[經歷分享/報告]
重組交通運輸政策,政府責無旁貸
[複製鏈接]
|
原帖由 kay 於 2014-5-22 07:06 發表 
賣盤大前提係要有人肯接
如果當年唔係周大褔食左城巴，英國公司可以隻身而退?
九巴之前都有傳放盤，最終無左件事就唔知咩事啦
九巴的確唔係做善堂，但係巴士業務上，佢的確接近壟斷晒九龍新界
對佢有返D要求係合理，唔係既話 ...
當年新城惡鬥, 攪到港島大塞車, 結果政府要係繁忙地區實施配額制,
你仲想重覆當年的慘痛經驗?
九巴七成路線蝕緊錢, 邊個嫌錢多得濟未蝕過先, 梗係無左件事啦.
仲有, 人地九巴始終係商業機構, 唔係社企, 以盈利為主根本無問題,
九巴無責任fulfill 所有要求, 包括要總站車, 拉長路線唔加價等等.
[ 本帖最後由 張偉沖 於 2014-5-22 11:28 編輯 ] |
|
|
盲目反對 香港已死
|
|
|
|
|
|
原帖由 張偉沖 於 2014-5-21 12:32 發表
至少人地歐陽先生講左一樣事實, 一針見血: 區會阻撓重組.
你去北韓喇，香港唔啱你住 |
|
|
|
|
|
|
|
|
原帖由 9032~HW1045 於 2014-5-22 17:42 發表
拎埋d88x、83x大循環呢類垃圾出黎，唔反對先奇！
你去北韓喇，香港唔啱你住
我建議你多D 睇返本版舊文, 做多D research,
看下呢兩年看下有多少個重組係因為區議會反對而延遲, 擱置,
區議會網站也有, 你講呢D說話都改變唔到區會阻撓重組的事實. |
|
|
盲目反對 香港已死
|
|
|
|
|
|
原帖由 張偉沖 於 2014-5-22 20:46 發表
我建議你多D 睇返本版舊文, 做多D research,
看下呢兩年看下有多少個重組係因為區議會反對而延遲, 擱置,
區議會網站也有, 你講呢D說話都改變唔到區會阻撓重組的事實. ...
好彩班區議員仲有良知有底線
唔通香港行23條，明知有問題，損害香港人利益，都去贊成?
好學唔學學埋民建聯D衰野，當年唔知係咪葉國謙話反對23條個班人全部係被誤導，上街遊行個班都係
結果?民建聯個年區議會選舉大敗囉！自此民建聯都無乜點公開講23條
誤導別人，害人終害己，仲衰過造假 |
|
|
合理行為不容無理干涉,後果自負
|
|
|
|
|
|
原帖由 kay 於 2014-5-22 20:34 發表
唔正面答你，倒返轉黎問你:
1.有無聽過"大巿場，小政府"原則
2.有無聽過"有競爭先有進步"
3.有無聽過"汰弱留強"
我可以話你聽呢套根本就唔存在, 因為宜家個環境根本無公平競爭呢回事,
巴士已經受惠於政府特定政策, 例如免稅油, 巴士專用線, 新公路幹線的興建巴士公司都唔駛出錢,
如果真係要實行你呢套原則, 麻煩取消巴士免稅油, 取消巴士專用線, 取消紅色小巴禁區,
連小巴都要增加座位以吸引乘客, 以巴士自身的限制, 肯定會被淘汰.
今時今日交通越搞越差，政府的確要負上大部份責任
信政府，信張偉沖，定係信"巿場先生"?
點解巴士公司想開新線(當然有錢賺)，運輸署又唔比佢開?
呢個社會有需求同供應既關係，點解唔比巴士公司根據供求定律自由發揮?
正因為巴士公司見到交通愈來愈差, 想改線, 想改善交通, 但區議會阻頭阻勢, 呢個係邊個責任?
九巴41A 提速由上年講到宜家啊, 有消息未啊?
即係咁, 你反對我無問題, 你抽我水無問題, 但都唔該你自己上去看區議會文件啦,
N969 經屯公被否決, 結果全個屯門無通宵巴過海, 係邊個責任啊? 係咪政府責任啊?
所以, 請你做人分清楚是非黑白, 唔好因人廢言囉.
我咁大聲指出區會霸權, 阻撓重組的事實就係話比你聽區議會制度扭曲, 醜惡.
事實梗係唔會有人鍾意聽, 但我就偏偏要講, 比人插到我反肚我都要繼續講.
仲有, 點解運輸署一定要比佢開? 點解唔可以善用番現有交通資源?
人係一種貪心的動物, 得一就會想二, 如果十八區區都要開新線, 香港D 路咪塞死晒囉,
到時塞死晒係咪你負責先?
你又唔比人開新既賺錢線，現有路線賺錢能力下降，開唔到源，就要節流
結果就係不停削減個別載客量較低的路線，但專營權制度下，應該係賺錢線補貼蝕錢線，多人搭既線去補貼蝕錢線係合理
粗字呢句我絕不能認同...九巴七成線蝕緊錢, 貼得幾多?
仲有, 九巴已經想止血, 點知部份板友見九巴未蝕夠, 唔比九巴止血, 仲要迫九巴放血繼續做,
夾埋區議會威迫九巴做善堂繼續唔比取消蝕錢線, 唔比改線, 呢D 你又點解釋?
最明顯的例子:
九巴30 客量低, 又有頻密小巴, 仲有半條265M/269M, 點知有人話荔景無左車去荃灣就唔取消得.
又老實，睇返馬路，我敢肯定10年前一定暢通過今日
而馬路唔計私家路，理應係屬於700萬巿民
馬路既使用者，應該係公共交通服務優先，而唔係一架又一架私家車
當日新巴城巴係港島惡鬥，雖然搞到道路擠塞，但個時兩間公司不停派車行走路線鬥搶客
好多線相信等一陣就有車，乘客應該係會受惠，起碼條街好多巴士，是但搭一架都得，但私家車就唔載客
因為選擇多又班次頻密，間接抵銷塞車因素
等一陣就有車, 但你就坐住架巴士塞住係車龍郁唔到呢, 你係咪好想咁先?
你坐係架車度, 巴士會識飛?
"十年前的路暢通過今日= 你不斷開線, 新路就可以負荷到?", 想不到呢種荒謬的邏輯到今日都仲有人信.
你不如看下宜家紅隧塞成點先啦, 宜家早繁四幹可以塞返去西隧口啊.
我勸你, 做人真係唔好咁離地.
真係好笑, 人地有經濟能力買私家車點解唔可以用? 馬路淨係得巴士? 小巴, 的士, 貨車唔係搵食車?
你知唔知咩叫自由市場?
今日?巴士少左，私家車多到塞晒馬路，等車時間耐左，塞車時間耐左，你敢肯定行quota制下條街比以前暢通?
我可唔可以倒返轉話，巴士霸佔路面，影響私家車友利益，運輸署寧願得罪巴士公司零唔得罪私家車友?
但事實係，運吉限制巴士數目/道路行走數目，就到私家車友就霸晒D路
無QUOTA 我只可以話比你聽只會比以前更擠塞,
十八區區區都開線入繁忙地區, 私家車增長的情況下只會繼續更多的擠塞,
咁簡單的道理你咁都唔明白? |
|
|
盲目反對 香港已死
|
|
|
|
|
|
原帖由 kay 於 2014-5-22 21:07 發表
一個根本係香港唔會work既政策，贊成既人除左係百分百梁粉，仲會有邊個?
好彩班區議員仲有良知有底線
唔通香港行23條，明知有問題，損害香港人利益，都去贊成?
好學唔學學埋民建聯D衰野，當年唔知係咪葉國謙話反對23條個班人全 ...
當年? 知唔知今年係邊年啊?
民建聯宜家已經係第一大黨啊, 人地就係做實事, 得民心, 點會好似班泛民咁, 日日罵政府,
宜家行政長官答問會都要被腰斬, 你咪看下攪事那3個係邊個囉?
唔知點解, 我一見到"區議員仲有良知有底線" 呢句話就想笑, 淨係陳笑文已經唔可以叫做有底線,
不過你呢句捧區議員真係捧到上晒天, 亦即係同我一樣, 我就撐政府, 你就盲目撐區議員. |
|
|
盲目反對 香港已死
|
|
|
|
|
|
|
Advertisement
Advertisement
Advertisement
Advertisement
Advertisement
|
而且BBI問題有排傾