[應該係堅料]沙田區巴士路線發展計劃修訂版

原帖由 alex_yu1992 於 2014-6-22 01:25 發表

sorry記錯左373A
不如拉去中環同加密680仲好
680X行北角會趕走曬全車客坐返681
好彩嘅港澳上車就1h10mins返去馬市
一塞車就要1hr 30mins
而迦仲要經北角,塞車未要1hr 45mins
中上環,金鐘仲邊有人坐680X,坐返681咁 ...

其實以下繁興發街塞車情況睇，680X 拉落去行北角，行車時間會同而家無咩分別，當然就無晒港島段特快感覺。

但係與其咁行，倒不如 680X 中上環改行電車路，但過左熙信大廈後，轉返出灣北，入境處之後直上東廊，
而家 373 都係咁行，效果又唔係太差，同 681 分流中環金鐘同灣仔客。

better still，與其係咁，不如 680X 回程變晒 980X
反正而家 680X/681 太受港島區交通狀況影響，東廊入東隧近年又塞得太嚴重，
不如變晒 980X 金鐘開，經中上環後行西隧青沙，咁就避晒所有已知塞車位，
甚至停埋成條大涌橋路加亞公角街都應該會快過而家 680X 唔少，又可以屈大圍沙田客位位 $19，
學某板友話齋，認真屎忽數

甚至朝早都可以考慮將 680X 變 980X，不過大涌橋路麗豪酒店後可以飛晒站，咁就唔影響 982X。

至於北角客想快的話，寧願諗下 680 拆兩條線，一條耀安尾站上公路，
一條做 77 區加錦泰富安濱景一城，如果接受到減到去非繁 20 分一班的話，根本係夠資源做全日的。
我覺得加快錦英利安車程的迫切性同重要性，大過俾富安有全日車出中上環…

[ 本帖最後由 S3BL100 於 2014-6-22 09:59 編輯 ]

原帖由 S3BL100 於 2014-6-22 09:42 發表

最後一句我真係恕不認同。

286C 係俾馬鞍山人出長沙灣、深水步用的，收 $10.3 係唔合理，
但係如果收 $9.5 而又真係慳到一定時間的話，亦只係貴一蚊，我相信大部分乘客都會接受。

而家時勢，除非有其他交通競爭，或者有其他 ...

係下次加價前建議收$9.5，好難想像下月加價後會唔會收$10
當$10相比於$10.3，又相差多少? 乘客會欣然接受嗎?

原帖由 GL3789 於 2014-6-22 09:51 發表

有何關係?
288轉乘各路線亦都可以

九巴提左 287X 幾年，好明顯佢地有心將水泉澳納入青沙轉車網絡，兼俾佢地一程車出到旺角至佐敦。
而且水泉澳三萬人口，唔似新田圍得一萬人，你真係以為一條 288 可以做晒所有野？

水泉澳由有變無，對佢地又係咪公平？

真係要同 281B 合併既，應該係 280X。
反正今次 81C/87D 重組拉倒，亦減唔到咁多車，
如果 280X 改行大涌橋路上青沙落尖咀，同 287X 夾埋已經可以取代晒 81C 大圍至沙田段的功能，
到時可以配合 87D 提速變 87X，281X 全日亦會有更合理班次，效率一定高過而家修訂版方案好多。

而且仲可以減車俾 287X 加到 10 分鐘一班，加強轉車功能，
當然源禾路青沙線就要再諗，不過我唔認為無足夠資源砌多條源禾路/巿中心青沙線落深水步或大角咀。

原帖由 GL3789 於 2014-6-22 10:01 發表

係下次加價前建議收$9.5，好難想像下月加價後會唔會收$10
當$10相比於$10.3，又相差多少? 乘客會欣然接受嗎?

用你的邏輯，原建議 $10.3 都係「下次加價前」收 $10.3，好難想像下月加價後會唔會收 $10.7 甚至 $11，
到時又同而家想差幾多？

下月加價後，$8.5 又會加到幾多？有咩理由搵加價後新線數費同加價前舊線收費比，
而唔係只係比較加價前收費，或者只係比較加價後收費？呢個比較公平嗎？

原帖由 S3BL100 於 22-6-2014 10:04 AM 發表


九巴提左 287X 幾年，好明顯佢地有心將水泉澳納入青沙轉車網絡，兼俾佢地一程車出到旺角至佐敦。
而且水泉澳三萬人口，唔似新田圍得一萬人，你真係以為一條 288 可以做晒所有野？

水泉澳由有變無，對佢地又係咪公平？

真係要同 ...

源禾路青沙線用286其實好理想，
甚至落埋大角咀都可以考慮
講真，有81擦邊做石硤尾，
好難再有線行南昌街落深水埗
極其量拉80M去白田

原帖由 LAK2 於 2014-6-22 10:38 發表


源禾路青沙線用286其實好理想，
甚至落埋大角咀都可以考慮
講真，有81擦邊做石硤尾，
好難再有線行南昌街落深水埗
極其量拉80M去白田

不過而家 86 變 286 個建議都要收返

我諗緊 86 變 20 分一班的陰乾線，兩邊縮短，睇下可唔可以同其他路線重組，拆條類似 286 的物體出來

原帖由 S3BL100 於 2014-6-22 10:49 發表


不過而家 86 變 286 個建議都要收返

我諗緊 86 變 20 分一班的陰乾線，兩邊縮短，睇下可唔可以同其他路線重組，拆條類似 286 的物體出來

又想學九巴整條60分鐘一班的80M出來?

原帖由 av335 於 2014-6-22 01:06 發表


咁點解86C一定要放富安先? 因為幫九巴收8.5?
當然86C/86X兩條全日的話就只有一條入亞公角
但你解釋唔到點解86C一定要放富安，而唔係延長86A去石門收番沙田價
之前重組，81C就係因為放富安，北行沙田客繼續每位畀多$1而被 ...

86X沙田醫院/第一城先上橋咪慢咗。
第一，86X去程唔經富安所以先要擺86C係富安。

二，乘客當然想要最平收費，$6特快出長沙灣，乘客覺得爽呀。
區議員想有多D巴士線，多D班次，最好開D線去曬咁多個區，條條線要經個區。
巴士公司就想用最少嘅資源，賺到盡，收得貴D，年年大加價最好
大家堅持自己利益毫不退讓，RDP點會傾得掂? D線唔使郁繼續維持頹狀得啦，無共識可言。
所以要平衡各方面利益，一人退一步，要巴士公司肯，乘客肯，區議員肯，三方肯先得架。

三，以九巴性格要86A延長唔加價肯定唔制，除非係合併路線好似82M同85A咁啦。
86C返沙田收馬鞍山價$8.5咁好賺，九巴點會咁蝕底收返$6.5，少$2蚊俾你往返沙田。
10年前馬鐵通車曾經想將86A取消，搵86C代算數，但俾人ban咗。
咁睇得出九巴冇心想將將86A延長去濱景，86C第一城上橋改特快。
要做，重組個陣做咗啦。
81C要放富安就係因為唔想沙田人用$7.5返石門，要人俾返馬鞍山價$8.5。
如果肯將281B全日唔使依家做，十幾年前九巴可以將81P已經全日，81C改由沙田圍上公路。
九巴都唔肯將86A拉長，86X全日沙田醫院/第一城上橋，好多版友共識只會係自我FF

我緊係唔係9巴人啦，加價密樣衰班次，我使鬼幫佢？

[ 本帖最後由 AD118 於 2014-6-22 11:19 編輯 ]

原帖由 S3BL100 於 2014-6-22 10:06 發表


用你的邏輯，原建議 $10.3 都係「下次加價前」收 $10.3，好難想像下月加價後會唔會收 $10.7 甚至 $11，
到時又同而家想差幾多？

下月加價後，$8.5 又會加到幾多？有咩理由搵加價後新線數費同加價前舊線收費比，
而唔係只係比較 ...

以荔枝角站往返馬鞍山為例
港鐵加價後都收超過$10，村巴更收$12
九巴收$10點會唔合理?
係咪?
呢種係相當危險既想法

是次九巴加價已經係完完全全不合理，點解重要縱容九巴利用特快服務來進一步加價，進一步加重乘客負擔?
如果真係收$10.0，累積加幅將會接近兩成，乘客仍會欣然接受嗎?
還是根本唔到我地選擇，肉隨砧板上?
如是後者，我諗可以到此為止。