今時今日，巴士佬真係唔鬧得

俾客鬧完，情緒不穩，影響駕駛，安全第一，暫停工作。
在邊一部分出現問題？？

我覺得九巴係一個好僱主，有冇聽過有失戀假？有……自己請病假囉！
但有冇聽過番番下工，心情唔好可以講低一聲就放低所有工作。

你話係白事突然令你心情唔好都可以諒解，俾人鬧下JE，又未搞到血案或報警，咁又到你拍拍籮柚走人。點樣向乘客負責？
一陣九巴扣你一日人工，你O係出糧日又心情唔好喇……

情緒可以帶於工作的嗎？一陣可以又話輸波/六合彩/馬，而劈炮走人，唔知馬場線既司機會唔會咁樣，我就等睇馬迷冇巴士搭番去鼓譟喇！
你一人心情不好，然後害百多人遲左上車，或者被逼企位，或者等車太耐，而陪你一齊心情不好。

九巴應該搵D正能量注入去所有員工度……

下,我又覺得司機錯唔哂,如果佢又無碌車,又無串串貢,如果因為塞車,壞車,收車,而令到D客等耐左,之後上到車D客又粗口咁狂插個carlo,咁carlo心情仲可以點?明明自己無錯就比人插,而家D咸魚又把閉,比幾蚊搭車以為自己大哂咁,見人就鬧,見carlo惡就唔出聲,而家D人變哂質,有時唔用D非常手段,真係會比人食住上

香港人真係奴性重 － 點解從事服務性行業就要俾人鬧？而九巴又有無做好顧主責任去保障員工？

Transport for London 喺巴士上貼有告示，警告乘客一但語言或行動上侮辱職員，TfL會爭取嚴懲對有關乘客

http://www.railcommunitysafety.com/News/Pages/New-campaign-aims-to-tackle-violence-against-transport-staff-head-on.aspx

咩年代都會鬧，但巴士車長以前，廿年前(如中記年代)，有冇咁多驚被無理投訴的壓力？鬧返客轉頭仲得。
巴士車長如駕駛態度，服務態度差被投訴，冇辦法，唔值得同情。
但乘客無理投訴，又被照肺，解釋時公司唔接受，都係話車長錯，你話心唔心淡？
d乘客夠唔夠膽投訴紅小車長？所以話欺善怕惡。
以前就巴士車長惡曬，後來調轉，將來會點？
而家咁多怪獸家長，老師都驚被投訴，尊師重道去左邊？所以話投訴之都。

無錯，乘客俾錢唔係大晒，俾錢亦唔代為可以為所欲為。

如果有錢就大晒，咁強國貴客來港消費，大家就快快上前跪拜，歡迎對方呼喝，唔好講咩遊客亦要尊重當地人民。

[ 本帖最後由 PB602 於 2014-6-10 22:48 編輯 ]

原帖由 HR9710+KU1391 於 2014-6-10 22:40 發表
咩年代都會鬧，但巴士車長以前，廿年前(如中記年代)，有冇咁多驚被無理投訴的壓力？鬧返客轉頭仲得。
巴士車長如駕駛態度，服務態度差被投訴，冇辦法，唔值得同情。
但乘客無理投訴，又被照肺，解釋時公司唔接受，都係話車長錯，你話心唔心 ...

做前線兩種心態，一係返工等放工，養妻活兒，結果咪怕事怕麻煩，任你鬧收工走，
另一種係有要求有態度，有人鬧佢一係鬧翻轉頭，一係直頭唔做

近年投訴文化就算員工無做錯，個客都係繼續嘈繼續投訴，結果前線煩中層又煩，
連高層都不好過，社會怨氣太深，遲早只會帶來不安

原帖由 PB602 於 2014-6-10 22:30 發表
香港人真係奴性重 － 點解從事服務性行業就要俾人鬧？而九巴又有無做好顧主責任去保障員工？

Transport for London 喺巴士上貼有告示，警告乘客一但語言或行動上侮辱職員，TfL會爭取嚴懲對有關乘客

http://www.railcommunit ...

你d高人一等既老外如果唔係*@#到人地屁屁冒煙，會有呢張poster?

即係人地一樣覺得俾幾銀可以丙司機喇？

咁點解香港人就奴性重？

原帖由 dicksonboy 於 2014-6-11 00:30 發表
你d高人一等既老外如果唔係*@#到人地屁屁冒煙，會有呢張poster?
即係人地一樣覺得俾幾銀可以丙司機喇？

咁點解香港人就奴性重？

咁如果香港有人用粗口鬧九巴司機，然後再去投訴，九巴夠竟會聲明 Our staff and passengers have the right to work ortravel without fear of attack. We will always press forthe strongest penalties against those who assault，定係回覆「已提醒有關車長注意服務態度，並會密切監察其工作表現」先？

[ 本帖最後由 PB602 於 2014-6-11 00:43 編輯 ]

但老實講，可能司機真係冇做錯而俾人鬧，係唔抵。
但如果你因為咁而離開崗位，到時你俾人鬧就變成係「理所當然」的了。

正如人地用言語侮辱你，你覺得受辱，係……但只要變成你揮拳打過去，你呢個動作點都有罪過開口侮辱你的那一位。

服務性行業，好多都係忍到收工，或者根本當呢類型既「投訴」不是一回事就好的了，只要自己沒做錯過。