重組交通運輸政策,政府責無旁貸

原帖由 kay 於 2014-5-23 22:22 發表
事實九巴真係有同議員摸底喎
九巴一年起碼會同班議員飲一次茶傾下計，傾下有咩大計又收集意見
你唔信咪問下D區議員，上次元朗有班區議員不滿九巴亂黎直頭杯葛左啦

九巴肯同議員摸底係一回事, 九巴收集左意見回唔回應到議員訴求又係另一回事,
當然, 九巴點可能順從晒所有議員的意願? 議員自己係咪應該唔可以抱太大的期望?

我唔評論九巴呢種做法係咪最好, 但你元朗班人, 走去玩杯葛, 九巴咁有誠意同你傾你都唔傾?

無左quota制，巴士線可以任開?你當巴士公司班R&D無到?似乎你連人地點運作都唔知就亂UP
唔好下下一句"我認為""我不認同"，討論係要有論點同理據，好多時你得論點，有時論證都錯埋

當年城巴同中巴同新巴惡鬥，城巴靠既係頻密、價錢便宜同空調服務，搶走晒中巴同新巴d客

唔好講開線, 不斷加車造成交通擠塞已經係一個好大的問題,
當年城巴8X 可以誇張到可以拖四五架車係怡和街高士威道行駛.
三間巴士公司惡鬥, 乘客便要埋單, 因為道路的容納空間有限, 根本消化唔晒不斷增加的巴士數目.

你係咪仲唔明白點解政府當年要增設繁忙地區巴士配額制?

當年南區接近比中巴壟斷，同今日九龍新界一樣比九巴壟斷，服務越黎越差

城巴接左好多線(仲要係中巴多人搭既線)做，搶左中巴客又知唔知?
城巴搶左中巴70，中巴開43X還擊
城巴搶左中巴98，中巴以94特車名義開94A還擊

你可以話浪費資源，但係，如果唔係城巴搶左黎做，你中巴會珍惜現有路線?
無城巴搶客，中巴會設法還擊?

去到新巴

新巴接手後係西區得返18，其他線接近比晒城巴
當年中巴hea做18搞到無客，去到新巴，唔變就玩完
快快手增加小童優惠、延長服務時間、全空調行走，結果客量急升

有競爭，有新經營者加入，服務先會有進步，係事實

你又望下，經運輸署主導下既重組
舊年開左幾多新線?係咪條條都見得人?

6X，比人話無客唱通街，唔知邊個既傑作
14X，開頭大部份時間吉車遊街，改道後先叫做繁時多少少人
68E，做黎做去客量仲少過268B

呢頭重組慳到既資源，結果拎去呢D線運凳，又係好事?

新巴城巴係多年前已經話過，港島區可以發展既地方有限，日後會係九龍新界托展服務
人地講得出就做得到，西九、將軍澳都有服務，之後仲踩埋入北區

你要明白, 新城唔係萬能, 新城連自己的本土線都做得唔好, 點會有能力踩人地那區?
係九龍新界新開拓的服務, 都唔係叫做做得好, 最明顯的例子就係798.
798 開線頭幾個月的時候仲用緊單層20XX, 載客量低, 上斜慢, 車速低, 頂閘頂足你兩個月加上乘客不斷投訴先至轉雙層巴,
如果新巴真係好似你講到咁有heart咁進步, 點解要班將軍澳乘客頂閘頂足你兩個月先搵雙層車落去?
唔好唔記得, 當時新巴係夠膽下繁開單層車落798 度, 攪到沙市條人龍清極都清唔到.

講完798, 又講下970/970X,
請問你知唔知呢兩條線的投訴數次位列榜首 (參: http://www.hkitalk.net/HKiTalk2/archiver/tid-720212.html)?
班次嚴重不足, 成日脫班, 早繁西隧口成日上唔到車, 要973 打救, 攪到乘客怨聲載道, 仲試過上報紙添.

北行就更明顯, 你試下繁時係水街等970, 看下等多少部970先上到?

仲有一條, 叫做682, 之前本板舊文都講過, 呢條線早繁大隧口係上唔到車,
如果呢條線一脫班, 連小瀝源路都會飛站, 投訴完無幾耐又打回原形.

不如我問你, 你認為新巴真係有能力托展服務?
托展服務唔係大晒, 如果攪到好似970/970X/682 咁, 一pat 屎, 我寧遠你咩都唔好攪, 專心做好你的獨營線好過.

九巴已經好有進步, 至少係定線上肯善用快速公路, 肯改定點班次, 仲可以要求D咩?

你九巴玩左咁多年，有無考慮過托展版圖，人地走去你地盤玩又有無做野?

話人地唔比你重組之前，唔該先反思下自己有無做好本份

過多幾年, 沙中線, 西港島線, 南港島線通埋車, 邊有咁多版圖比你托展?

宜家九巴咪善用番快速公路, 將部份路線提速, 應對鐵路發展的威脅囉, 你班議員又要抽後腳,
咁點計先? 你想要馬兒好, 又要馬兒不吃草, 呢個世界邊有咁著數先?

比人投訴，第一個唔係鬧投訴人，而係先檢討自己有無不足之處

我當你依家開間餐廳，餐牌無變，但越黎越少客
你係老闆，你會反思下自己係咪d野唔好食，d野唔岩口味，定係倒返轉話人"嘴刁"、"唔識欣賞"?

唔好比劉華"咁的服務態度係唔對的" 呢句話洗腦先,
正因為呢句話, 攪到前線員工受到極大壓力, 即使面對無理的顧客亦只能逆來順受,
你有無考慮過前線員工的感受?

間餐廳只係比到一般的中菜炒粉麵你食, 但你班客想食牛扒意粉pizza, 老闆又點可以滿你的要求呢?

套用番落九巴度, 九巴根本無可能fulfill 所有議員的要求,
議員唔比取消, 唔比減班, 又想要總站車有位揀, 又想尾站上公路, 87A 換287X 又唔比,
你點攪? 咁仲係咪九巴的錯?

九巴近日87D收車收到七彩，早幾日連117 3架九巴掛牌車，得1架有車行，夠膽死係跑馬地下貼張紙話1個鐘1班車
呢d服務態度，同當年中巴有咩分別?

閣下依家講既係，表面上反對區議會唔比九巴重組，實質上包庇一間質素差劣既巴士公司

同埋好老實，高調話區議會阻撓重組既人，由頭到尾都好似係只得九巴一個，
如果呢個係普遍性問題，點解新巴城巴唔公開批評區議員?

唔好咁講, 九巴有自己的難處, 亦無可能滿足所有人的要求,
而新城的服務唔見得真係好.

仲有, 你大可以向運吉投訴九巴的服務, 家陣又唔係唔比你投訴,

[ 本帖最後由 張偉沖 於 2014-5-23 23:33 編輯 ]

原帖由 張偉沖 於 2014-5-23 23:30 發表

九巴已經好有進步, 至少係定線上肯善用快速公路, 肯改定點班次, 仲可以要求D咩?.

你好好笑…連基本時序都搞唔清

當年唔知係邊個先實行定點班次？
當年唔知係邊個走去開 118 俾小西灣有全日特快車過海去旺角同深水步？
當年唔知係邊個走去設計條 5X，做到今日風生水起？
當年唔知係邊個走去開 2X 8P 做東區走廊特快？

果十幾年間，九巴到底有幾進取？

新城路線就得咁多條，服務範圍係得咁多，重組空間已經唔係好大，你仲想佢可以點？
九巴近兩三年拉線行公路，改定點班次，都只係學左新城當年的成功之道，唔好講到好似
九巴皇恩浩蕩，能人所不能，率先採用定點班次同埋拉直走線囉

倒不如話新城策劃部近幾年有唔少人過檔九巴，所以先有 40、286X、287X 呢類進取建議囉…
反而新城近年倒退左係事實。

九巴路線網絡過時、服務欠佳唔係呢幾年既事，如果早十年就肯大刀闊斧重整經營策略，
你估會搞到十年來積左咁多怨氣，不滿巴士服務，多左咁多人走出來反對重組？

原帖由 S3BL100 於 2014-5-23 23:56 發表


你好好笑…連基本時序都搞唔清

當年唔知係邊個先實行定點班次？
當年唔知係邊個走去開 118 俾小西灣有全日特快車過海去旺角同深水步？
當年唔知係邊個走去設計條 5X，做到今日風生水起？
當年唔知係邊個走去開 2X 8P 做東 ...

因住用詞跌落圈套,
好多板友同意要重組路線,
但係反對冇合理補償o既胡鬧重組計劃.

唔好似打官司咁小心字眼,
就會被人屈話全面反對重組要放九巴血架啦..

原帖由 張偉沖 於 2014-5-23 23:30 發表


九巴肯同議員摸底係一回事, 九巴收集左意見回唔回應到議員訴求又係另一回事,
當然, 九巴點可能順從晒所有議員的意願? 議員自己係咪應該唔可以抱太大的期望?

我唔評論九巴呢種做法係咪最好, 但你元朗班人, 走去玩 ...

依家有人話一定要九巴全盤接收意見?
基本上連區議員都知係做show
但你要知道，人地九巴肯同你坐低一齊傾
都叫做有誠意，如果你唔領情
人地真係會將責任推卸落你度，話區議會唔開溝通大門喎

元朗杯葛既原因係因為撞正268B重組

--------------------------------------------------
巴士行配額制，但你望下條街，比十年前更塞
九巴都話自己手上堆線行車時間越黎越長
你想條街全部都係巴士，定係全部都係私家車?

條路只要唔係私家路，就屬於全港七百萬人
馬路應該係集體運輸工具優先而唔係私家車

如果我可以係街上求其截架私家車車我返屋企，你岩
但事實係唔可能，即係你錯

巴士配額已經係扭曲供應，你望下好多線，明明有需求入中環銅鑼灣
都入唔到或者無得全日，乘客無得揀咪又搭返地鐵?
--------------------------------------------------
呢個世界無野係包賺，但故步自封，唔放膽去試
食老本可以食到幾時?

將軍澳線未通車，的確係黃金年代
通左當然無左好多客，但有危就有機

如果唔係有796B，798點開?
如果唔係有692，將荃有車開?

新巴依家搞黎搞去，都係得返796S/797M/694姐
但呢3條線，埋單計只係用十部車鬆D，好似694基本上唔可能取消
你又有無計去幫助新巴重組?無就坐定定係度

不過我認同，九巴係將軍澳的確無新巴咁慘情

新巴的確呢幾年越做越hea，但正正係一句，無競爭無進步
比人壟斷左就hea做，因為都無得揀，好似九巴咁奉止要搭佢

所以話點解要引入競爭

你睇下CCTVB，無競爭，節目質素差，結果個個熄電視收視下降囉，個個買小米盒子返黎睇電視

香港話就話多幾條鐵通車，但你唔好忘記元朗南、洪水橋、新界東北都係未來發展地區
城巴點解踩入北區有傳係因為睇中新界東北發展，人口有增無減

你九巴比人搶地盤仲唔知驚，我好肯定將來死得仲慘

安達臣起緊樓，但RDP到依家未有提該區巴士服務，聽返黎話想招標
如果真係招標，又係一次機會比對家搶生意

------------------------------------------------------
前線員工被投訴，有邊D公司會先鬧投訴者?你UP得出既話比呢間公司名我
依家唔係話洗腦，係香港地出黎做野既基本standard，去到邊度都係咁，比人投訴，有位比人入
好多時都係有地方做得唔足夠，無人投訴，無人搵問題，又點會有改善?

仲好笑，明知中菜間餐廳無pizza，你去點pizza就係強人所難，我亦都無講過呢樣野
但同一碟揚州炒飯，你整得難食，D客食完反胃就會一去無回頭

同樣道理都係九巴度，我幫趁九巴，已經知道唔係搭的士，未必有位坐，預左要企
但你連比架可以企既車都無，成日收車有生意唔做，我係乘客都死心啦

九巴道路網早係十幾年前已經開始過時，但呢十幾年九巴做過D咩?
唔通每年都借機重組cut走幾部車叫前瞻性?

過去十年，鐵路通車都係得九龍南線、將軍澳線、馬鐵
好多客量流失既線已經擺左上去無數次去傾

但九巴又口口聲聲話7成路線蝕，過去十年有無擺晒呢7成蝕錢線上去?
"7成路線蝕錢，需要重組"同埋"區議會唔放重組"
呢兩句九巴金句都係九巴轉左高層後先興起
即係話蝕錢線一路都有，但點解上一手又唔去做重組?唔通真係一個社會責任?


以前九巴都係接近年年加價，但個時社會都無對加價咁大怨氣
今時今日一話加價就實有人出聲反對，呢d現象你點解釋?
你開得齊車，班次頻密，就算你話加價一成，大家都會覺得物有所值囉

原帖由 transbus 於 2014-5-24 00:05 發表
因住用詞跌落圈套,
好多板友同意要重組路線,
但係反對冇合理補償o既胡鬧重組計劃.

唔好似打官司咁小心字眼,
就會被人屈話全面反對重組要放九巴血架啦.. ...

唔好意思, 你的如意算盤睇怕都打唔響,
今年元朗提68x 分拆, 有268 補償番元朗至太子的服務, 但一樣被否決

.

仲有,
沙田班垃圾政棍, 係度扮失憶, 明明上年己經通過左86A/87B 改道, 開辦287X 方案,
但今年他們走去反對87A 改287X, 當86A/87B 無到, 仲要走去拉banner 保留87A,

操車紙都出埋, 結果臨門射失, 呢班人"今日的我打倒昨日的我", 仲要大大聲罵運吉九巴,

你自己又點解釋?

原帖由 張偉沖 於 2014-5-24 09:17 發表

唔好意思, 你的如意算盤睇怕都打唔響,
今年元朗提68x 分拆, 有268 補償番元朗至太子的服務, 但一樣被否決.

仲有,
沙田班垃圾政棍, 係度扮失憶, 明明上年己經通過左86A/87B 改道, 開辦287X 方案,
但今年他 ...

我講緊板友反乜，你就走去講區議員反乜，
我又唔係區議員或者助理，普通市民一個，
個解釋責任點會跌落我度?
你係咪又射錯靶呀。

原帖由 transbus 於 2014-5-24 09:46 發表

我講緊板友反乜，你就走去講區議員反乜，
我又唔係區議員或者助理，普通市民一個，
個解釋責任點會跌落我度?
你係咪又射錯靶呀。

板友對區議員的支持程度你無理由唔知吧.

原帖由 張偉沖 於 2014-5-24 09:50 發表

板友對區議員的支持程度你無理由唔知吧.

部份板友合理反 = 全部板友支持區議員盲反?
批鬥思維，邏輯謬誤。

原帖由 transbus 於 2014-5-24 09:59 發表

部份板友合理反 = 全部板友支持區議員盲反?
批鬥思維，邏輯謬誤。

有人解檡過N969 改道被否決是合理?

(拿唔好話我無新意啊, 我問左好多次都無板友有合理解釋咋).

原帖由 張偉沖 於 2014-5-24 10:04 發表

有人解檡過N969 改道被否決是合理?

(拿唔好話我無新意啊, 我問左好多次都無板友有合理解釋咋).

又要我loop返轉頭。


1. 好多板友唔係區議員或者助理，
普通市民一個，
個解釋責任點會跌落佢地度?
你係咪應該問返區議員而唔係問板友?
仲唔係射錯靶?


2. 哩度邊個支持否決N969改道，
你開名請佢解囉。
好多板友冇表態支持或反對，
係因為N969根本關佢地鬼事，包括我，
你就屈到"冇人解釋" = "所有人支持否決改道"，
仲唔係邏輯謬誤?

我答你我嘅意見都得，我贊成N969行虹橋段屯公出入。

問why之前，你有冇問歪?

[ 本帖最後由 transbus 於 2014-5-24 10:27 編輯 ]