理應受惠. 此股有一不好處是波幅大, 每日上下波幅可以有5-10%, 少點EQ都有機會被嚇破膽, 但長遠來講, 中國無線的上升空間不俗. 現價1.92已比最高2.45回落20%有多, 如果能夠在現價購入, 即使回升至2.2, 已經有10%回報了.

申報利益: 我已持有中國無線股份, 但買入價比現價高少許.

同類股份: 晨訊科技 (2000), 京信通信 (2342)

先此聲明, 我所推介的股份只供參考, 買入與否須由個人決定. 希望其他板友都可以推介一些好股票給大家研究研究.