將軍澳至荃灣新巴士線行車路線終於敲定

原帖由 AD118 於 2014-6-8 09:36 發表


唔係剩係坐去荃灣架，D人都會坐埋佢去龍翔道，葵涌道，青山公路沿線
條線開咗, 睇下客量點你先話佢蝕都未遲

自己唔搭就想條線蝕到摺埋，
呢啲咪黃子華既魚蛋論囉。

原帖由 GW5878 於 2014-6-8 00:41 發表

咁又係，班人不斷係度指責將南，真係成個將南好似得罪佢地咁，我都冇眼睇，由得條線似足694咁樣即使啟田客幫襯都唔足以令條線賺

又咁講, 如果油塘條603好似坑口.尚德條692一樣少客到非繁個位數客量, 繁時班次又唔密, 又唔頂閘,
咁人地咪唔會淨係插你將南囉, 692衰在同港鐵打到應一應, 條路又唔係順, 慢又慢過人, 貴又貴過人,
飛北角或者有一線生機, 但飛左北角的692P又唔見交D咩好成績出來, 692非繁坑口半個鐘到天后,
40-50分鐘到中環, 想一程過巴士呢個時間可以接受, 但事實上客量慘不忍睹, 可以怪邊個?

TVB早排乘住當時新聞公佈港鐵將綫繁時106%載客率拍左個特輯, 入面有位居民話港鐵早繁已經好爆,
巴士路線又取消埋, 冇得俾人選擇云云... 真係聽到厭, 692唔係開一年就取消囉, 將綫爆亦唔係呢年先出現,
觀塘區的601系班次加完又加都係爆, 603將綫開綫後仍然有加班, 619早繁車海班次, 開埋X四順直出東隧,
690P回程客量明明坐滿要企, 都要落得取消下場, 692經過幾多波折, 又反對呢樣果樣, 拖足兩年(?)先取消,
前前後後十一年時間, 點解早幾年港鐵已經爆唔識幫襯692, 點解話取消又呢又撈, 又唔好好趁機幫手宣傳,
到最後一刻各位親身落場數客, 證明左冇乜人搭仲要死撐, 取消左仲話人好取消... 種種已經證明唔係將南
得罪人地, 人地亦唔係無理批評, 更加唔係網上流行的甚麼「葡萄」行為, 大家只係以事論事.

692客量低, 港鐵只係其中一個因素, 而唔係全部, 如果692沿線任何時間都有番咁上下通勤需求,
要爭取保留根本唔難, 但當非繁時港鐵去到油塘, 包括觀塘綫轉車客在內的乘客高過本身車上乘客,
而同時間692客量得小貓三四隻, 仲可以靠咩理由去留住692?

時代唔同, 以前未有將綫, 觀塘綫直接過海, 有冇見過601爆得咁犀利, 619早繁有冇出車海,
繁時線有幾多條, 呢兩條線以前收幾點? 我唔係想講觀塘區過海巴士發展得有幾好有幾勁, 事實上觀塘區係
有實際需求, 巴士公司先至會加班加車行(619由城巴接辦起已有改善, 將綫通車後服務更好), 冇需求o既,
唔好意思, 開黎唔知做乜, 點解仲要做, 俾著你係692營辦商, 除非純為興趣, 你鍾意日日開足24小時,
唔佔用繁忙路段quota或者冇人會理, 但咁樣的蝕本生意, 就算係百萬富翁都會有玩完o既一日, 綁住條將荃
用黎交換, 整好定線又要兜入黎, 你要求人地兜入黎, 人地要求又唔得o既? 到條線兜到乜咁, 又鬼唔望
條線冇人搭, 呢種心態真係唔識形容!!

原帖由 GW5878 於 2014-6-8 00:41 發表

咁又係，班人不斷係度指責將南，真係成個將南好似得罪佢地咁，我都冇眼睇，由得條線似足694咁樣即使啟田客幫襯都唔足以令條線賺

將軍澳南居民係無罪o既,
只係當中有巴士迷, 言論得罪o左他區人囉.

原帖由 EX-TL 於 2014-6-8 10:49 發表

又咁講, 如果油塘條603好似坑口.尚德條692一樣少客到非繁個位數客量, 繁時班次又唔密, 又唔頂閘,
咁人地咪唔會淨係插你將南囉, 692衰在同港鐵打到應一應, 條路又唔係順, 慢又慢過人, 貴又貴過人,
飛北角或者有一線 ...

條將荃係用來服務將軍澳嘅。假如你話直接殺692，再開條無關嘅新線，咁我理得你係將秀荃定藍秀荃，但係依家運吉係話殺692換將荃，條將荃係運吉承諾服務將軍澳。承諾啊，大佬。依家嘅走線，叫服務將軍澳咩？咁52X叫唔叫服務屯市啊？

兜入將軍澳內街係為了服務將軍澳，當然無問題，但係入秀順內街，就延長了將軍澳山上山下所有人的乘車時間，又點計先？

假如有鐵就無需要巴士，咁彌敦道係咪要禁止巴士駛入啊？68系夠同鐵重疊，使唔使cut埋比你？唔使扯到咁遠，98D同798，不如比埋秀順好冇？

將荃唔係奉旨入秀明利安道。依家D網民，攞到著數，重要鬧返將軍澳人轉頭？如果係咁，真係寧願將荃行漆咸道或者沙市慢慢塞好過啦，費事益班不知感恩嘅X弟。

原帖由 Eragon 於 2014-6-8 11:47 發表


條將荃係用來服務將軍澳嘅。假如你話直接殺692，再開條無關嘅新線，咁我理得你係將秀荃定藍秀荃，但係依家運吉係話殺692換將荃，條將荃係運吉承諾服務將軍澳。承諾啊，大佬。依家嘅走線，叫服務將軍澳咩？咁52X叫唔叫服務屯市啊？
...

講黎講去都係將南嘈乍麻
坑口開始計其實條線行法都係合理

當然唔入秀明道就更理想

唔通下下都要好似e22a行法先合理?

原帖由 3ASV174 於 2014-6-8 01:30 發表
其實 98c/98s 由美孚開出，躝到彩虹上觀塘繞道，車程同將來將荃線由彩明躝出黃大仙本身都有得 fight，
但美孚卻係繁忙時間客倉，所以我唔明白點解成日要針對將荃東段定線長，但似乎大家對將軍澳路市區段行車時間過長又無咩意見 ...

對將軍澳線市區段行車時間長點會無意見？
條692繁時全程又係90分鐘
君不見當年一直有聲音將692改特快以加快市區段行車？

我相信乘客係理性的，邊到慢就會嘗試爭取解決
條98C係兩邊都慢，所以兩邊都有人講
1. 有意見認為應該開界限街特車飛走旺角（節省10-20分鐘）
2. 有意見認為應該坑口直出（節省10-20分鐘）

至於將荃
西段根本就唔慢，當然無人會理
東段兜大半個鐘都上唔到公路，當然有人會發聲
你唔可以嫌人地「針對」東段

原帖由 kay 於 2014-6-8 12:07 發表

講黎講去都係將南嘈乍麻
坑口開始計其實條線行法都係合理

當然唔入秀明道就更理想

唔通下下都要好似e22a行法先合理?

精明人/熟悉香港道路系統的將北人可能會覺得條線合理
不過我可以肯定憑藉主觀感覺乘車的普通乘客會認為將荃很慢
大部分乘客連98C都未能接受，何況兜更多路/感覺更差的將荃

[ 本帖最後由 castanopsis 於 2014-6-8 12:33 編輯 ]

原帖由 Eragon 於 2014-6-8 11:47 發表


條將荃係用來服務將軍澳嘅。假如你話直接殺692，再開條無關嘅新線，咁我理得你係將秀荃定藍秀荃，但係依家運吉係話殺692換將荃，條將荃係運吉承諾服務將軍澳。承諾啊，大佬。依家嘅走線，叫服務將軍澳咩？咁52X叫唔叫服務屯市啊？
...

所以咪話應該要分拆囉.

又唔見你鬧入欣景路上翠林係趕坑口尚德客?

講o左幾多次, 係政府要條線行順秀,
唔係觀塘要條將軍澳線行順秀,
你應該去嘈政府,同時聯同順秀人, 爭取更好o既觀塘將軍澳分家,
而唔係嘈順秀人點解用你條線, 再意圖禁止佢地用,
搞到你有人地冇!

擺得o係度路過, 爭取入內街, 人之常情呀.
你基本班次半粒鐘,

順秀預你唔會爆滿,

自然只會考慮爭取加站入村,

又點會同你一開始就傾分拆?

如果預計會滿, 順秀會非常樂意分拆添,
到時使鬼用"你地o的車源"?

順秀以至觀塘,
從來冇人話要禁止將南用巴士,
亦冇話要搶98D 798,
13x加班89系上山93K改開山上將沙線,
就可以唔使郁你將軍澳山下一條毛.
依家係政府唔俾順秀咁樣要求,
無端端鬧你將軍澳, 傻的嗎? 關咩事?

事實係大部份其他將軍澳居民, 都已經接受現實,
用腳投票, 以坑口計, 98D 798快就揀巴士,
地鐵快就放棄692, 都係人之常情!
俾我身處順秀或寶林, 一定揀搭巴士,
身處坑口尚德, 一定搭鐵.

我要鬧o既,
係一o的擺出"將軍澳優越論",
而覺得順秀無論係咪用o左"將軍澳車源",
都完全唔應該有增加巴士服務哩個必需品o既機會,
甚至應該掉轉削減o既巴士迷,
哩個係歧視!
我所知秀茂坪居民對會有荃灣線好感恩,
不過冇乜人意識到對將軍澳有乜影響.

[ 本帖最後由 transbus 於 2014-6-8 12:34 編輯 ]

原帖由 EX-TL 於 2014-6-8 10:49 發表
飛北角或者有一線生機, 但飛左北角的692P又唔見交D咩好成績出來, 692非繁坑口半個鐘到天后,
40-50分鐘到中環, 想一程過巴士呢個時間可以接受, 但事實上客量慘不忍睹, 可以怪邊個?

條692P入調景嶺唔做坑口其實係導致條線客量低的一個重要因素
692本來每班30-40個坑口客一個都去唔到692P到
非繁可以做到40-50分鐘行完全程的時段連603都係得幾個人出公路
最多客的下繁通勤時間
692隨時個半鐘都行唔完一單
對大部分乘客來說時間並不在「可接受範圍」裡面
巴士公司明顯無盡力救過條線，唔可以完全怪乘客搭鐵