將軍澳至荃灣新巴士線行車路線終於敲定

原帖由 castanopsis 於 2014-6-6 18:48 發表

我並非搶資源論的支持者，觀塘有無出車我無所謂
但我以坑口人身份同你講，我無論如何都唔會多謝山上客幫我打爆架98C

現在出現的情況是98C上山結果趕走山下客
而並非山上救濟山下客
你的邏輯根本就本末倒置
事實上山下/坑口絕對是有乘客願意乘搭巴士
唔信？試下假日日間望下98C個客量分佈，通常坑口已經滿窗口位，上山時已經大致坐滿
這證明了什麼？堆客唔趕時間的情況下會選坐巴士
點解平日98C少坑口客？平日時間重要，條線兜成20分鐘以上先出去，慢港鐵好多
點先可以吸引坑口客？坑口直出，快過港鐵/速度相約堆客會回流
你話98S唔頂閘？錯，98S不時會頂閘，我自己見過幾次
點解上繁唔係日日頂？兜完寶林再塞將隧已經同上山無分別
點解下繁唔係日日頂？20-25分鐘一班無定向，大部分山下人相信仍然坐緊98C

你舉296C出來做例子....
296C根本是邨巴式服務範圍+有條796C食埋一份+慢碌觀塘道 才令客量不太理想
唔見得98C如果只做坑口會差過296C
如果跟我理想中的建議（康城+坑口），係會夠客

98C 山上得四個選區，但係佔左條線七成客量，打爆條線，而呢四個選區無鐵路。

但係如果坑口直出，計埋康城都係五個選區，不過有條速度相若的鐵路，巴士巿位率無可能去到 100%，
我相信環境會差好多，班次最多得 98C 的一半。

其實論整體規劃計，98C 山下拆一條唔係壞事，但係夠唔夠車咁拆？同埋又可唔可以維持山上班次載得晒乘客？

原帖由 S3BL100 於 2014-6-6 23:27 發表


唔好誣陷板友，搞到坑口無巴士去中區既唔係山上板友，而係你地班坑口居民本身。
巿場供求問題，大大條 692 響度，你地偏要走去搭更快捷方便便宜的地鐵，
搞到 692 無客，年蝕數百萬，似係你地唔搭又要霸住條線多d。
你最多咪只可以鬧下運吉，點解唔係迫巴士公司繼續年年蝕幾百萬，成全你地霸住一條
浪費港島 quota 的巴士線囉。

你以為山上人 up 多幾句，山下人就會改變交通模式，原本搭緊巴士既都走去鐵路，
單憑山上人的民意就可以做低山下既巴士？唔好幼稚啦，你地有 free will 架。

地鐵係爆，但係寶林坑口一定仲上到，唔駛等多班車，油塘班過海轉車客就真係等幾班都未必上到啦，
觀塘居民早年已經割讓左成條過海鐵路俾將軍澳（雖然我覺得整體規劃計係合理），
將軍澳線打爆，影響既根本係觀塘線沿線過海，而唔係將軍澳居民囉。

剝削人地選擇權？你仲好意思話地鐵爆，事實係寶林坑口上車無困難，
又唔見你講下山上 98A/C，人地無鐵路，98A/C 莫講話寶達上秀，分分鐘康盛都未必上到車，
人地除左夾硬迫上之後架 93K，搞到連 93K 都打爆埋，位位進貢多達 $6.7 俾九巴外，仲有咩選擇？又唔見你話俾佢地多幾個選擇？
乜而家人地打爆巴士上唔到車就唔係問題？山下有鐵路就仲要擺多幾架打唔爆既巴士落去？
而家到底邊個剝削緊邊個的選擇權？

好心你啦板友大大 , 將南板友當係坑口人嘅立場
睇清楚先 , 望下邊啲先係坑口嘅意見

張冠李戴 ,

誣陷坑口區板友果個根本就係你 ...

原帖由 S3BL100 於 2014-6-6 23:32 發表

98C 山上得四個選區，但係佔左條線七成客量，打爆條線，而呢四個選區無鐵路。

但係如果坑口直出，計埋康城都係五個選區，不過有條速度相若的鐵路，巴士巿位率無可能去到 100%，
我相信環境會差好多，班次最多得 98C 的一半。

其實論整體規劃計，98C 山下拆一條唔係壞事，但係夠唔夠車咁拆？同埋又可唔可以維持山上班次載得晒乘客？

不如你搵日星期六 / 日嚟坐下 98C
未上山已經坐爆哂 , 翠林排頭位隨時都要企 ......

[ 本帖最後由 MZ3101 於 2014-6-6 23:35 編輯 ]

原帖由 MZ3101 於 2014-6-6 23:33 發表

好心你啦板友大大 , 將南板友當係坑口人嘅立場
睇清楚先 , 望下邊啲先係坑口嘅意見

張冠李戴 , 誣陷坑口區板友果個根本就係你 ...

我當然知道大部分坑口人未必係咁諗，但係果位坑口板友立場同將南人無分別，甚至更過火

原帖由 transbus 於 2014-6-6 23:27 發表

去主要市區或市鎮中心計,
巴士對10分鐘去到地鐵站o既將軍澳山下人係奢侈品,
對康盛翠林四順秀茂坪係必需品,
長途小巴先係佢地o既奢侈品.


...

想問下 98D 同 798 又係咩一回事?

原帖由 MZ3101 於 2014-6-6 23:38 發表

想問下 98D 同 798 又係咩一回事?

哩兩條快過地鐵, 梗係必需品啦.

我係想話該板友想要留條客量唔夠砌全日o既線,
同時有出中環車程合理o既頻密地鐵唔揀,
而褫奪山上人只可揀必需品o既論點o者.

多謝你提供資料考慮, 已修改字眼.

原帖由 FT7052 於 2014-6-6 18:58 發表
「將荃」可唔可以整到好似798入到沙田再行城隧過去??

繁時由將隧機樓開始塞，到鄉事會路再塞呀塞塞到城隧，
真係諗起都興奮。

原帖由 GW5878 於 2014-6-6 21:03 發表
咁地鐵夠唔係山上人想像中咁正
下下叫人搭地鐵,迫到上車想轉身/R痕/打電話都唔得,唔係自私叫乜

其實你真係唔好再話港鐵點逼喇，
98A 朝朝係用緊推擠員推人上車，已經唔係逼唔逼，係上唔上到車，我都唔明點解秀暉樓班客咁都忍得，真係隨時半個鐘都未上到車。
成日話寶達有紅小，係有，不過出旺角朝早過百人等車，站頭根本一架車都無，俾 $10.1 搭 98C 都唔係即班上到。

得喇，我知你之後會講乜，仲有 1A 13D 93K 95 丫嘛，
咁你在坑口有 98C 又嫌人慢？架車一行山路出就實會經過寶達，將荃就話兜路，98A 98C 已經直行直過你都仲要人地飛站，自私都有個限度。坦白係美德，但霸道唔需要公開囉。

喺呢個版眾多將軍澳post入面
將南同坑口一向都係原罪
因為有龜鐵

眾多想保衛將軍澳山下既烈士
放棄吧
你無可能會嬴到架喇
山上人一個論點走天涯：因為佢地無地鐵，好慘架，你地呢班有地鐵既人已經咁幸福，做咩話我地要你兜路

就算呢條將秀荃的確係兜到無倫，甚至去到不合理既地步
依然因為佢照顧山上而得到一眾人既擁護
咁就由得佢啦

講真，市場需求決定一切
心水清既都知呢條線重心一定會係落左山上四順度
根本開黎既重點都唔係擺係將軍澳山下
你可以鬧，但當你有更平甚至轉車都比呢條所謂點到點直車快既選擇既時候
何必同山上人互鬧，用腳投票罷
黑心啲講，我得閒有時間同你兜咪搭下囉
趕時間，留空位俾你地搭囉你地咁可憐咁需要車

即使條線到最後因為車程太長將軍澳段完全無客
甚至係山上四順因為係住宅區非繁唔夠客
蝕錢的又唔係你，係巴士公司
到時佢地就會諗點樣吸客架啦
香港，就係有樣好，大家自由，百貨應百客
正如呢班尊貴既山上人講，係囉，山下有鐵，怕乜

[ 本帖最後由 656。HU3984 於 2014-6-7 01:09 編輯 ]

原帖由 GW4866 於 2014-6-6 18:32 發表
第一,235M,31M,32M,34M,39M,238M等服務既屋邨屋苑930服唔服務到?
第二,用930做轉乘既回程(將軍澳方向)車費預計比將荃貴
比九巴做至少都有得爭取下比BBI吸下客,新城做至少我唔會搭 ...

新城做係冇咁啲荃葵轉乘
不過老九做都唔會有將南轉乘
再者 930 十幾分一班，我都覺得有等於冇
但老九同新城而家既票價比，再計老九加 N 次價，俾埋你搭老新轉綠小，條數又係唔係真係差咁遠?

不過我覺得條線有機會聯營
或者老新放棄 796C 換 793 獨營

原帖由 HF3204@243M 於 2014-6-7 01:18 發表

新城做係冇咁啲荃葵轉乘
不過老九做都唔會有將南轉乘
再者 930 十幾分一班，我都覺得有等於冇
但老九同新城而家既票價比，再計老九加 N 次價，俾埋你搭老新轉綠小，條數又係唔係真係差咁遠?

不過我覺得條線有機會聯營
或者 ...

條線兜晒成個將南，要將南轉乘做乜？