[長文]各位師兄有無遇過巴膠/巴敗?如有,大家會點樣比反應?

就咁既,話說小弟琴日去完旺角坐車返土瓜灣,但人有三急,於是乎去亞皆老街球場公廁放水啦,又未到晚飯時間,就打算如廁後順便影陣車啦.

小弟途中經過世運天橋底,見有位拎住DC仔既行家係度stand by,當時時間約下午6點鐘.(以下用阿A代表該位行家)
小弟放完水出返行人路時,見到有部特見車埋站,於是乎行快兩步去橋底影車啦(小弟用手機video模式影車既)

見阿A無stand by同影相既動作,小弟就二話不說行埋最左邊開始影.
當小弟影緊個陣,阿A出聲:"阿先生,你阻住我個位影車啊."
由於小弟既"target"一架一架咁黎,小弟一於少理阿A.
個case係似短鏡入咗長鏡處境差唔多
點知影影下,同小弟背後隔約三四步既阿A開始問候小弟全家,甚至人身攻擊.
"人影車你影車,影到你咁衰!","影你相擺FB弊人睇ㄚ嗱,巴敗!","影比我師傅睇下你點樣阻我影車!","我報警啊!"等等
當阿A講到報警,小弟大喝回應"報警咪報警!"
阿A當場無言以答,然後開始作勢打電話(或者打電話吹雞幫拖)
小弟影咁耐,阿A就企咁耐.一段時間後,阿A行過去球場邊,作勢要影小弟,小弟當然要保障自己,於是乎錄低阿A.
阿A發現小弟影緊佢,即刻用樹做掩護.然後一陣,行近小弟死死地氣咁同小弟沙冧沙冧,話"你頭先有錄低我啊,剛才咁樣同你講野,對唔住"
再過一陣dead air位,阿A話"唔好比我見到你放段片上網,我報警架!"
約7點左右,阿A就傾咗一輪電話之後就離開咗,而最後無警察同幫拖巴迷到過場.

即係咁,小弟已經判斷過阿A無任何動作先企最左邊,再加上小弟右邊都係位,照返common sense,阿A唔企出D或者行去小弟右邊影?都係影到ㄚ!
另外,小弟百思不得其解既係點解阻到人影相就要話人地係巴敗?仲要吹到要報警,為咗呢D雞毛蒜皮既事就要浪費警力?
仲要有耐性係度睥小弟而唔係影車,小弟真係佩服佩服
小弟無話自己無錯,但係咪阻到人地影或預備影,就係巴敗?小弟無行出過馬路,又無企
而阿A既舉動亦引起其他途人注意,"人影車你影車,影到你咁衰!"呢句就係當住路過途人鬧小弟既.
小弟真係好想駁返佢:"唔駛報警啦,同你行去九龍城警署有點話ㄚ!",但最後,小弟大喝完阿A之後無再出聲,沉默回應,費事將件事搞大.
另外影阿A段片會封存,於必要時就會放出黎.

真係想知而家後生一代巴士迷既父母點樣教佢地,唉...

如果遇到其他case個陣,各位師兄有無咩野可以做?或者令當事人唔再騷擾小弟or其他行家?
或者小弟係處理呢件事上面,有無不當之處可以指正?
感謝各位師兄賜教!! m(_ _)m

整支長鏡長過佢再企佢後面鬧佢巴膠

雖然我不在場而且只能從你嘅描述作判斷，但都講吓我嘅見解:
正常嚟講，呢啲咁小事一般人都唔會即刻做出激烈反應，
除非對方認識你(但你不一定認識對方)而有可能有一啲過節，
否則對方可能有情緒問題甚至精神問題。

但樓主你無提及你是否認識對方/對方認識你，唔知你有否不提事件中其他細節?
如果樓主唔提及以上問題同講出所有細節，好難作結論。
而我只覺得對方似係想搵人嘈交多啲，話唔定佢可能係有人格問題，
無需認真，你同佢認真佢咪仲過癮。

不過都要喺度講，如果再遇到類似情況，
點都唔好隨便理佢，你都唔好激動，
更唔好作可能刺激到對方嘅行為同言語，因為對方分分鐘可能係有精神問題，
如果一唔好彩隨時係你唔抵。

P.S. 我影咗好多年車都遇到啲有精神問題嘅人搞住，
都見怪不怪，冷靜應對。

小朋友齊打交既鬧劇...

出黎影車咁耐又唔見我影車俾人兇?

回復 2# 的帖子
其實唔駛咁玩佢,小弟原本都想同佢講: "唔駛報警啦,近近地陪埋你行過去九龍城警署落埋案又點話ㄚ"
不過最後小弟都係講句:"咪報警囉"就算,無謂咁樣玩人地啦

回復 3# 的帖子

補充返先,小弟係唔識該位行家,

當小弟阻到佢之後,佢一直理小弟甚至問候小弟全家兼凶小弟個陣,小弟已經知道佢個腦有少少問題,

但係令小弟最百思不得其解既係點解大拿拿企咗成粒鐘,佢凶小弟話報警,

小弟講完句"咪報警囉"之後佢沙晒冧話自己唔啱,但走之前又話見到我擺佢上網就報警

道完歉都仲要倒轉頭警告小弟放上網就報警?Sorry,小弟理解唔到

回復 4# 的帖子
其實小弟都係第一次遇到呢個情況...
當該位行家係小學雞心智算鬼數(目測佢年齡相若於18-20歲左右)

[ 本帖最後由 HJ2127s 於 2014-6-22 18:16 編輯 ]