區議會與各區巴士路線重組集中討論區

拿，無謂個個 post 俾你班友仔騎劫喇。
張偉X先生，同埋所有有興趣同張生"討論"區議會各項罪狀同政績既版友，有興趣睇既要四圍爬文，冇興趣既就俾你地騎劫晒成個B2版。不如大家集中o係呢度討論喇。

(版主如果唔 like 請隨便刪 post)

等我拋磚引玉喇。

北區：一日都係區議會啦、流國芬啦，搞到冇左 70X，又搞到 70K, 76K 同 77K 人唔似人鬼唔似鬼
沙田：為左幫你地班大帝，要有位坐既有無敵特快兼超貴大隧線；要牛河既有"反智"一粒鐘一個單區內線，區議會係又鬧唔係又鬧，真離譜
元朗：鬧左咁耐都唔知有咩好野唔好野
荃灣：乜都俾你過，又乜都俾你過一棟
葵青：呢班山頭鬼，淨係識投反對票，要搭快車既等到佛誕左十次都未有；你估老九前世欠你，梗係唔同你認真啦
大埔：一定係班議員連青沙o係邊都未知，一味淨係識攬住4條X線。旨意佢地，大埔永世都唔會有北區巴士服務咁好架喇。

唔知仲有冇漏，因為冇爬文。如果有漏既歡迎o係呢度補充，等各大機構同傳媒都一齊黎監察監察~

"大埔永世都唔會有北區巴士服務咁好架喇"
樓主大埔人？我睇完呢句真係好驚嚇

有呢個POST佢咪繼續騎劫

刪POST啦

原帖由 straysheep123 於 2014-5-27 11:23 發表
有呢個POST佢咪繼續騎劫

刪POST啦

哈哈，我有咩所謂。我都唔係真係覺得佢地會咁乖走晒入黎，而停止o係其他 post 罵戰

不過如果版主有睇下呢個版，唔知佢覺唔覺得煩。

想藉呢個機會奉勸咁多位仲會認真同張偉X討論既版友，不如唔好理佢啦，其實真係冇咩人想睇你地同佢繼續嗌落去。咪由得佢自己繼續發表偉論囉。張生出現已經唔係一兩日既事，亦都知道同佢理論，除左睇下邊個沉唔住氣先，搏停版，其實唔會有任何結論。

回頭是岸啦咁多位施主。