重組交通運輸政策,政府責無旁貸

其實運輸署既角色都好亂

環保又關佢事
港鐵又關佢事
巴士公司賺蝕又關佢事

顧得晒呢三樣野，小巿民就會係輸家

大家都見過運吉係區議會點樣幫環保、巴士公司立場、鐵路為主既政策去背書同回帶
有無心去推動重組，真正令全港巿民得益，其實一早不言而喻

如果真係有心推動，其實每一個區都有好多交通問題要解決

道路唔係淨係比巴士行，貨車都要靠馬路搵食，電子道路向貨車收費，咁係咪由巴士運埋貨先？

學胡志偉話齋，將電子路費嘅收入，用嚟改善公共交通服務，令所有人嘅travel time都下降，對所有人都公平。

原帖由 053h4 於 2014-5-16 11:31 發表
以中產名義反對電子道路收貴, 即係咩都唔洗做啦

其實中產並非甚麼洪水猛獸。
當中除了專業人士，也有大部份非專業的cap水家。並非神聖不可犯。

原帖由 FS1819 於 2014-5-17 07:05 發表
學胡志偉話齋，將電子路費嘅收入，用嚟改善公共交通服務，令所有人嘅travel time都下降，對所有人都公平。

但而加紅隧有收費，卻仍然搞到周圍塞車，可見收費並非萬能，而且就係因爲塞車有d人先去坐港鐵、巴士，如果因某項政策塞車時間趨向減少，呢班人就可能回流，最終

塞

車時間不會有大改進

原帖由 Dennis34 於 16-5-2014 08:25 發表


有冇誇張咗啲呀?電子道路收費可以搞到暴動?
喺外面咁同人咁講真好笑大人嗰口,反而加車費會導致暴動嘅機會咪仲高。
中產又唔係社會上一無所有嘅人，會輕易願意放棄事業同其他嘢去以身試法?
你話佢哋上街示威咪仲合常 ...

我只係想講，呢樣野易做難撤
真係實行左之後，
市民唔一定會係贏家
到時受罪既唔只係揸車果班人

你諗下班有錢既理鬼得你咩收費咩收費   車就照揸
如果公共交通有豁免  班人會揸車轉搭的士   
情況就係一樣塞
冇豁免仲慘  車費就加硬


唔通有左道路收費  班人唔返工??
當然公共交通或會更迫  結果咩人受罪??
根本通路政策/設計問題  要由市民埋單
政府同政黨就開始洗腦  睇下新加坡撈得幾掂
我唔該你去下星洲睇下D市民咩反應先啦

[ 本帖最後由 busfunfun 於 2014-5-17 16:49 編輯 ]

原帖由 busfunfun 於 2014-5-18 00:44 發表

我只係想講，呢樣野易做難撤
真係實行左之後，
市民唔一定會係贏家
到時受罪既唔只係揸車果班人

你諗下班有錢既理鬼得你咩收費咩收費   車就照揸
如果公共交通有豁免  班人會揸車轉搭的士   
情況就係一樣塞
冇豁免仲 ...

咁運吉一定要加番QUOTA俾巴士公司加班架
因為對公共交通需求大左

的士全港就係得咁多
(最多唔夠的士搭姐)
起碼好過私家車牌係咁出

其實唔一定道路收費
彈性上班分散人流可能有DD效

不過應該唔係個個都鐘意比平時返9點既返得早
有D工亦未必可以由9點延後至10點或更遲開工

同埋香港都唔太興Home Office..

有時城巿人既作息同習慣都有影響

香港交通衰在繁時同非繁客量差太遠，繁時班班爆，非繁又好多運凳，好難拎套policy去滿足繁時同非繁兩種截然不同既需求

其實香港公共交通曾經係最成功的世界例子之一, 以香港人口, 地理等限制下, 能夠有效率安全可靠運作, 服務大眾...

但到2000 後, 突然整個系統好似急速走下坡, 鐵路事故多了, 巴士服務差了, 好似公共交通系統不再可靠

背後其中一個主要原因是"保鐵政策"...."保鐵政策"將巴士資源限制, 將同路線的班次減少, 巴士公司無心做, 而乘客
大量壓力落左去鐵路, 而鐵路即使有新線開, 舊有路線卻受不了壓力, 結果事故多了, 有事時亦處理不了

要改變情況, 必須首先令巴士行業有利可圖

而係香港, 除非道路收費係達到一個好貴水平, 否則根本無助解決問題, 好簡單講, 渣私家車一班都知, 香港本身渣車都
已經好貴, 泊車, 油錢, 本身牌費, 保險樣樣都唔平, 即使加設道路收費, 如果唔係貴, 其實駛費多一樣唔多.....影響唔到
那班人的決定, 點解D人要渣車? 除左工作等關係, 有時亦是實際需要, 如車D 小朋友返學, 去玩等, 你叫佢一家人加D
收費去改變成家人習慣就好難.....正如上到山頂, 明知泊車貴都會泊GA...要去就會去......再講, 有錢就可以入, 咁對於
好多人黎講根本就唔係問題, 如果老闆要去收費區, 公司車一樣會車入去....

如果要令繁忙地區減少車輛, 唔應該用收費, 而是應該更大範圍實施車輛禁區, 直接禁止非公共交通使用, 中環德輔道中都做到,
其他位置一樣OK, 最多分時段俾人其他時間用, 包括落貨等....咁樣加個牌就可以, 唔駛道路收費基建, 亦唔駛因為收費水平
而爭論, 係一D 較大路面, 容許私家車, 亦可以加設更多, 甚至雙線的巴士專線, 係現有法律框架下已經可以做到...

私家車方面, 其實政府要做係增加停車場, 減少D車泊街, 或周街等位, 已經可以放寬一定已有路面的使用, 重新規劃, 而唔係
只是不斷加稅....

巴士公司當然亦要增加便民設施, 包括車站等車時間提示, 增加特定路線/時段之雙向分段, 更有效動用車隊資源....

[ 本帖最後由 3ASV196 於 2014-5-18 11:15 編輯 ]

原帖由 3ASV196 於 2014-5-18 10:14 發表
要改變情況, 必須首先令巴士行業有利可圖.

最慘係巴士公司起香港係私營機構,
如果政府處理得差分分鐘會比人指係利益輸送 ...