將軍澳至荃灣新巴士線行車路線終於敲定

原帖由 GW5878 於 2014-6-10 14:44 發表

朋友，#358話690兜入尚德，你話隨時用多部車

N691咁行，比690經尚德更長更多路，唔知又要用多幾多部車？為左上秀果十幾個客唔通又值？

做人唔好雙重標準 ...

由將軍澳道分叉路起計，N691 去到調景嶺總站同 690 出隧道後先經尚德再返回原線，路程只係相差幾百米。單係入一入尚德，已經拉長條線 3.5 公里，同寶琳路秀茂坪道交界去到寶琳北路寶康路交界成條山路一樣咁長。

[ 本帖最後由 3ASV174 於 2014-6-10 23:52 編輯 ]

假設將來拆線，由將軍澳隧道口至龍翔道，取道觀塘道(不停站、見橋上橋、見隧入隧)還是觀塘繞道(繞經九龍灣/新蒲崗)較為可取？

原帖由 3ASV174 於 2014-6-10 23:49 發表
由將軍澳道分叉路起計，N691 去到調景嶺總站同 690 出隧道後先經尚德再返回原線，路程只係相差幾百米。單係入一入尚德，已經拉長條線 3.5 公里，同寶琳路秀茂坪道交界去到寶琳北路寶康路交界成條山路一樣咁長。 ...

一公里爬山同一公里飛隧道,邊個快D,快幾多,唔使我教你嘛?

原帖由 GW5878 於 2014-6-11 02:02 發表
一公里爬山同一公里飛隧道,邊個快D,快幾多,唔使我教你嘛?

一出一入尚德路程同行晒成條山路一樣，
出入尚德o個條叫咩隧道？時光隧道？有燈有站仲有條左扭右扭既靈康路，由隧道公路落黎，全程又咪係限 50km/h。
仲要 690 經尚德係要唔經坑口先做到同 N691 里程相近咋喎，E22A 呢類行法里數仲長過 N691 一大截。

[ 本帖最後由 3ASV174 於 2014-6-11 02:09 編輯 ]

原帖由 ArnoldC 於 2014-6-11 00:45 發表
假設將來拆線，由將軍澳隧道口至龍翔道，取道觀塘道(不停站、見橋上橋、見隧入隧)還是觀塘繞道(繞經九龍灣/新蒲崗)較為可取？

A29在前,你話呢?

而且九龍灣塞起車上嚟唔係人咁品
而觀塘道只有一盞燈(康寧道口)

原帖由 3ASV174 於 2014-6-11 02:06 發表
一出一入尚德路程同行晒成條山路一樣，
出入尚德o個條叫咩隧道？時光隧道？有燈有站仲有條左扭右扭既靈康路，由隧道公路落黎，全程又咪係限 50km/h。
仲要 690 經尚德係要唔經坑口先做到同 N691 里程相近咋喎，E22A 呢類行法里數 ...

呢度係理性討論唔係玩野
n691走法同690兜尚德,中間最唔同既地方我前少少講過,唔需要多講,你係要只係睇尚德果3.7KM咁我唯有當你玩野

你唔當寶康路係公路,不過大把人當呢段路係70,只不過HB691單野之後會識係入迴旋處收斂

同埋之前我有提過690寶林應該要細執走線,
根本就可以唔入靈實,廣明苑後上橋直去

原帖由 GW5878 於 2014-6-11 02:30 發表
呢度係理性討論唔係玩野
n691走法同690兜尚德,中間最唔同既地方我前少少講過,唔需要多講,你係要只係睇尚德果3.7KM咁我唯有當你玩野

你唔當寶康路係公路,不過大把人當呢段路係70,只不過HB691單野之後會識係入迴旋處 ...

果個位渣開車都知係快相熱門位，
嫌錢多嫌分多既咪即管「當」佢係「公路」行70囉。（幾時公路變左行70既代名詞？）

仲有廣明苑直去既話，景榕樓落車行過去既坑口客點算？
已經冇計到景林客都要行遠左。
搶人條線要人兜耐左，仲要人地冇得搭或者行遠啲，
尚德有咩咁巴閉要全世界圍住佢轉？

[ 本帖最後由 3AV53 於 2014-6-11 08:39 編輯 ]

原帖由 GW5878 於 2014-6-11 02:30 發表
同埋之前我有提過690寶林應該要細執走線,
根本就可以唔入靈實,廣明苑後上橋直去

690幾時經靈實?
經靈實嘅係692

690中環方向停完寶康公園直上公路
往康盛花園方向出隧道直入景榕樓u-turnn返寶林


都係嗰句,690最多都係執執中環方向
變成經欣明苑,再穿頌明苑上隧道走

https://goo.gl/maps/tsdrf

其實依家個問題根本就係入秀明道兜得過份，
係唔知點解某D山上網民咁敏感老屈將南，
FF將南即使改走線又會再嘈，
仲講到本身條線將南無份，依家係施捨。

都係果句，打從運輸署將692綁落呢條將荃度開始，
將軍澳每一個區的話語權都應該比觀塘區大，
既然將軍澳係要用，頭站係將南，
都要兜暈全將軍澳，合情合理
又唔係要你E22A式變態走線，
山上網民們，你地鬧乜野將南?

而依家問題就係，你經過秀茂坪唔係問題，但入埋秀明道，
大佬，你停站停燈唔使時間?
個人覺得會有點太過吧，山上覺得無野，寶琳以至坑口都會開始有意見吧
係區議會望落，事實咪就係咁。

將軍澳山上人，別看自己看得那麼高吧。

不過奉勸將南網友們，請勿再為692護航
呢條線完全唔抵爭
捫心自問，你地趕時間，會用692定龜鐵?
香港人，又會有幾多人唔趕時間，肯俾咁多錢去浪費時間?

連690繁時都係坐滿至企人，以690既班次，同東隧其他過海線比真係九牛一毛
有一大堆無地鐵既山上人支持都只係得咁既客量
你認為有地鐵既整個山下會唔會肯為左 「一程車」 三隻字
用多一個鐘返屋企?
我早D返到屋企坐屋企張凳都好過坐巴士張凳啦

根本上將軍澳巴士係好難做，尤其經將南巴士定線要好小心係事實，
將南網友們應該要認清呢樣野。
但山上版友們，唔該你地唔好乜都入將南數
你地被迫兜路係道路設計地理問題，
唔係將軍澳山下各區迫你咁，
唔好下下將南講野就好似踩親你地條尾咁。

都係果句，大家都別看得自己那麼高。